2 Tesalonaika 3:8 - Aria New Testament

⁸ Oglou alo ka imodong kap umu imodue wan bitna bitna ke umu adai kovok. Imekli limem wan bitna bitna vala. Imoboko engil ke oklou e epmes ma imakaranga imekli ipem ngangon. Kesua imawaiki imodue wan gesa ka opru umu kovok.

2 Tesalonaika 3:8 ပူးပေါင်းရင်းမြစ်များ

Matyu 6:11

Eknikane amkar imi ipem ngangon karanga ke imi.

1 Tesalonaika 2:9

Sipmi. Omtomu sisir ke bokongon engil ka imodue alo ka imodong kap umu. Imoboko engil lokono ke oklou e epmes ke wan ka imodue burong ine ma imakaranga imekli limem wan bitna bitna kesua imawaiki imodue elio ka opru umu kovok alo ka imanapapra Ida Tapolngon ila omon itau.

Aposel 18:3

Ari Pol la dong kap isak kesua isak tigosok Pol urok bokongon kene. Tiboko ke ninu molo ina langka oglou Pol boko ine. E ari tidong e tiboko ke ninu molo ina e tidue burong ke isak.

1 Tesalonaika 4:11

Umoboko engil ma aitno lumu dong epen e umotuk opmu pulu kap osep kovok. E aitno lumu mter ke lumu wan vala kovok. E aitno lumu mter ke osep leklou urok wan bitna bitna. Umoboko ma lumu wan bitna bitna tipolou langka oglou imawai ke umu ine.

Efesus 4:28

Umu ka oglou umapanako wan bitna bitna umodue elio langane sakam. Umoboko vala ma lumu wan bitna bitna tipolou e tidong. Kesua gute ka boko deka ila wan polou ma karanga tuk ila wan ma leklou la ke osep ka urok wan isuk boto vala.

1 Korin 4:12

E imoboko engil lokono ke lipmi va e bokongon opru imi. Osep tiwai soulu ke imi e imepmi Ida Tapolngon ma iye kere isak. Tidue elio soulu ke imi e imawai ine kovok e imodong vala.

2 Tesalonaika 3:12

Deka imedidi Ida Puda Yesus Krais aitno e imawai pelengon dagar ke osep tonari langane. Ma tidong itau e tidue bokongon vala. Deka ma tikaranga tidue inarak ngangon ke urok bokongon.

2 Korin 11:9

E silang blang alo ka ngadong kap umu e lou wan isuk boto vala ngapang ke umu kovok. Aurou. Sipmi ka time ke provins Masedonia tilua ngong ke wan bitna bitna. Oglou ngawaiki lou bokongon pes umu kovok e eknikane blang ngawaiki lou bokongon pes umu kovok.

Aposel 20:34

Umeile omur oglou ngaboko ma lou mani polou dong. E mase ngakli lou wan bitna bitna e ngalua lou saten ka tidong kap ngong ke urok wan bitna bitna blang.

1 Korin 9:4

Imi aposel imakaranga imodue ipem ngangon e ipem aki langka ipem klingen ke limem bokongon koke aurou?

2 Korin 11:27

Ngadue bokongon ka engil lokono e aling pula ngaboko e ngamunu kudung kovok. E aling pula sapanga due ngong e aki vel ngong kesua ngau ngangon sasi boto vala e tarna lungong blesim kesua lou klos karanga ke ngong kovok.