2 Pita 3:16 - Aria New Testament

¹⁶ Iye sogo ke elio tonari ke ila pas keniye. E alo ka itedidi ila sogongon leklou ite opru ite ma iteile omur ke ila pas lana ine. E osep leklou aitno lisak kaka e aitno lisak orwo ke Ida Tapolngon deka tipagolgol sogongon tonari lana ine. Eriar langka tipagolgol Ida Tapolngon ila pelengon keniye lana ine. E agegeng ma polou ke isak ine.

2 Pita 3:16 ပူးပေါင်းရင်းမြစ်များ

Matyu 15:3

E Yesus koli wai ke isak langane. “E ina lange umu umadar Ida Tapolngon ila pelengon dagar ma umedidi lumu apu?

Matyu 15:6

Langka iye wai langare iye ma due anit ke timla koke tna kovok. E ke pelengon langane umodue lumu apu mole Ida Tapolngon ila pelengon dagar.

Matyu 22:29

E Yesus koli wai ke isak langane. “Umeile Ida Tapolngon ila pelengon kovok e umeile ila arit kovok e ke batne ane aitno lumu kaka ine.

Filipai 3:19

Osep tonari tidue wan ka pampamu lisak waiki tidue vala. Aitno lisak neser ke wan ka osep pula mnak isak ine e aitno lisak mter ke wan bitna bitna ka taklak ina vala. Osep ka tidue elio langane ma tikluk ke omur hel.

Hibru 5:11

Pelengon pula dong ka wai ke elio ka Yesus polou gute loulou ina ka mgo eriar langka Melkisedek. E dau imakaranga imawai ine kovok kesua aitno lumu kis limem pelengon dagar suong kovok.

Jems 1:8

Kesua aitno orwo e segesege e ila elio ulik ulik vala.

1 Pita 1:1

Ngong Pita ngong Yesus Krais ila aposel gesa. Ngasogo pas ane uti ke umu ka Ida Tapolngon ila osep ka umodong umadardar langka osep kaulei ke provins Pontus e provins Galesia e provins Kapadosia e provins Esia e provins Bitinia.

1 Pita 2:8

E Ida Tapolngon ila pelengon silang blang wai langane. “Osep kamsak tinaplai ke opmu ane deka tigene ine.” Kamsak tinaplai e tigene kesua aitno lisak dagar ke Ida Tapolngon ila pelengon kovok. Agegeng ane langka oglou Ida Tapolngon wai ma polou ke isak.

2 Pita 2:1

E oglou osep napaprangan yakngan ina tidong kap osep Israel ina. E eriar langane osep parerengen yakngan ina ma tipolou ke umu blang e tibisi urok pelengon yakngan e tiwaiki tinak umu ma umedidi urok pelengon. Tiwaiki urok pelengon yakngan due pogle ke aitno lumu ila dagar. E tipul dogur ke Ida Puda ka kli urok elio epmes ina deka suong ma Ida Tapolngon koli urok elio soulu e due agegeng ke isak.

2 Pita 2:14

Osep tonari tikrim apmang ka ekreng palma ina ma tidue elio kap isak e aling aling tiwaiki tidue elio epmes ina. Tiyak osep ka aitno lisak ila dagar dau dagar kovok ma tidue elio soulu. Tile omur ke elio ka tingale e tidue osep urok wan. Aisudo. Ida Tapolngon ma ules isak ke urok elio soulu ka tidue.

2 Pita 3:14

Sipmi. Ngong lana ngong ke umu e ngawai langane. Umapara ke alo ka wan tonari polou deka umu arit umu ma umodue elio itau vala ma umodong itau ke Ida Tapolngon bitna. E aitno lumu dong epen kap iye.

2 Pita 3:2

E ngawaiki omtomu sisir pelengon ka oglou Ida Tapolngon ila osep napaprangan ina tiwai ine. E ngawaiki omtomu sisir pelengon dagar ka Ida Puda ka Ida Luangan kare ke ila osep aposel deka tiwai ine ke umu.

Pas ka Jut sogoe 1:4

E oku ane osep yakngan ina leklou tisep ke sios. Ke oglou kodong Ida Tapolngon wai ke isak ma tikluk ke omur hel. Osep tonari tipul dogur ke Ida Tapolngon e tiwaiki tipalele ila makaingan deka tiwai langane. “Langka itodue elio epmes ina bitna bitna are wan gesa kovok kesua Ida Tapolngon ma makai ite.” Tiwai langane e tipul dogur ke Ida Puda Yesus Krais ka iye Ida Plaungan.