2 Tesalonaika 2:1 - Aria New Testament

¹ Sipmi. Eknikane imawaiki imawai ke umu ke taim ka Ida Puda Yesus Krais ma bauluk me e itoduni pulu kap iye e itodong kap iye. Imawaiki umoklingen itau ke pelengon ka imawai ine e umekis dagar ine.

2 Tesalonaika 2:1 ပူးပေါင်းရင်းမြစ်များ

Matyu 16:27

Kesua Gute Ka Polou Langka Osep ma me ke Timla ila bublongon kap ila ensel. E alo ari ma iye kar klingen ke elio bitna bitna ka osep tidue.

Matyu 16:28

Ngawai lokono ke umu langane. Umu leklou ma dau umodong alo ka Gute Ka Polou Langka Osep ma me ke omur ka iye plaue.”

Matyu 24:31

E kuliep ma wai omba e iye pagei ila ensel ke omur ka pula keniye ke taklak e tigom osep ka pula keniye ka iye rere isak ila osep.”

Matyu 25:32

E ma osep ka pula keniye ke taklak tiduni pulu ke bitna e ma iye wade isak kene kene langka gute ka plau sipsip wade sipsip ke meme.

Mak 13:27

Deka ma ngapagei lou ensel ma tigom osep ka pula keniye ka ngarere isak lou osep ka tidong ke taklak ka pula keniye. Ma ensel tonari tidue lou osep ka pula keniye ka tidong ke omur heven e ka tidong ke taklak.”

Pas ka Pol sogoe uti la ke osep Rom ina 12:1

Sipmi. Ida Tapolngon aitno due ite kodong deka ngawai dagar ke umu langane. Ma umakar pampamu lumu ke Ida Tapolngon langka wan ka ila wan. Alo ka umu dau umodong ma umodong langka Ida Tapolngon ila osep ka itau lokono ma umodue elio itau ka Ida Tapolngon aitno itau ine. Umodue langane deka elio ka langane langka aitno lumu la dagar ke Ida Tapolngon vala.

Efesus 1:10

Oglou Ida Tapolngon rere oklou ka lesen ma wan ka pula keniye ma polou yagos. Deka mase ma iye due polou yagos. E ma iye tona due Krais ma plau ila duengen ka pula keniye. Ma iye plau wan bitna bitna keniye ka dong ke omur ka egim e ma iye plau wan bitna bitna keniye ka dong ke taklak blang.

1 Tesalonaika 2:19

E itapara ke alo ka Ida Puda Yesus bauluk me. Alo ka iye bauluk me ma umodue imi ma imapara ke wan itau e imodue sandir ke iye. Umu vala langka limem nisngen ka imodue ila bokongon itau.

1 Tesalonaika 3:13

E ke elio langane Ida Tapolngon ma due aitno lumu dong dagar lokono. Deka alo ka Ida Puda Yesus bauluk me kap ila osep ma iye vati umu umodong itau lokono. Ma umodong itau lokono e lumu elio soulu gesa vri ke umu ke Ida Tapolngon ka Pmada bitna kovok.

1 Tesalonaika 4:1

Sipmi. Ma imababrum limem pelengon ane. Oglou imaparere umu ke elio isuk isuk ka umodue ma Ida Tapolngon aitno itau ine. E umedidi elio tonari kodong. E eknikane imawai dagar ke umu ke Ida Puda Yesus angaine ma aling aling umodue elio langane lokono.

2 Tesalonaika 1:3

Sipmi. Aling aling imawai tenkyu ke Ida Tapolngon e iye sruk aitno limi ma imawai itau ke umu. E elio ane ka itodue iye elio itau. Kesua aitno lumu ila dagar polou dagar lokono e umu lana umu pulu deka aling aling elio langane res polou omba lokono. E Ida Tapolngon waiki itodue elio langane. E ma imakakai Ida Tapolngon angaine tito la egim ine.

2 Timoti 4:1

Mase ma Krais Yesus duru ke taklak blang e plaue e iye ma wade osep ka dau tidong e osep ka timete kodong urok elio. E ngawai dagar ke wom ke iye e Ida Tapolngon amtarsak langane.