2 Timoti 2:18 - Aria New Testament

¹⁸ Isak orwo tisongon pelengon ka lokono e tiwai langane. “Ante vala timete kap Krais deka tipoga kodong. E mase ma pampamu lite tibauluk titito e tidong blang kovok.” E urok pelengon tonari due pogle ke osep leklou aitno lisak ila dagar.

2 Timoti 2:18 ပူးပေါင်းရင်းမြစ်များ

Matyu 15:13

E Yesus koli wai ke isak langane. “Wan keniye ka Livou ka dong ke omur heven usake kovok ma iye pie.

Matyu 22:29

E Yesus koli wai ke isak langane. “Umeile Ida Tapolngon ila pelengon kovok e umeile ila arit kovok e ke batne ane aitno lumu kaka ine.

Luk 8:13

E londo ka tiduru timunu ke taklak ka isuk boto vala ka napal munu ke opmu tona isak langka osep ka tiklingen omon itau e suong bara lisak due e aitno lisak neser ine. E dau tidong dagar ine kovok kesua isak langka wit erine ka gigitno kovok e aitno lisak dagar sasi boto vala e alo ka tokngon polou ke isak io tisongon aitno lisak ila dagar.

Aposel 5:39

E langka tididi Ida Tapolngon aitno itakaranga itadangdang isak ine kovok. Lama itapara pulu kap Ida Tapolngon.”

1 Korin 11:19

Deka aitno lungong mter langka lumu duningen bitna langka dar boto ma umeile itau ke osep ka aitno lisak dagar ke Ida Tapolngon ila elio itau.

1 Korin 15:12

Imanapapra pelengon ka Krais mete e Ida Tapolngon due poga tito ke ina denga. E umu leklou umawai gute ka mete kodong ma iye karanga poga tito ke ina denga kovok.

Kolosi 3:1

Ida Tapolngon due umu umopoga umetito kap Krais kodong e Krais dong ke Ida Tapolngon limla odung. E aling aling umoboko dagar ma umodue wan ka omur heven ina.

1 Timoti 1:19

Ke elio langane aling aling ma omdong dagar e ma aitno lugom dagar lokono ke Yesus ma emile langane. Lem elio soulu gesa vri ke wom ke Ida Tapolngon bitna kovok. Osep leklou tile ke elio itau e dau tipul dogur ine. Mase aitno lisak ila dagar dong dagar kovok e isak langka sip ka la nabak sep ke asar.

1 Timoti 6:10

Elio ka aitno lite la lokono ke mani ane elio soulu bitna bitna batne. Osep leklou aitno lisak la ke mani e elio langane ma nak isak e tisongon aitno lisak ila dagar deka agegeng ma due isak e tinamani ine.

1 Timoti 6:21

Osep ka tididi ilengen langane tisongon aitno lisak ila dagar kodong. Deka ngawai langane. Ma Ida Tapolngon ila makaingan dong kap umu.

2 Timoti 2:14

Aling aling omsruk osep ma aitno lisak mter ke lou pelengon ane e amwai dagar ine ke Ida Tapolngon bitna. Amwai ke isak ma orsak mluk pulu ke pelengon adai sakam. Kesua elio tonari karanga lua osep kovok e due pogle ke aitno lisak ila dagar.

Taitus 1:11

Osep are tiparere osep kesua tiwaiki urok mani polou omba ine. E langka tiparere langane tidue elio soulu e tidue agegeng ke osep kap urok osua aitno lisak ila dagar. Deka amdangdang isak ma tiwai pelengon langane kovok.

Hibru 3:10

E aitno lungong engil ke isak ke urok elio tonari. Deka ngawai langane. Aling aling tididi ngong kovok e tini lou pelengon kovok.

Jems 5:19

Sipmi. Langka gute gesa airavu ke umu pul dogur ke Ida Tapolngon ila pelengon ka lokono e lila ulik ulik deka gute silang lua iye ma iye iding.

1 Jon 2:19

Oglou osep tonari tidong kap ite deka tisongon ite kesua isak udo osua lokono kovok. Langka tidong ke udo osua lokono deka isak dau tidong kap ite. E alo ka tisongon ite ane nisngen tidong ke udo osua lokono kovok.