2 Tesalonaika 3:2 - Aria New Testament

² E imawaiki umawai itau ke Ida Tapolngon ma iye lua imi ma osep soulu bitna tidue agegeng ke imi kovok. Kesua osep leklou aitno lisak dagar ke Yesus ila omon itau kovok.

2 Tesalonaika 3:2 ပူးပေါင်းရင်းမြစ်များ

Matyu 17:17

E Yesus koli wai ke iye langane. “Umu osep ka umodong oku ane aitno lumu dagar ke Ida Tapolngon kovok e lumu elio soulu. Ma ngadong kap umu tauni? Ngawaiki ngadong kap umu tauni kovok. Ampaur iye ke ngong.”

Matyu 23:23

“Aisudo. Umu osep ka umeile itau ke Moses ila sogongon e umu osep Farisi ina aitno lumu orwo ke Ida Tapolngon. Umawade marapngan ke palma songotno ka eriar e umakar palma kene ke Ida Tapolngon e umengelek wan ka omba ke Moses ila sogongon. Wan ka umengelek isak langka elio ka umodue wan itau ke osep e aitno lumu due osep e aitno lumu ila dagar la ke Ida Tapolngon. Ma umodue elio tonari e umengelek ke wan silang kovok.

Luk 18:8

Ngawai ke umu langane. Ma iye lua isak e kere isak suong. E dau alo ka Gute Ka Polou Langka Osep iding me ma iye pado osep ke taklak ka aitno lisak dagar ke iye koke aurou?”

Aposel 13:45

­Deka osep Yuda ina tivati osep pula pula tiduni pulu e aitno lisak rim ine. E tipara pulu Pol ila pelengon e tiwai soulu ke iye.

Aposel 13:50

Ari osep Yuda ina tisruk apmang ngongle ka tidue elio itau e tidue anit ke Ida Tapolngon aitno lisak e osep ngongle aitno lisak deka osep tonari tidue agegeng ke Pol orwo Barnabas. Deka tisik isak e tisongon omur tonari kla.

Aposel 14:2

E osep Yuda ina ka aitno lisak dagar kovok tisruk osep leklou ka isak osep Yuda ina kovok aitno lisak deka aitno lisak soulu ke Ida Tapolngon ila osep.

Aposel 17:5

E osep Yuda ina leklou blang aitno lisak rim ke isak deka tidue osep ropo leklou e tiduni pulu e osep Yuda ina tisruk osep pula ka tidong ke armok aitno lisak. E tisuong kla ke gute Jeson ila ninu e tikrim ke Pol e Sailas ine ma tidue isak tipolou ke osep pula amtarsak.

Aposel 25:27

­Kesua aitno lungong mter langka ngapagei gute kalabus ina gesa la polou ke Sisar e ngasogo ke elio ka vri ke iye mgo kovok ngadue elio soulu.”

Aposel 28:24

E osep leklou ka tiklingen ine aitno lisak la dagar ine. E osep silang tipul dogur ine e aitno lisak la dagar ine kovok.

Pas ka Pol sogoe uti la ke osep Rom ina 10:16

Osep Israel ina leklou aitno lisak dagar ke Ida Tapolngon ila omon itau kovok. Elio ane eriar langka oglou Aisaia sogo ine langane. “Ngau Puda osep seisei tidong ka aitno lisak dagar ke pelengon ka imanapapra ine?”

Pas ka Pol sogoe uti la ke osep Rom ina 15:31

Umepmi Ida Tapolngon ma iye lua ngong itau. Ma iye dangdang osep epmes ina ka tidong ke omur Judia lama tidue elio soulu ke ngong. E umepmi Ida Tapolngon ma iye due osep Jerusalem ina aitno lisak itau ke bokongon ka ngalua isak ine.

1 Korin 15:32

Langka ngadidi aitno lungong vala e ngadue bokongon ane ina lange ngadue evlei ke ongwa kevena ke armok Efesus? Langka osep ka timete kodong tikaranga tipoga titito ke inarak denga kovok deka ma itedidi osep leklou urok pelengon ka wai langane vala. “Eknikane ma itangen ida ngangon e iteinim ida aki kesua masalang ma itemete.”

1 Tesalonaika 2:18

Imawaiki imala ke umu e aling pula ngong Pol ngawaiki ngala ke umu blang e Satan dangdang imi ine.

2 Timoti 4:17

Alo ari Ida Puda dong kap ngong e kar ila arit ke ngong. E nganapapra Ida Tapolngon ila omon itau ke osep ka pula keniye ka isak osep Yuda ina kovok. E osep tiwaiki timluk ngong ma ngamete e Ida Puda lua ngong ine.