2 Timoti 1:7 - Aria New Testament

⁷ Emile omur Ida Tapolngon tuktuk Ano Itau me dong ke aitno lite. E ila arit due aitno lite ma itoulou tarna lite ke wan bitna bitna kovok. E ila arit due aitno lite ma ite lana ite ke osep leklou e itaplau ite itau.

2 Timoti 1:7 ပူးပေါင်းရင်းမြစ်များ

Luk 10:19

Umoklingen. Ngakar lou arit ke umu ma umakaranga umelila e kopmu tipes mota soulu e tipes gitu e umomole upu oul Satan. E wan gesa karanga due asmel ke umu kovok.

Luk 15:17

E alo ka aitno mter malak iye wai ke iye tona langane. ‘Osep bokongon ina ka tiboko ke livou urok ngangon pula dong e ke omur ane sapanga due ngong e isuk boto ngamete ine.

Luk 24:49

Umoklingen. Oglou Livou wai promis ma iye pagei Ano Itau duru ke umu e isuk boto ma ngapagei iye ke umu. E umodong ke armok ane la lama umodue Ida Tapolngon ila arit.”

Luk 8:35

E osep isak kla ma tile elio ka polou deka tipolou ke Yesus e tivati gute ka angelo soulu tisongon iye. E iye tnei klos e dong ke Yesus kamla e manga manga kovok. Aurou. Aitno malak e iye mter itau. E osep tonari tiulou tarna lisak ke elio ane.

Jon 14:27

“Ngasongon umu e dau ngadue lou elio ka aitno lumu dong epen dong kap umu. Ngakar elio tonari ke umu e iye langka elio ka osep ka taklak ina aitno lisak dong epen kovok. Aitno lumu kro ke wan bitna bitna kovok e umelim kovok.

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 20:24

Lama elio soulu bitna bitna tipolou ke ngong aitno lungong mter ke ngong kovok. Aurou. Aitno lungong dagar ma ngadue bokongon ka Ida Puda Yesus kare ke ngong e ngawaiki ngaboko ine vala. Iye kar bokongon ke ngong ma nganapapra ila omon itau ka didi Ida Tapolngon ila makaingan.”

Aposel 21:13

E Pol koli wai langane. “Ina lange umekngis ke ngong e umodue aitno lungong kro? Langka osep tiwaiki tipou ngong koke tidue burwa ke ngong ke Jerusalem batne ke Ida Puda Yesus ma tidue langane e ma ngadong vala.”

Aposel 26:11

Aling pula ngala ngapolou ke limem duningen ina ninu bitna bitna e ngatok osep ma tipul dogur ke Inarak Puda. Alo ari aitno lungong engil pula e ngala ke armok leklou blang ka mawa ma ngadue agegeng ke osep ka aitno lisak dagar ke Yesus.”

Aposel 26:25

Deka Pol koli wai langane. “Gute namor Festus ngong langane kovok. Ngong manga manga kovok. Aurou. Aitno lungong mter itau e ngawai pelengon lokono vala.

Aposel 6:8

Ari Ida Tapolngon ila makaingan dong ke Stiven e ila arit due. Deka Stiven due elio arit ina pula airavu ke osep.

Aposel 9:22

E Sol ila arit res polou omba lokono. Iye wai dagar lokono Yesus iye gute ka Ida Tapolngon rere Krais ka lua osep ke urok elio epmes ina. Osep Yuda ina ka tidong ke Damaskus tiklingen ila pelengon e aitno lisak kaka ine. E tikaranga timole ila pelengon kovok.

Pas ka Pol sogoe uti la ke osep Rom ina 5:5

Deka elio ka itapara ke alo ka itodong kap iye ma la adai kovok. Aurou. Ma elio tonari polou lokono vala deka ma itodong itau kap iye. Kesua iye nis ite kodong iye lana iye ke ite alo ka iye tuktuk Ano Itau karanga ke ite kente kente.

Pas ka Pol sogoe uti la ke osep Rom ina 8:15

Ida Tapolngon tuktuk Ano Itau ke ite kente kente ma lua ite. E Ano Itau dangdang ite ke elio ka itoulou tarna lite ke wan bitna bitna e ma elio tonari plau ite blang kovok. Ida Tapolngon tuktuk Ano Itau ke ite ma itopolou titno vala. Deka Ano Itau due ite ka titno aitno lite e itawai ke Ida Tapolngon langane. “Abo. Livou.”

1 Korin 2:4

E pelengon ka ngawai ine e nganapapra ine ke umu didi osep taklak ina urok ilengen kovok. E ngong langka ma ngapalele aitno lumu kovok. Aurou. Lou elio nis umu ke Ano Itau ila arit.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Kolosi 1:8

Iye palongo limem ke elio ka Ano Itau due umu deka umu lana umu ke Ida Tapolngon ila osep leklou.

Hibru 2:15

E oglou itosep itelim ke metengen. Ane langka itodong ke kalabus ke wan ka itelim ine. Alo ka Yesus mete iye due ite itosongon kalabus tonari.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Jon 4:18

Langka ite lana ite ke osep ma itelim kovok. Osep ka tidong dagar ke elio ka isak lana isak ke osep leklou urok elio tonari dangdang elio ka tilim ke wan bitna bitna. Kesua osep ka tilim tidue batne langane. Tilim lama Ida Tapolngon ules isak ke urok elio isuk isuk. E iteile langane. Osep ka tilim tidong dagar ke elio ka isak lana isak ke osep leklou kovok.