2 Tesalonaika 3:1 - Aria New Testament

¹ Sipmi. Ngababrum lou pele-ngon langane. Ngawaiki umawai itau ke Ida Tapolngon ma iye lua imi. Ma Ida Puda ila omon itau kes lila suong ke omur omur. E osep aitno lisak la dagar ine eriar langka aitno lumu la dagar ine.

2 Tesalonaika 3:1 ပူးပေါင်းရင်းမြစ်များ

Matyu 9:38

Umepmi Upu Puda ka plau ngangon ina pingen ma iye pagei osep bokongon ina kla ma tipi ngangon tonari.”

Luk 10:2

E iye wai ke isak langane. “Ngangon pula ka anino dong ke yage e osep awal boto vala tidong ka tikaranga tidue ngangon tonari. Umepmi Upu Puda ka plau ivungon ma iye pagei osep bokongon ina isak kla tidue ngangon tonari.

Aposel 12:24

Alo ari Ida Puda ila pelengon pakes lila deka osep pula tiklingen ine e aitno lisak la dagar ine.

Aposel 19:20

Ke elio ane ­Ida Puda ila pelengon pakes lila pula. E osep pula aitno lisak mter Ida Puda ila arit ombatno lokono e aitno lisak la dagar ke iye.

Aposel 6:7

Alo ari Ida Tapolngon ila pelengon pakes lila e osep pula ka tidong ke Jerusalem aitno lisak la dagar ke Yesus. Deka osep ka aitno lisak dagar ke Yesus tires tipolou pula. E silang osep loulou ina pula aitno lisak la dagar ke Yesus.

Pas ka Pol sogoe uti la ke osep Rom ina 15:30

Sipmi. Ngapmi umu ma umawai itau ke Ida Tapolngon ma iye lua ngong ke lou mosongon. Ngapmi umu ine kesua batne ke Ida Puda Yesus Krais dong. Ngapmi umu ine kesua ite lana ite pulu batne Ano Itau lua ite ine.

1 Korin 16:9

Kesua Ida Tapolngon kar bokongon omba ke ngong. E iye waiki ngadue bokongon tonari ma ngalua osep pula ma tipolou osep Kristen. E silang blang osep pula aitno lisak soulu ke lou bokongon e tiwaiki tidangdang ngong ine.

2 Korin 1:11

E ma umolua imi alo ka umawai itau ke Ida Tapolngon ke imi. Ma osep pula aitno lisak itau ke kerengen ka polou ke imi batne ke urok pmingen itau ke imi.

2 Korin 13:11

Sipmi. Ngababrum lou pelengon ane. Aitno lungong itau ke umu. Ngawaiki umomosi lumu elio ka ulik ulik. Ngawaiki umoklingen e umedidi lou pelengon ka ngawai ine kodong. Ngawaiki aitno lumu kene pulu e aitno lumu epen pulu. Umodue langane e Ida Tapolngon ka iye lana iye ke osep e due aitno lisak epen pulu ma dong kap umu.

Kolosi 4:3

Alo ka umawai itau umepmi Ida Tapolngon ke imi blang ma iye due ekreng ma imakaranga imanapapra ila pelengon ka oglou dong kukwop ka lana ine la ke Krais. Nganapapra ila pelengon e ke batne langane ngadong ke kalabus ane.

1 Tesalonaika 1:5

Omon itau ka imanapapra ine ke umu polou ke umu langka pelengon adai vala kovok. Aurou. Ano Itau sruk aitno limi deka imanapapra ke ila arit. E aitno limi dagar langka omon tonari iye pelengon lokono. E umeile elio ka imodue ka lua umu alo ka imodong kap umu.

1 Tesalonaika 1:8

Ida Puda ila pelengon ka umawai ine la ke osep pula e tiklingen ine. Pelengon tonari la ke provins Masedonia e provins Akaia vala kovok. Aurou. Osep pula tiklingen basikngen ka aitno lumu la dagar ke Ida Tapolngon. E imawai ke isak ine kovok kesua tiklingen ke umu kodong.

1 Tesalonaika 2:1

Sipmi. Umu tona umeile langane. Bokongon ka imodue alo ka imeme ke umu polou adai kovok kesua aitno lumu la dagar ke omon itau.

1 Tesalonaika 2:13

Aling aling imawai tenkyu ke Ida Tapolngon ke wan bitna bitna ka iye due batne langane. Alo ka imanapapra Ida Tapolngon ila omon itau ke umu deka umodue e aitno lumu la dagar ine langka pelengon tonari gute gesa ila pelengon vala kovok. Aurou. Umodue langka iye Ida Tapolngon ila pelengon. E lokono pelengon ane Ida Tapolngon ila pelengon. E omon tonari lua umu ka aitno lumu dagar ke Krais ke lumu mosongon.

1 Tesalonaika 4:1

Sipmi. Ma imababrum limem pelengon ane. Oglou imaparere umu ke elio isuk isuk ka umodue ma Ida Tapolngon aitno itau ine. E umedidi elio tonari kodong. E eknikane imawai dagar ke umu ke Ida Puda Yesus angaine ma aling aling umodue elio langane lokono.

1 Tesalonaika 5:17

E aling aling umawai itau ke Ida Tapolngon.

1 Tesalonaika 5:25

Sipmi. Ma umepmi Ida Tapolngon ma iye lua imi.

2 Timoti 2:9

Nganapapra Ida Tapolngon ila omon itau e ke batne ane osep tidue agegeng ke ngong. Tidue sen e tipou lungu e kongu ine e tidue ngong ngasep ke kalabus langka ngong gute soulu bitna. E osep tikaranga tidangdang omon itau kovok.