2 Timoti 1:5 - Aria New Testament

⁵ Ngaile omur aitno lugom dagar ke Yesus e aitno lugom orwo ine kovok. Aitno lugom dagar ke Yesus eriar langka lem apa Lois e aiya Yunis.

2 Timoti 1:5 ပူးပေါင်းရင်းမြစ်များ

Jon 1:47

Alo ka Yesus vati Nataniel me olwo boto iye wai langane. “Gute ane gute Israel ina lokono e elio yakngan dong ke iye kovok.”

Aposel 16:1

Pol e Sailas isak kla tipolou ke Derbe e ke Listra. E ke Listra tisoson gute Timoti ka iye Yesus ila disaipel gesa. Osep Kristen ka tidong ke Listra e Aikoniam tiwai Timoti iye gute ka ila elio itau. Timoti tna apmang Yuda ina ka aitno dagar ke Yesus e timla gute Grik ina.

Aposel 26:26

E silang blang gute ka vri mgo Agripa ile omur ke pelengon ka ngawai ine kodong. Ngawai malak ine kesua ngaile omur iye ile ine kodong. Kesua elio ka ngawai ine polou kukwop kovok.”

Pas ka Pol sogoe uti la ke osep Rom ina 14:14

Nganeklep ke Ngau Puda Yesus deka ngaile omur langane. Wan gesa dong ka soulu ke Ida Tapolngon bitna kovok. Langka gute gesa aitno mter langka wan gesa dong soulu wan tonari dong soulu ke iye vala.

Pas ka Pol sogoe uti la ke osep Rom ina 14:5

Silang blang langane. Gute kene aitno mter langka oklou kene omba e mole oklou silang. E gute silang aitno mter langka oklou ka pula keniye isak eriar vala. E osep ka pula keniye ma tile aitno lisak itau. E aitno lisak orwo kovok.

Pas ka Pol sogoe uti la ke osep Rom ina 15:14

Sipmi. Ngaile omur lumu elio isuk isuk itau. E umeile omur ke Ida Tapolngon ila pelengon e umakaranga umaparere umu pulu ine.

Pas ka Pol sogoe uti la ke osep Rom ina 4:21

Abraham aitno dagar lokono mase Ida Tapolngon ila promis tonari ma polou lokono.

Pas ka Pol sogoe uti la ke osep Rom ina 8:38

Eknikane aitno lungong dagar lokono langane. Elio kene gesa dong kovok ka karanga dangdang Ida Tapolngon ma iye lana iye ke ite kovok. Langka itodong koke itemete ma iye dau lana iye ke ite. Langka ensel itau koke angelo soulu io tikaranga tidangdang iye ma iye lana iye ke ite kovok. Eknikane elio kene gesa dong ka karanga dangdang Ida Tapolngon ma iye lana iye ke ite kovok. E mase elio kene gesa ma polou ka karanga dangdang Ida Tapolngon ma iye lana iye ke ite kovok.

2 Korin 6:6

E Ano Itau lua imi ke limem bokongon deka imodue elio isuk isuk ka itau vala e imedidi ilengen itau. E aitno limi epen e imodue mada ke osep e imi lana imi ke osep e imayak ine kovok.

1 Timoti 1:5

E bokongon ka Ida Tapolngon wai ke ite ma itaparere osep ine ma due aitno lisak dagar lokono ke Yesus e tidong itau lokono ke Ida Tapolngon bitna. E ma tile langka urok elio ka itau e elio ka soulu e tidue elio itau vala. E elio ka langane ma sruk aitno lisak ma isak lana isak ke osep leklou.

1 Timoti 4:6

Timoti langka ampalongo pelengon ane ke sudo ma omdong langka Krais Yesus ila gute bokongon ina. Ma omdue arit ka ombatno ke Ida Tapolngon ila pelengon ka aitno lugom dagar ine e ke parerengen ka itau ka emklingen e emdidie.

2 Timoti 1:12

Ngadue bokongon tonari deka ke batne langane osep tidue agegeng ke ngong. E ngong mnak ngong ke bokongon tonari kovok. Kesua ngaile omur ke Ida Luangan ka aitno lungong dagar ke iye. Ngaile omur iye ma plau ila pelengon ka iye kare ke ngong itau lokono la lama iding ke oklou ka wan ka pula keniye yagos.

2 Timoti 3:15

E alo ka wom dau agau osep tiparere wom ke Ida Tapolngon ila pelengon ka oglou osep napaprangan ina tisogoe. Pelengon tonari parere wom ke elio ka Ida Tapolngon ma lua wom ke lem elio epmes ina. Ida Tapolngon lua wom alo ka aitno lugom la dagar ke Krais Yesus.

Hibru 11:13

Osep tonari aitno lisak dagar ke Ida Tapolngon la lama timete e dau aitno lisak dagar ke Ida Tapolngon. E ari tidue wan bitna bitna ka Ida Tapolngon wai dagar ine kovok. Isak langka tivati wan ka dong mawa e tidue kovok. E tiwai langane. “Imodong ke osep silang urok omur e imodong langka imi osep kaulei.”

Hibru 6:9

E sipmi imi lana imi ke umu. E lama imawai pelengon tonari ke umu aitno limi dagar langka wan itau ma polou ke umu kesua Ida Tapolngon lua umu ke lumu elio epmes ina.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.