2 Timoti 2:10 - Aria New Testament

¹⁰ Osep tidue agegeng ke ngong e dau ngadong dagar ine kesua ngawaiki ngalua osep ka Ida Tapolngon rere isak ila osep. Ma Krais Yesus lua isak ke urok elio epmes ina e tidue mosongon ka dong vala dong kap iye.

2 Timoti 2:10 ပူးပေါင်းရင်းမြစ်များ

Matyu 24:22

E langka Ida Tapolngon due alo ari ina taim yari duru kovok osep ka pula keniye ma timete ine. E Ida Tapolngon aitno mter ke osep ka iye rere isak ila osep e iye due alo ari ina taim yari duru.

Matyu 24:24

Kesua osep yakngan ina ma tipolou ka tisir isak Krais koke tisir isak osep napaprangan ina. E ma tidue elio arit ina ka omba ma osep tididi isak ke elio soulu. E tiwaiki titok osep ka Ida Tapolngon rere isak ila osep blang.

Matyu 24:31

E kuliep ma wai omba e iye pagei ila ensel ke omur ka pula keniye ke taklak e tigom osep ka pula keniye ka iye rere isak ila osep.”

Luk 18:7

Aitno lumu lange? Ma Ida Tapolngon lua e kere osep ka iye rere isak ila osep alo ka tiwai itau ke iye ke oklou e epmes koke aurou? Ma iye dong tauni deka lua isak koke aurou?

Luk 22:57

E Pita koli wai ke iye langane. “Apmang ngaile gute tonari kovok.”

Jon 11:52

E iye mete ke osep Yuda ina vala kovok. Aurou. Iye mete ke Ida Tapolngon ila osep keniye ka tidong ke omur omur. Ma iye due isak tipolou osua kene vala.

Jon 17:24

“Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak.

Jon 17:9

“Ngawai itau ke wom ma omlua isak vala. E ngawai itau ma omlua osep taklak ina kovok. Aurou. Ngawaiki omlua osep ka amkar isak ke ngong kesua isak lem osep.

Pas ka Pol sogoe uti la ke osep Rom ina 2:7

E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.

Pas ka Pol sogoe uti la ke osep Rom ina 9:23

Iye dong dau tauni ine kesua batne ke osep leklou ka iye waiki aitno due isak. Iye waiki osep tonari tidong itau ke ila bublongon ka itau lokono. Kesua oglou ari kodong iye rere osep tonari ma tidong itau ke ila bublongon.

1 Korin 1:21

Ida Tapolngon ile omur ke wan bitna bitna deka ila ilengen ombatno lokono. E iye didi ila ilengen tonari e dangdang osep ke elio ka tididi aitno lisak ma tile omur ke iye. Imanapapra Ida Tapolngon ila pelengon ke osep e Ida Tapolngon aitno itau ma iye lua osep ka aitno lisak la dagar ke iye ke urok elio epmes ina. E osep ka tididi aitno lisak tiwai pelengon ka imanapapra ine iye pelengon adai vala.

1 Korin 9:22

Alo ka ngadong kap osep ka aitno lisak ila dagar dau dagar kovok ngadidi urok elio ma ngalua isak. Ngadidi osep bitna bitna urok elio kesua ngawaiki ngalua isak ma tipolou Krais ila osep.

2 Korin 1:6

Elio polou ka opru imi ma imakaranga imolua umu e ma Ida Tapolngon lua umu ke lumu elio epmes ina. E Ida Tapolngon due aitno limi itau deka elio ane polou ma imakaranga imodue aitno lumu itau blang. Langka umevri dagar ke elio ka opru umu langka imevri dagar ke elio ka opru imi ma Ida Tapolngon due aitno lumu dong itau.

2 Korin 12:15

E aitno lungong neser ma ngakar lou wan keniye ke umu e ngakar ngong blang ke umu ma ngalua umu ine. Ngong lana ngong omba ke umu. E lange? Ma umu lana umu sasi boto ke ngong i?

2 Korin 4:15

Wan bitna bitna tonari tidong ma tilua umu ke lumu mosongon. E ke elio langane Ida Tapolngon ila makaingan kes lila ke osep pula ma tiwai tenkyu ke wan ka Ida Tapolngon kare ke isak e tikakai angaine tito la egim ine.

2 Korin 4:17

Imeile elio ka polou ka opru imi tidong isuk boto vala e isak wan gesa kovok. Elio tonari kere imi ma imodue mosongon ka itau lokono ka dong vala dong. E mosongon tonari mole wan ka pula keniye.

Efesus 3:13

E langane. Umeile omur osep tidue elio soulu bitna bitna ke ngong kesua batne ngaboko ke Ida Puda ila bokongon ma lou bokongon lua umu. E ngawai ke umu ma aitno lumu kro ine kovok. Kesua elio bitna bitna ka opru ngong karanga lua umu e aitno lungong itau ine.

Kolosi 1:24

Eknikane aitno lungong itau lokono alo ka nganamani elio ka polou ka opru ngong ma ngalua umu. Elio opru tonari langka elio opru ka Krais namani ka ma lua sios ine e elio opru tonari dau yagos kovok. E ngawaiki ngalua Krais ila sios ka pampamu ine. E ke elio opru ka nganamani ke pampamu lungong ngawaiki ma ngalua sios blang.

Kolosi 1:27

Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.

1 Tesalonaika 5:9

Ida Tapolngon rere ite ma itanamani aitno ila engil kovok. Iye rere ite ma Ida Puda Yesus Krais lua ite ke udo elio epmes ina.

2 Tesalonaika 2:14

Oglou Ida Tapolngon rere umu e imanapapra omon itau ke umu deka umopolou ila osep ine. Iye rere umu ila osep kesua iye waiki umodong kap iye e umaplau omur kap iye.

2 Timoti 1:1

Ngong Pol ngong Krais Yesus ila aposel gesa. Ida Tapolngon didi aitno e rere ngong ila aposel. Ma ngawai ke osep ke mosongon oku ina ka dong vala dong. Ida Tapolngon wai promis ma iye kar mosongon oku ina tonari ke osep ka aitno lisak dagar ke Krais Yesus.

2 Timoti 2:1

Timoti wom langka erigu e ngawai ke wom langane. Emneklep ke Krais Yesus kodong deka ngawaiki ila makaingan due wom ma omdong dagar.

2 Timoti 2:3

Emvri dagar langka gute ola ina ke Krais Yesus ila bokongon. Kesua elio ma polou ka opru wom eriar langka polou ka opru imi.

Taitus 1:1

Ngong Pol ngong Ida Tapol-ngon ila gute bokongon ina gesa e ngong Yesus Krais ila aposel gesa. Iye rere ngong e pagei ngong ngala ngadue osep ka Ida Tapolngon rere isak ila osep ma aitno lisak ila dagar dong dagar. Deka ngadue isak ma tile omur ke pelengon lokono e aitno lisak la dagar ine e tididi Ida Tapolngon ila elio itau.

1 Pita 2:10

Oglou umodong Ida Tapolngon ila osep kovok e eknikane umu ila osep. Oglou Ida Tapolngon aitno due umu kovok e eknikane aitno due umu kodong.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.