Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Timoti 2:3 - Aria New Testament

3 Emvri dagar langka gute ola ina ke Krais Yesus ila bokongon. Kesua elio ma polou ka opru wom eriar langka polou ka opru imi.

အခန်းကိုကြည့်ပါ။ ကော်ပီ




2 Timoti 2:3
20 ပူးပေါင်းရင်းမြစ်များ  

Gute tonari sogo ila pas yagos e kare ke osep ka tipaur Pol. Deka osep ola ina tididi pelengon ka inarak plaungan kare ke isak. Tikere urok wan yagos deka tidue Pol e tisongon armok ke epmes e isak kla tididi ekreng la lama tipolou ke armok Antipatris.


Gute ka lana iye ke osep leklou io wan gesa karanga mole iye kovok. Aling aling aitno dagar ke Ida Tapolngon e iye para ma elio itau polou ke iye. E alo ka elio polou ka opru iye ma iye vri dagar ine.


Gute sei due bokongon langka gute ola ina e iye tona kli ila wan bitna bitna? Gute sei due yage e due ina ngangon ine kovok? Koke gute sei vaken sipsip e inim inarak sisu kovok?


Elio polou ka opru imi ma imakaranga imolua umu e ma Ida Tapolngon lua umu ke lumu elio epmes ina. E Ida Tapolngon due aitno limi itau deka elio ane polou ma imakaranga imodue aitno lumu itau blang. Langka umevri dagar ke elio ka opru umu langka imevri dagar ke elio ka opru imi ma Ida Tapolngon due aitno lumu dong itau.


Erigu Timoti aitno lungong mter ke pelengon ka oglou osep napaprangan ina tiwai ke wom ke elio ka ma omdue. E ngawai ke wom ke pelengon ma emdidie. Deka langka emdidi osep napaprangan ina urok pelengon omdong dagar e ma ommole elio soulu.


Ngong Pol ngong Krais Yesus ila aposel gesa. Ida Tapolngon didi aitno e rere ngong ila aposel. Ma ngawai ke osep ke mosongon oku ina ka dong vala dong. Ida Tapolngon wai promis ma iye kar mosongon oku ina tonari ke osep ka aitno lisak dagar ke Krais Yesus.


Wom mnak wom ke Ida Puda ila pelengon kovok. Aurou. Amnapapra ine vala. E silang blang wom mnak wom ke elio ka ngadong ke kalabus kovok. Ngadong ke kalabus batne ngapalongo osep ke Ida Puda. E itorwo udo bokongon eriar e langka osep tidue agegeng ke ngong ma tidue langane ke wom blang. E dau Ida Tapolngon ila arit ma lua wom ke lem bokongon.


Osep tidue agegeng ke ngong e dau ngadong dagar ine kesua ngawaiki ngalua osep ka Ida Tapolngon rere isak ila osep. Ma Krais Yesus lua isak ke urok elio epmes ina e tidue mosongon ka dong vala dong kap iye.


Nganapapra Ida Tapolngon ila omon itau e ke batne ane osep tidue agegeng ke ngong. Tidue sen e tipou lungu e kongu ine e tidue ngong ngasep ke kalabus langka ngong gute soulu bitna. E osep tikaranga tidangdang omon itau kovok.


Emile osep tidue agegeng e tidue elio soulu ke ngong ke Antiok e Aikoniam e Listra. Tidue agegeng ke ngong e Ida Puda lua ngong ma ngadong itau ine.


E wom Timoti aitno lugom mter itau ke pelengon itau e emvri dagar alo ka elio polou ka opru wom. Aling aling amnapapra omon itau ke osep e ambabrum bokongon ka Ida Tapolngon kare ke wom.


E imosogo pas ane ke apmang Apia e ke gute Arkipus blang. Imogosok Arkipus imo-boko dagar ke Ida Tapolngon ila bokongon. E silang blang imo-sogo pas ane ke sios ka duni pulu ke lem ninu.


Aitno lumu mter ke oglou alo ka umoklingen Ida Tapolngon ila omon itau aling kene ina. Alo ari osep tidue agegeng omba ke umu e dau aitno lumu segesege kovok e umodong dagar ine.


Moses aitno dagar ke Ida Tapolngon deka iye songon omur Isip la. E iye ulou ke gute ka vri mgo ke omur Isip ka aitno engil ke iye kovok. E langane. Itosep itakaranga itavati Ida Tapolngon kovok e dau Moses dong dagar langka iye karanga vati iye.


E Abraham dong para e kerker kovok e ile mase ma iye due wan ka Ida Tapolngon wai promis ine.


Gute ka vri dagar alo ka wan polou ka opru iye ma Ida Tapolngon aitno itau ke iye e kere iye itau. Kesua mase ma Ida Tapolngon kar iye wan itau langka osep ka timole resis tidue. Wan ane mosongon itau ka iye wai promis ine ke osep ka isak lana isak ke iye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ