2 Pita 3:15 - Aria New Testament

¹⁵ E aitno lumu mter ke elio ka Ida Puda aitno omba ke umu e iye dong para ke umu. Iye due langane ma osep aitno lisak la dagar ke iye e iye lua isak ke urok elio epmes ina. E Ida Tapolngon kar ilengen ke ida tovro Pol ka ngong lana ngong ke iye deka iye sogo ine ke umu blang.

2 Pita 3:15 ပူးပေါင်းရင်းမြစ်များ

Luk 21:15

Kesua ma ngakar lumu pelengon e lumu ilengen ke umu e ma upu oul tikaranga tiplie koke tipara pulu ine kovok.

Aposel 15:25

Deka imawai pele-ngon pulu ine deka aitno limi kene e itau ine. E imerere osep leklou ma tigosok limem saten Pol e Barnabas ka imi lana imi ke isak tiuti tipolou ke umu.

Aposel 7:10

E lua iye ke elio ka opru iye deka elio tonari yagos. Alo ka Josep polou ke Fero ka vri mgo ke omur Isip bitna Fero aitno itau ke Josep kesua Ida Tapolngon kar iye ila elio itau e ila ilengen omba. Deka Fero rere Josep ma iye polou omur Isip ina plaungan e Fero ila wan keniye ina plaungan.”

Aposel 9:17

Deka Ananaias songon ila ninu e la ke ninu ka Sol dong ine e sepe. Deka iye polou ke Sol e limla duru kai iye deka iye wai langane. “Lou aten Sol emklingen. Ida Puda Yesus ka polou ke wom ke ekreng ka emdidie pagei ngong deka ngame ke wom. Iye pagei ngong ke wom kesua iye waiki emtem polou itau blang e ma Ano Itau due aitno lugom e plau wom.”

Pas ka Pol sogoe uti la ke osep Rom ina 2:4

Ida Tapolngon dong para ke umu e iye waiki due mada ke umu. Dau tauni kodong iye dong e makai umu e lokono koli lumu elio soulu kovok. Aurou. Iye dong para ke umu vala. Kesua iye waiki aitno lumu mter ila makaingan ma umabauluk aitno lumu ke lumu elio epmes ina. Lama dau tauni iye makai umu kodong aitno lumu mter ila makaingan langka wan adai vala e umodue elio soulu vala.

1 Korin 12:8

Ke gute gesa Ano Itau kere iye ma ile omur ke elio itau deka iye lua osep leklou ine. E ke gute silang Ano Itau kere iye ke ilengen ke elio ka iye kere Ida Tapolngon ila pelengon lana ine ke osep.

1 Korin 2:13

Imawai malak ke kerengen tonari. E limem pelengon me ke osep urok ilengen kovok. Ano Itau vala kare ke imi. E imawai pelengon tonari ke osep ka Ano Itau dong ke aitno lisak.

1 Korin 3:10

Ida Tapolngon ila makai-ngan due ngong e ngapolou langka gute ka ile omur lokono ke ninu ina uringen. E ngasinsin opmu ka ninu napal munu ine. E gute silang uri ninu napal munu ke opmu tonari. Io osep pula ma tikere isak itau ke elio ka tiuri ninu ine.

Efesus 3:3

Deka iye due aitno lungong ma ngaile omur ke wan ka iye laloe ke oglou e iye palongo osep ine kovok. Ngasogo ke wan ka iye laloe tonari sasi boto ke pas ane.

1 Timoti 1:16

E Ida Tapolngon aitno due ngong e Yesus Krais ila elio molil ka iye para ma ngabauluk aitno lungong polou langka nisngen ke osep ka pula keniye amtarsak. Ma tivati wan ka iye due ke ngong. E ma isak blang aitno lisak dagar ke iye e ma tidue urok mosongon ka dong vala dong.

Jems 1:5

E dau langka gute gesa ke umu karanga ile itau ke wan kene kovok ma iye pmi Ida Tapolngon ine e Ida Tapolngon ma kar ilengen ke gute tonari. Aling aling Ida Tapolngon kar ilengen omba ke osep ka tipmi iye ine e aitno soulu ke pmingen tonari kovok.

Jems 3:17

E langka gute didi ilengen ka me ke omur heven ila elio langane. Aitno mter ke elio itau vala e aitno epen ke osep. E ila elio molil e iye klingen osep urok pelengon. E aitno due osep e iye due elio itau ke isak. Iye didi elio kene ke osep ka pula keniye e yakyak ine kovok.

1 Pita 3:20

Ansak tonari isak ansak ke osep ka tipul dogur ke Ida Tapolngon ila pelengon alo ka Noa uri sip ombatno. Alo ari tidue elio soulu pula e dau Ida Tapolngon wade isak ine kovok e iye dong para ma tibauluk aitno lisak ke urok elio soulu. Iye para la lama Noa uri sip kodong. Iye uri sip kodong deka osep lumeklu vala tisep ke sip tonari. Tisep kodong deka ongon ombatno polou e isak lumeklu vala tidong itau ke sip.

2 Pita 3:2

E ngawaiki omtomu sisir pelengon ka oglou Ida Tapolngon ila osep napaprangan ina tiwai ine. E ngawaiki omtomu sisir pelengon dagar ka Ida Puda ka Ida Luangan kare ke ila osep aposel deka tiwai ine ke umu.

2 Pita 3:9

E osep leklou tiwai langane. “Ida Puda dong tauni e didi ila promis molil molil vala.” E langane kovok. Aitno omba ke umu e dong para ma osep tibauluk aitno lisak ke urok elio epmes ina. Kesua iye waiki gute kene gesa mete ke ila elio epmes ina kovok.