2 Pita 3:7 - Aria New Testament

⁷ E eknikane Ida Tapolngon para ma iye due taklak e sirva ka dau dong tipolou yagos. Mase ma iye wade osep ka pula keniye e due agegeng ke osep ka tipul dogur ke iye. Deka alo ari iye ma wai e eiou ma ngen taklak e sirva yagos la.

2 Pita 3:7 ပူးပေါင်းရင်းမြစ်များ

Matyu 10:15

Ngawai lokono ke umu. Ke oklou ka Ida Tapolngon wade osep ka pula keniye ine armok tonari ila ulesngen ma mole armok orwo Sodom e Gomora urok ules-ngen.”

Matyu 11:22

Ngawai lokono ke umu. Ke oklou ka Ida Tapolngon wade osep ka pula keniye urok elio ine lumu ulesngen ma mole osep Tair ina e osep Saidon ina urok ulesngen.

Matyu 11:24

Ngawai lokono ke umu. Ke oklou ka Ida Tapolngon wade osep ka pula keniye urok elio ine ma lem ulesngen mole osep Sodom ina urok ulesngen.”

Matyu 12:36

Ngawai lokono ke umu langane. Ke oklou ka Ida Tapolngon wade osep ka pula keniye ine iye ma wade isak ke pelengon ulik ulik keniye ka tiwai ka due pogle ke osep.

Matyu 24:35

Sirva e taklak ma tipolou yagos e dau lou pelengon ma polou yagos kovok.”

Matyu 25:41

“Deka iye ma wai ke osep ka tidong ke galna gala langane. ‘Umu ka Ida Tapolngon mulu umu umosongon ngong e umala ke eiou ka dong vala dong ka Ida Tapolngon rere ke Satan e ila angelo soulu.

Mak 6:11

Langka umala umopolou ke armok gesa ka ina osep tidue umu umesep ke urok ninu kovok e tipono aitno lisak ke lumu pelengon deka umosongon isak e umala ke armok silang blang. Alo ka umosongon armok ka due elio langane deka umasapirpir taklak ina group ka dong ke lumu su. Umodue elio langane kesua batne ma umenis osep tonari ke urok elio soulu ka tiwaiki tiklingen Ida Tapolngon ila pelengon kovok.”

Jon 12:48

Wan dong ka ma wade gute ka pli ngong e didi lou pelengon kovok. Lou pelengon ka ngawai ine ma wade gute are ke oklou ka wan ka pula keniye yagos ine.

Pas ka Pol sogoe uti la ke osep Rom ina 2:5

E umabauluk aitno lumu ke lumu elio epmes ina bitna bitna kovok. Aurou. Aitno lumu dagar ine vala. Deka Ida Tapolngon aitno ila engil ma due umu batne lumu elio epmes ina polou pula. E mase oklou kene ma Ida Tapolngon wade osep ka pula keniye urok elio kap ila elio itau. Deka ari ma lumu elio epmes ina bitna bitna tingen umu e ma osep tivati.

1 Korin 3:13

Mase bokongon ka osep ka pula keniye tidue ma tipolou malak ke oklou ka Ida Tapolngon ma wade osep ka pula keniye ine. Oklou tonari ma polou langka eiou e Ida Tapolngon ma tok osep ka pula keniye kensak kensak urok bokongon ine ma tile urok bokongon itau koke soulu.

Filipai 1:28

E ngaile upu oul tikaranga tidue umu ma umoulou tarna lumu ke wan bitna bitna kovok. Aurou. Alo ka tivati lumu elio langare tile ma tikluk ke omur hel e dau Ida Tapolngon due umu umodong itau.

2 Tesalonaika 2:3

Langka osep tiwaiki tiyak umu ke pelengon langane deka umoklingen ine kovok. Oklou tonari ma polou vala kovok. Aurou. Mgongon osep pula ma tipul dogur ke Ida Tapolngon deka gute ka Ida Tapolngon ina oul kene ina ma polou malak. E mase gute tonari ma kluk ke omur hel.

1 Timoti 6:9

E langka osep tiwaiki tidue mani pula vala deka tokngon ma polou ke isak e ma kis isak dagar langka omdu kis ongwa dagar. Deka langka aitno lisak la ke wan bitna bitna are ma due isak manga manga lokono. E elio ane ma due pogle ke isak e tidong sasi lokono.

Hibru 12:29

Kesua Ida Tapolngon langka eiou ka ngen wan ka pula keniye.

2 Pita 2:9

Deka iteile omur langane. Ida Puda karanga lua osep ka tidue elio isuk isuk ka itau ma tikos ke elio ka opru isak. E silang blang iye karanga ules osep epmes ina la lama iding ke oklou ka Ida Tapolngon ma wade osep ka pula keniye ine.

2 Pita 3:10

E Ida Puda ila oklou ma polou suong e polou alo ka osep aitno lisak mter ine kovok eriar langka gute panakongon ina me suong. Ke oklou tonari ngus omba ma polou e sirva la yagos. E eiou ka engil lokono ma ngen wan ka pula keniye ka dong ke taklak ma isak e taklak yagos.

2 Pita 3:12

Deka umapara ke oklou ka Ida Tapolngon ma iding me ine e umoboko dagar ma oklou tonari suong polou. Ke oklou tonari ma iye due eiou ka engil lokono ngen sirva e ngen wan ka pula keniye ka iye tapol taklak ine ma isak yagos la.

1 Jon 4:17

Ite lana ite ke osep leklou deka elio tonari res polou omba ke ite. Deka alo ka Ida Tapolngon wade osep ka pula keniye urok elio ma itelim ine kovok. Kesua iteile alo ka itodong ke taklak itodue elio eriar langka Krais due.

Pas ka Jut sogoe 1:7

E silang blang ngawai ke osep ke armok Sodom e armok Gomora kap osep ke armok armok ka lelei armok orwo tonari. Tidue okwa e tidue elio soulu bitna bitna leklou blang ka soulu lokono. Osep tonari tinis ite ke osep ka Ida Tapolngon wade isak ke eiou ka dong vala dong.

Pelengon kukwopngon 17:11

E ongwa kevena tonari ka oglou iye dong e eknikane iye dong kovok iye gute plaungan lumeklu ina. Iye kene ke osep lumorwo tonari e mase ma iye vri mgo ke omur blang. E mase ma iye imina deka iye yagos.

Pelengon kukwopngon 17:8

Ongwa kevena ka amvati iye dong ke oglou e eknikane dong kovok e isuk boto ma iye tito ke ovuk ka duru la ke moli lokono e me deka Ida Tapolngon ma due agegeng ke iye ma iye yagos. E osep ka tidong ke taklak ka angainsak tidong ke Ida Tapolngon ila buk ka mosongon ina kovok nogrum ke alo ka Ida Tapolngon due taklak ma tidigrik e aitno lisak mter pula ine. Kesua ke oglou ongwa tonari dong e eknikane iye dong kovok e mase ma iye dong blang.”

Pelengon kukwopngon 20:11

Deka ngavati Ida Tapolngon dong ke ila kova omba ka okou. Deka taklak e sirva tiulou ine deka isak yagos e osep tivati isak blang kovok.

Pelengon kukwopngon 21:1

Ngavti wan tonari deka ngavati sirva oku e taklak oku ina tipolou tidong. Sirva oglou ina e taklak oglou ina isak yagos kla e misuon blang yagos la.