2 Timoti 1:6 - Aria New Testament

⁶ E ke batne langane ngawaiki ngawai ke wom ke kerengen ka Ida Tapolngon due dong ke aitno lugom alo ka oglou lungu duru munu ke epem. Ngawaiki omboko dagar ke kerengen tonari ma res polou omba langka gute ipu eiou deka eiou polou omba.

2 Timoti 1:6 ပူးပေါင်းရင်းမြစ်များ

Luk 19:13

E iye gi ke osep songotno ke ila wokboi nating e kar mani gol kene ke isak kene kene e wai ke isak langane. ‘Umodue burong ke mani ane la lama ngaiding ngame.’

Aposel 19:6

E Pol limla duru kai isak e Ano Itau duru sep ke aitno lisak. Deka tiwai tokples bitna bitna ka oglou tile ine kovok e tiwai pelengon langka osep napaprangan ina.

Aposel 6:6

Osep tirere osep lumorwo yagos deka tipaur isak tipolou ke osep aposel amtarsak. Deka osep aposel tiwai itau ke Ida Tapolngon deka limsak duru kai isak.

1 Tesalonaika 5:19

Langka Ano Itau sruk aitno lumu koke osep leklou aitno lisak ke wan bitna bitna ma umodue wan gesa ka dangdang Ano Itau ine kovok.

1 Timoti 4:14

Ida Tapolngon kar kerengen ke wom alo ka osep plaungan ina tidue limsak timunu ke epem. Deka ma omboko ulik ulik ke kerengen tonari kovok. Kesua alo are tinapapra ma omdue Ida Tapolngon ila bokongon.

1 Timoti 4:6

Timoti langka ampalongo pelengon ane ke sudo ma omdong langka Krais Yesus ila gute bokongon ina. Ma omdue arit ka ombatno ke Ida Tapolngon ila pelengon ka aitno lugom dagar ine e ke parerengen ka itau ka emklingen e emdidie.

2 Timoti 2:14

Aling aling omsruk osep ma aitno lisak mter ke lou pelengon ane e amwai dagar ine ke Ida Tapolngon bitna. Amwai ke isak ma orsak mluk pulu ke pelengon adai sakam. Kesua elio tonari karanga lua osep kovok e due pogle ke aitno lisak ila dagar.

2 Timoti 4:2

Aling aling amnapapra Ida Tapolngon ila pelengon ke osep. Langka tiwaiki amnapapra ke isak koke tiwaiki amnapapra ke isak kovok io amnapapra ine vala. Ommosi aitno lisak ma aitno lisak mter itau e amwai dagar ke isak ma tibauluk aitno lisak ke urok elio soulu. E amwai pelengon itau ke isak ma due aitno lisak itau. Amwai molil molil ke isak e aling aling amparere isak.

Hibru 6:2

E silang blang imawai ke umu ke elio paunimngen ina e ke elio ka osep limsak duru kai apada e ke elio ka itopoga itetito ke ida denga e ke elio ka Ida Tapolngon wade osep dong vala dong kovok. Aurou.

2 Pita 1:12

Umeile pelengon tonari e umodong dagar ine kodong. Lama langane dau ngawaiki ngasruk aitno lumu ke pelengon ane ma omtomu sisir ke pelengon lokono ka umodue kodong.

2 Pita 3:1

Sipmi ka ngong lana ngong ke umu. Pas ane pas orwo ina ka ngasogoe uti ke umu ma omtomu sisir lou pelengon. Ngasogo lou pas ane kesua ngawaiki ngasruk umu ma aitno lumu mter ke pelengon ka oglou umoklingen ine.

Pas ka Jut sogoe 1:5

Umeile pelengon ane kodong e dau ngawaiki ngasruk aitno lumu ma umeile omur ine lokono. Oglou Ida Puda lua osep Yuda ina ma tisongon omur Isip kla. E osep tonari leklou aitno lisak dagar ke Ida Tapolngon kovok deka iye mluk isak e timete.