2 Timoti 2:16 - Aria New Testament

¹⁶ E ompul dogur ke pelengon ulik ulik ka didi Ida Tapolngon aitno kovok. Kesua pelengon tonari nak osep aitno lisak ma tipul dogur ke Ida Tapolngon.

2 Timoti 2:16 ပူးပေါင်းရင်းမြစ်များ

1 Korin 15:33

Umeile umu itau lama osep leklou tipagolgol aitno lumu. Umeile pelengon langane. Langka umodong kap osep soulu bitna ma tidue agegeng ke lumu elio itau.

1 Korin 5:6

Lumu elio ka umakakai angainmu soulu lokono. Batne lange? Umeile yis sasi boto vala karanga due bret pula song polou omba kovok?

1 Timoti 1:9

Bokongon ka Moses ila sogongon due langka lua osep ka tidue elio itau kovok. Aurou. Ane ma lua osep ka tipul dogur ke Moses ila sogongon e tididi elio ka aitno lisak vri ke isak vala. E lua osep ka tipul dogur ke Ida Tapol-ngon e tidue elio epmes ina. E lua osep ka tididi Ida Tapolngon ila pelengon kovok e tididi ilengen ka taklak ina vala. Moses ila sogongon langka wai dagar ke osep ka timluk sipmarak e titnarak ma timete e osep ka tipagam osep.

1 Timoti 4:7

Deka ma ompul dogur ke basikngen adai bitna bitna ka osep leklou tibasik ine ka didi Ida Tapolngon ila pelengon kovok. Ma amnana dagar ma emdidi Ida Tapolngon ila elio vala.

1 Timoti 6:20

Timoti. Ma amplau boko-ngon ka Ida Tapolngon kare ke wom itau lokono. E ma ompul dogur ke osep ka tiwai pelengon bitna bitna ka didi Ida Tapolngon aitno kovok. E omdong mawa ke osep ka tiwai pelengon adai ka para pulu ke Ida Tapolngon ila pelengon. Aitno lisak langka urok ilengen omba e tile itau lokono. E dau tile lokono kovok.

2 Timoti 2:14

Aling aling omsruk osep ma aitno lisak mter ke lou pelengon ane e amwai dagar ine ke Ida Tapolngon bitna. Amwai ke isak ma orsak mluk pulu ke pelengon adai sakam. Kesua elio tonari karanga lua osep kovok e due pogle ke aitno lisak ila dagar.

2 Timoti 2:21

Are langka pelengon ano ke Ida Tapolngon ila osep ite. Langka gute gesa pul dogur ke elio soulu iye ma polou Ida Puda ila gute ka itau lokono langka dis ka itau. E iye karanga due bokongon bitna bitna ka Ida Puda waiki iye due.

2 Timoti 3:13

E osep soulu bitna e osep yakngan ina ma urok elio soulu res polou omba. E tiyak osep leklou e Satan yak isak.

Taitus 1:11

Osep are tiparere osep kesua tiwaiki urok mani polou omba ine. E langka tiparere langane tidue elio soulu e tidue agegeng ke osep kap urok osua aitno lisak ila dagar. Deka amdangdang isak ma tiwai pelengon langane kovok.

Taitus 1:14

E tiklingen osep Yuda ina urok alemge bitna bitna kovok. E silang blang tiklingen pelengon dagar ke osep ka tipli Ida Tapolngon ila pelengon kovok.

Taitus 3:9

E ompul dogur ke elio ka umotuk opmu pulu. E ke basikngen bitna bitna ka la ke osep urok seia angainsak. E ke elio ka umotuk opmu pulu ke Moses ila sogongon lana ine. Kesua pelengon langane manga manga e pelengon adai vala e karanga lua ite ma itedidi elio itau kovok.

Hibru 12:15

Umeile umu itau lama umopul dogur ke Ida Tapolngon ila makaingan. E umeile umu itau lama gute gesa airavu ke umu polou langka wan ka meli e ila elio due elio soulu polou ke osep leklou e elio tonari due asmel ke osep pula.

2 Pita 2:18

Tiwai omba e tiwai ulik ulik ma tikaranga tinak osep leklou ma tididi pampamu lisak e tidue elio soulu ka nak osep ka oku ane vala tikos ke osep ka tididi aitno lisak vala.

2 Pita 2:2

Tidue elio soulu aling aling deka osep pula leklou ma tididi urok elio soulu deka osep ka tivati urok elio soulu ma tiwai soulu ke Ida Tapolngon ila ekreng ka lokono.

Pelengon kukwopngon 13:14

Ida Tapolngon songon iye ma iye due elio arit ina bitna bitna ke ongwa kevena kene ina bitna. Ke elio langane iye yak osep ka pula keniye ka tidong ke taklak. E iye wai ke osep langane. “Umodue sapingen ke ongwa kevena kene ina ka oglou timter iye ke elil omba e eknikane iye dong. Ma umodue anit ke iye.”

Pelengon kukwopngon 13:3

Ongwa kevena tonari bitna langka osep timter otuk ine kene ma isuk boto iye mete e omur ka timter iye emsim e polou itau blang. Osep ka pula keniye ke taklak tivati ongwa kevena e tidigrik ke iye deka tididi iye.