2 Timoti 3:2 - Aria New Testament

² Ma osep tidue elio langane. Osep ma isak lana isak ke isak kensak kensak vala e aitno lisak mter ke mani vala. Ma tikakai isak tona angainsak e aitno lisak mter timole osep leklou. Ma tiwai soulu ke osep leklou e tipul dogur ke sipmarak e titnarak urok pelengon. Ma tiwai tenkyu ke wan ka osep tikare ke isak kovok e tipul dogur ke Ida Tapolngon ila elio itau.

2 Timoti 3:2 ပူးပေါင်းရင်းမြစ်များ

Matyu 15:6

Langka iye wai langare iye ma due anit ke timla koke tna kovok. E ke pelengon langane umodue lumu apu mole Ida Tapolngon ila pelengon dagar.

Luk 12:15

Deka iye wai ke osep langane. “Umeile umu itau e umaplau umu itau lama umedidi elio ka umangale osep urok wan. Kesua gute ila mosongon dong itau batne ke ila wan pula pula ka dong kovok. Aurou.”

Luk 16:14

Osep Farisi ina isak lana isak ke mani. E alo ka tiklingen Yesus ila pelengon tiwai apok ke iye.

Luk 6:35

E umu lana umu ke upu oul e umodue elio itau e umakar lumu mani ke osep e aitno lumu mter ke ila kolingen kovok. Deka ma umodue lumu klingen ombatno e ma umodong Ida Tapolngon ka dong egim lokono titno umu. Kesua iye tona due mada ke osep ka aitno lisak itau kovok ke wan ka iye due e iye due mada ke osep ka soulu bitna.

Aposel 5:36

Aitno lumu mter ke wan ka polou oglou kodong. Oglou gute Teudas polou deka waiki mgo ke osep eriar langka iye gute ngongle gesa. Deka osep langka inarak sasa 400 aitno lisak dagar ke ila pelengon deka tineklep ke iye. Mase evlei polou deka osep timke iye e iye mete deka osep ka tididi iye tiulou kla. Deka ila pelengon polou adai vala.

Pas ka Pol sogoe uti la ke osep Rom ina 11:18

Deka umakakai angainmu langka umomole osep Israel ina sakam. Kesua umu langka akai tetna e umakar wan gesa ke akai gitno kovok. Aurou.

2 Korin 5:15

Gute tonari mete ma iye lua osep ka dau tidong ma aitno lisak mter ke isak vala kovok. Aurou. Ma aitno lisak mter ke gute ka mete e kasip amunsak deka iye poga tito ke ina denga.

Filipai 2:21

Osep leklou aitno lisak vri ke isak kensak kensak e aitno lisak mter langka tidue Yesus Krais ila bokongon kovok.

Kolosi 3:5

Umemete kap Krais kodong deka umopul dogur ke elio bitna bitna ka taklak ina ka soulu. Elio bitna bitna langka elio ka osep tikepis pulu e elio isungon ina e elio ka aling aling osep tiwaiki tidue elio epmes ina bitna bitna e elio ka osep tingale osep leklou urok wan. Elio ngalengen ina iye langka osep tilotuim sapingen.

2 Tesalonaika 2:4

Ma iye wai soulu ke wan ka pula keniye ka osep aitno lisak la ine e tisir isak langka inarak tapolngon. Ma iye wai iye omba e isak wan adai vala. E iye ma la ke Ida Tapolngon ila ninu e dong ine e wai langane. “Ngong tona Upu Tapolngon.”

1 Timoti 1:20

Himeneus e Aleksander tidue langane. E ngakar isak ke Satan limla ma iye due agegeng ke isak ma tile langane. Ma tiwai soulu ke Ida Tapolngon kovok.

1 Timoti 1:9

Bokongon ka Moses ila sogongon due langka lua osep ka tidue elio itau kovok. Aurou. Ane ma lua osep ka tipul dogur ke Moses ila sogongon e tididi elio ka aitno lisak vri ke isak vala. E lua osep ka tipul dogur ke Ida Tapol-ngon e tidue elio epmes ina. E lua osep ka tididi Ida Tapolngon ila pelengon kovok e tididi ilengen ka taklak ina vala. Moses ila sogongon langka wai dagar ke osep ka timluk sipmarak e titnarak ma timete e osep ka tipagam osep.

1 Timoti 3:3

E ma iye inim aki dagar ma bitna balilu kovok. Silang blang ma aitno nevlik e due evlei ke osep kovok. E ma aitno itau ke isak e due mada lisak. Ma aitno la ke mani kovok.

1 Timoti 6:10

Elio ka aitno lite la lokono ke mani ane elio soulu bitna bitna batne. Osep leklou aitno lisak la ke mani e elio langane ma nak isak e tisongon aitno lisak ila dagar deka agegeng ma due isak e tinamani ine.

2 Timoti 3:4

Ma tilai osep inarak e ma tisuong tididi aitno lisak ke wan ka kaka e ma aitno lisak mter ke isak kensak kensak vala. Ma aitno lisak mter ke elio bitna bitna ke taklak ka due aitno lisak itau e ma aitno lisak mter ke Ida Tapolngon kovok.

Jems 2:8

E Ida Tapolngon ka vri mgo ke ite wai ila pelengon dagar langane. “Umu lana umu ke supmu langka lana umu ke umu kenmu kenmu.” Langka umodue langane umodue elio itau.

Jems 4:16

E umawai ke bokongon ka umu tona umawaiki umodue e umakakai angainmu ine. Langka umodue langane umodue elio soulu lokono.

Jems 4:6

Ida Tapolngon makai ite ke ila makaingan ka ombatno. E ila pelengon wai blang langane. “Ida Tapolngon aitno itau ke osep ka tikakai isak tona angainsak kovok e iye makai osep ka tipes angainsak.”

1 Pita 5:5

Umu auram aitno umeini osep ngongle urok pelengon. Umu ka pula keniye umepes umu kenmu kenmu langka umeini umu pulu. Ida Tapolngon ila pelengon wai langane. “Ida Tapolngon aitno itau ke osep ka tikakai isak tona angainsak kovok e iye makai osep ka tipes angainsak.”

2 Pita 2:10

E lokono iye ules osep ka tididi pampamu lisak e tidue elio isungon ka soulu lokono e osep ka tiwaiki tini Ida Tapolngon ila pelengon kovok. Osep parerengen yakngan ina ane tiwaiki tikakai isak tona angainsak e tiwaiki tididi aitno lisak vala. Tiwai soulu ke ensel ka omur heven ina e tiulou tarna lisak ine kovok.

2 Pita 2:12

Osep tonari tidong langka ongwa vala e aitno lisak karanga mter ke wan gesa kovok e tididi pampamu lisak vala. E tidong langka ongwa kevena ma osep tidue isak e timter isak ma timete. Tiwai soulu ke elio bitna bitna ka tile ine kovok e ma timete langka ongwa kevena.

2 Pita 2:18

Tiwai omba e tiwai ulik ulik ma tikaranga tinak osep leklou ma tididi pampamu lisak e tidue elio soulu ka nak osep ka oku ane vala tikos ke osep ka tididi aitno lisak vala.

2 Pita 2:3

Osep parerengen yakngan ina tiwaiki tidue mani pula e tiwai basikngen adai ma tidue lumu mani ine. E ke oglou lila me Ida Tapolngon dong para e isuk boto ma iye wade isak e due agegeng ke isak.

Pas ka Jut sogoe 1:16

Tingurngur e aitno lisak soulu ke wan bitna bitna ka polou ke isak. E tididi aitno lisak e tidue elio soulu. Tikakai isak tona angainsak e tiwai dikngen ke osep ma tidue wan bitna bitna ke isak.

Pelengon kukwopngon 13:1

E ngavati ongwa kevena polou ke misuon ka otuk ine lumorwo e ina emsik songotno e hat langka osep ka tivri mgo ke omur omur tisine dong ke emsik kene kene. E ke otuk ine kene kene sogongon dong ka wai soulu ke Ida Tapolngon e pes angaine duru.

Pelengon kukwopngon 16:11

Aitno lisak mter ke tarna lisak doro doro e ke egle ka polou ke tarna lisak e tiluk soulu ke Ida Tapolngon ka dong ke omur heven e tibauluk aitno lisak ke urok elio soulu kovok.

Pelengon kukwopngon 16:21

E aragu langka ais ka isak kene kene urok anit langka 50 kilogram duru ke taklak. Aragu ka langka ais tonari me ke sirva e duru ke osep. E osep tiluk soulu ke Ida Tapolngon kesua aragu langka ais due agegeng omba ke isak.

Pelengon kukwopngon 16:9

Oklou polou engil lokono deka les osep tarna lisak e tiluk soulu ke Ida Tapolngon ka plau agegeng tonari angaine. E tibauluk aitno lisak e tikakai angaine tito la egim kovok.