2 Tesalonaika 2:2 - Aria New Testament

² Langka osep leklou tiwai Ida Puda ila oklou polou kodong aitno lumu la ke urok pelengon kovok. E anmu nesik sakam. Langka tiwai Ano Itau nis isak ine aitno lumu la ine kovok. Koke tiwai langka imawai ine koke imosogo pas ine aitno lumu la ine kovok.

2 Tesalonaika 2:2 ပူးပေါင်းရင်းမြစ်များ

Matyu 24:24

Kesua osep yakngan ina ma tipolou ka tisir isak Krais koke tisir isak osep napaprangan ina. E ma tidue elio arit ina ka omba ma osep tididi isak ke elio soulu. E tiwaiki titok osep ka Ida Tapolngon rere isak ila osep blang.

Mak 13:7

Mase ma umoklingen osep pula tidue ola e osep pula leklou tikere isak ma tidue ola. Alo ka umoklingen ke elio langane aitno lumu kro ine kovok. Kesua elio langane ma tipolou mgo deka mase taim ane ina yagosngon ma polou.

Luk 21:19

E langka umodong dagar ke aitno lumu ila dagar ma umodue lumu mosongon ka dong vala dong.”

Luk 21:9

E alo ka umoklingen omon ke ola e evlei ka polou umoulou tarna lumu ine kovok. Elio ane ma polou mgo e alo ka wan ka pula keniye yagos ma polou suong kovok.”

Jon 14:1

“Aitno lumu kro omba sakam. Ma aitno lumu dagar ke Ida Tapolngon e aitno lumu dagar ke ngong blang.

Jon 14:27

“Ngasongon umu e dau ngadue lou elio ka aitno lumu dong epen dong kap umu. Ngakar elio tonari ke umu e iye langka elio ka osep ka taklak ina aitno lisak dong epen kovok. Aitno lumu kro ke wan bitna bitna kovok e umelim kovok.

1 Korin 1:8

Ma Ida Puda due aitno lumu ma aitno lumu dong dagar la lama oklou ka iye ma iding blang. Deka ke alo ari ma Ida Puda Yesus Krais vati elio gesa vri ke ite kovok.

1 Korin 14:32

Osep ka tinapapra Ida Tapolngon ila pelengon ma tiplau isak e urok pelengon itau.

1 Korin 7:26

Ke oku ane elio bitna bitna ka opru polou deka wan ka itau ma umodong ke lumu mosongon ka oku ane ina.

Efesus 5:6

Umeile umu itau lama osep leklou tipagolgol aitno lumu ke pelengon yakngan. Lama tipagolgol aitno lumu e umodue elio epmes ina bitna bitna. Kesua Ida Tapolngon aitno engil lokono ke osep ka tidue elio epmes ina bitna bitna e tiklingen ila pelengon kovok.

1 Tesalonaika 3:3

Lama elio ka osep tidue agegeng ke umu due aitno lumu kro ine. Umeile Ida Tapolngon rere ite ma itanamani elio soulu langane.

1 Tesalonaika 4:15

Imawai Ida Puda ila pelengon ke umu langane. Alo ka Ida Puda bauluk me ite ka dau itodong ke taklak ane ma itomgo ke osep ka timete kodong kovok.

1 Tesalonaika 5:2

Umeile omur Ida Puda ila baulukngon ma suong polou langka gute panakongon ina me panako ke epmes alo ka osep aitno lisak mter ine kovok.

2 Tesalonaika 2:15

E sipmi umevri dagar e aitno lumu la dagar ke pelengon lokono ka imaparere umu ine. Pelengon ka imanapapra ke umu koke imosogoe ke pas ke umu kodong. Deka aling aling umekise dagar.

2 Tesalonaika 3:17

Ngong Pol ngasogo angain ngong ke pas ane e ngawai “oklou itau” ke umu. Ngasogo langane ke pas ka pula keniye ka ngasogoe. Iye langka nisngen ke pas ka ngasogoe.

Pelengon kukwopngon 19:20

Tidue evlei deka gute tonari kap ila osep ola ina tikis ongwa kevena kene ina kap ila gute napaprangan yakngan ina. Gute napaprangan yakngan ina tonari iye gute ka due elio arit ina pula ke ongwa kevena kene ina bitna. E ke elio ane iye yak osep ka pula keniye ka tidue nisngen ke ongwa kevena kene ina e ka tilotuim ila sapingen. Isak orwo dau tidong e timete kovok deka tidue isak e tiuri isak kla ke eiou ombatno ka engil lokono ka opmu salfa ka eiou ngene dong ine blang.