2 Timoti 1:8 - Aria New Testament

⁸ Wom mnak wom ke Ida Puda ila pelengon kovok. Aurou. Amnapapra ine vala. E silang blang wom mnak wom ke elio ka ngadong ke kalabus kovok. Ngadong ke kalabus batne ngapalongo osep ke Ida Puda. E itorwo udo bokongon eriar e langka osep tidue agegeng ke ngong ma tidue langane ke wom blang. E dau Ida Tapolngon ila arit ma lua wom ke lem bokongon.

2 Timoti 1:8 ပူးပေါင်းရင်းမြစ်များ

Mak 8:38

Eknikane osep ka pula keniye ka tidong ke taklak ane tidong tidar Ida Tapolngon ila pelengon dagar e tipul dogur ke iye. Langka gute gesa mnak iye ke ngong e ke lou pelengon io mase ma ngong mnak ngong ke iye. Alo ka ngong ka Gute Ka Polou Langka Osep ngabauluk ke taklak blang kap Livou ila bublongon e ila ensel ka itau ma ngong mnak ngong ke gute tonari.”

Luk 9:26

Langka gute mnak iye ke ngong koke lou pelengon ma ngong ka Gute Ka Polou Langka Osep mnak ngong ke iye alo ka ngaiding ngame ke lou bublongon e ke Livou ila bublonon kap ila ensel ka itau lokono.

Jon 15:27

E umu blang ma umapalongo osep ke ngong kesua umodong kap ngong alo ka nganogrum lou bokongon e lila me ke oku ane.”

Jon 19:35

E gute ka vati elio ane palongo ine e ila palongongon lokono. E iye ile iye wai lokono ma aitno lumu karanga la dagar ke ila pelengon.

Aposel 5:41

Deka osep aposel tisongon osep kaunsil ina amtarsak e kla ke dogur. E aitno lisak itau ke Ida Tapolngon kesua iye rere isak e tinamani agegeng ka polou ke isak batne aitno lisak dagar ke Yesus.

Pas ka Pol sogoe uti la ke osep Rom ina 1:16

Eknikane ngong mnak ngong ke Ida Tapolngon ila omon itau kovok. Aurou. Aitno lungong dagar lokono ine vala. Ida Tapol-ngon ila omon itau ila arit karanga lua osep keniye ka aitno lisak dagar ine. Ida Tapolngon ila omon itau me ke itosep Yuda ina mgo. Mase omon tonari la polou ke osep ka isak osep Yuda ina kovok.

Pas ka Pol sogoe uti la ke osep Rom ina 16:25

Ma itakakai Ida Tapolngon angaine tito la egim. Kesua iye tona karanga due aitno lite ila dagar kis dagar ke Ida Tapolngon ila omon itau ka la ke Yesus Krais ka nganapapra ine. Oglou ari osep tile omur ke Ida Tapolngon ila omon itau kovok. E eknikane iteile ine kesua Ida Tapolngon lua ite ine.

Pas ka Pol sogoe uti la ke osep Rom ina 8:36

Oglou ari gute Devit sogo Ida Tapolngon ila pelengon palma ka wai langane. “Oklou aling aling osep tiwaiki tidue burwa ke ite kesua batne ite lem osep. Tivati ite eriar langka sipsip ka tiwaiki timter isak deka timete.”

Pas ka Pol sogoe uti la ke osep Rom ina 9:33

E elio tonari eriar langka Ida Tapolngon ila pelengon ano ka wai langane. “Osep umoklingen. Ngadue opmu gesa dong ke omur Saion e osep pula kamsak tinepir ine e tigene ine. E osep keniye ka aitno lisak dagar ine ma aitno lisak soulu ine kovok. Aurou. Ma aitno lisak itau ine vala.”

1 Korin 1:6

Imanapapra Ida Tapolngon ila omon ka la ke Krais ke umu deka umoklingen ine. Umoklingen ine deka aitno lumu la dagar lokono ine.

2 Korin 6:7

Imanapapra pelengon ka lokono vala e imoboko ke Ida Tapolngon ila arit. Imodue elio isuk isuk ka itau e limem elio tonari langka ola e osua ka tilua osep alo ka tidue evlei kap inarak oul.

Efesus 3:1

Ngong Pol nganapapra Ida Tapolngon ila omon itau ke umu ka osep Yuda ina kovok. Deka osep Yuda ina leklou aitno lisak engil lokono ke ngong ine e tidue ngong ngadong ke kalabus ane. Ngadong ine e ngawai itau ke Ida Tapolngon ma iye lua umu.

Efesus 3:13

E langane. Umeile omur osep tidue elio soulu bitna bitna ke ngong kesua batne ngaboko ke Ida Puda ila bokongon ma lou bokongon lua umu. E ngawai ke umu ma aitno lumu kro ine kovok. Kesua elio bitna bitna ka opru ngong karanga lua umu e aitno lungong itau ine.

Efesus 4:1

Osep leklou tidue ngong ngadong ke kalabus ane kesua ngaboko ke Ida Puda ila bokongon. E Ida Tapolngon rere umu ila osep umu deka ngawai dagar ke umu langane. Umodue elio itau ka iye waiki umodue ma lumu elio isuk isuk keniye itau.

Efesus 4:17

E ngawai dagar ke umu ke pelengon ane kesua batne Ida Puda dong. Umodue elio epmes ina bitna bitna eriar langka osep ka isak osep Yuda ina kovok tidue sakam. Kesua tididi aitno lisak ka kaka lokono vala.

Filipai 1:7

Ngong lana ngong omba ke umu deka elio ka aitno lungong mter pula ke umu iye osuk lokono. Ngadue langane lama ngadong ke kalabus koke ngapalongo osep ke elio ka omon itau iye lokono koke ngadue aitno lisak la dagar ine. E umu keniye umoboko kap ngong ke bokongon ka Ida Tapolngon kare ke ngong ke ila makaingan.

Filipai 3:10

Ngong lana lungong langane. Ma ngadong kap Krais e ngadue Ida Tapolngon ila arit ka due Krais poga tito ke ina denga. E nganamani elio ka opru ngong langka Krais namani elio ka opru iye. E ngawaiki aitno lungong oglou ina mete langka iye mete.

Filipai 4:13

Krais lua ngong ke ila arit deka ngakaranga ngadong itau ke elio bitna bitna ka tipolou ke ngong.

Kolosi 1:11

E imorwo imawai itau langane. Alo ka umanamani ke elio ka opru umu imawaiki Ida Tapolngon ila arit omba ka itau lokono lua umu ma umevri dagar ine. E ma aitno lumu dong epen e ma umodong umapara ke alo ka elio ka opru umu polou yagos. E ma aitno lumu itau e aitno lumu neser ine.

Kolosi 1:24

Eknikane aitno lungong itau lokono alo ka nganamani elio ka polou ka opru ngong ma ngalua umu. Elio opru tonari langka elio opru ka Krais namani ka ma lua sios ine e elio opru tonari dau yagos kovok. E ngawaiki ngalua Krais ila sios ka pampamu ine. E ke elio opru ka nganamani ke pampamu lungong ngawaiki ma ngalua sios blang.

1 Tesalonaika 3:4

Alo ka imi dau imodong kap umu imawai ke umu langane. Ma osep tidue agegeng bitna bitna ke ite. E umeile elio langane polou kodong.

1 Timoti 2:6

Alo ka Ida Tapolngon rere io Krais soro pampamu ine ma iye lua ite ma itodong itau ke Ida Tapolngon bitna. E ke elio tonari Ida Tapolngon nis ite langka iye waiki lua osep ka pula keniye.

2 Timoti 1:10

Eknikane ila makaingan polou malak lokono batne Ida Luangan Krais Yesus me polou ke ite kodong. E osep ka tiklingen Ida Tapolngon ila omon itau e aitno lisak dagar ine ma metengen mole isak kovok e ma tidue mosongon ka dong vala dong.

2 Timoti 1:12

Ngadue bokongon tonari deka ke batne langane osep tidue agegeng ke ngong. E ngong mnak ngong ke bokongon tonari kovok. Kesua ngaile omur ke Ida Luangan ka aitno lungong dagar ke iye. Ngaile omur iye ma plau ila pelengon ka iye kare ke ngong itau lokono la lama iding ke oklou ka wan ka pula keniye yagos.

2 Timoti 1:16

Ngawaiki Ida Puda due mada ke gute Onesiforus kap ila osua kesua aling pula iye lua ngong e due aitno lungong dong itau. E silang blang ngadong ke kalabus e iye mnak iye ke ngong kovok.

2 Timoti 2:3

Emvri dagar langka gute ola ina ke Krais Yesus ila bokongon. Kesua elio ma polou ka opru wom eriar langka polou ka opru imi.

2 Timoti 2:8

Aitno lugom mter itau ke Yesus Krais. Iye gute Devit ila napakngan gesa e iye mete deka poga tito ke ina denga. Ane omon itau ka nganapapra osep ine.

2 Timoti 2:9

Nganapapra Ida Tapolngon ila omon itau e ke batne ane osep tidue agegeng ke ngong. Tidue sen e tipou lungu e kongu ine e tidue ngong ngasep ke kalabus langka ngong gute soulu bitna. E osep tikaranga tidangdang omon itau kovok.

2 Timoti 4:17

Alo ari Ida Puda dong kap ngong e kar ila arit ke ngong. E nganapapra Ida Tapolngon ila omon itau ke osep ka pula keniye ka isak osep Yuda ina kovok. E osep tiwaiki timluk ngong ma ngamete e Ida Puda lua ngong ine.

2 Timoti 4:5

E wom Timoti aitno lugom mter itau ke pelengon itau e emvri dagar alo ka elio polou ka opru wom. Aling aling amnapapra omon itau ke osep e ambabrum bokongon ka Ida Tapolngon kare ke wom.

1 Pita 1:5

Aitno lumu dagar ke Ida Tapolngon deka iye plau umu ke ila arit. Iye waiki lua ite e elio ane ma polou malak alo ka Krais iding me.

1 Jon 4:14

Itavati elio pula ka Pmada due kodong. Iye pagei Otno Arang me ke taklak ma iye lua osep ke urok elio epmes ina. E itapalongo osep ine.

Pas ka Jut sogoe 1:24

Ida Tapolngon karanga plau umu itau e lua umu ma umegene ke elio epmes ina kovok. E iye karanga due umu umala ke ila omur ka itau itau lokono e elio gesa vri ke umu kovok. Deka aitno lumu neser omba.

Pelengon kukwopngon 1:2

E ngawai ke Yesus ila osep leklou. E ngavati wan tonari deka ngawai malak ke Ida Tapolngon ila pelengon e ke Yesus Krais ila pelengon. Ngawai langane. Pelengon ane lokono.

Pelengon kukwopngon 1:9

Ngong Jon e ngong ngagosok umu itodong ke Yesus ila osua. Agegeng ka polou ke umu polou ke ngong blang kesua ngadong langka umu e itodong dagar ke elio ka opru ite. Nganapapra Ida Tapolngon ila pelengon e ngawai pelengon lokono ka la ke Yesus. Deka osep tisapir ngong e tidue ngong ngadong ke aidunu ka angaine Patmos.

Pelengon kukwopngon 12:11

E Ida Tapolngon ila osep timole Satan ke Sipsip Otno ina marau e timole iye ke Ida Tapolngon ila pelengon ka tinapapra ine. E timole iye kesua tipli tarna lisak e aitno lisak mter langka timete deka are wan gesa kovok.

Pelengon kukwopngon 19:10

Ngaklingen ensel wai deka ngagrum kongu olwo boto ke kamla e ngawaiki ngalotuim iye e iye wai ke ngong langane. “Omdue langane sakam. Ngong Ida Tapolngon ila gute bokongon ina langka wom e lem osua ka umekis dagar ke pelengon ka Yesus wai ine. Omlotuim Ida Tapolngon vala. Kesua iteile pelengon ka Yesus wai ine sruk osep napaprangan ina aitno lisak ma tinapapra ine.”