2 Pita 3:12 - Aria New Testament

¹² Deka umapara ke oklou ka Ida Tapolngon ma iding me ine e umoboko dagar ma oklou tonari suong polou. Ke oklou tonari ma iye due eiou ka engil lokono ngen sirva e ngen wan ka pula keniye ka iye tapol taklak ine ma isak yagos la.

2 Pita 3:12 ပူးပေါင်းရင်းမြစ်များ

Matyu 16:27

Kesua Gute Ka Polou Langka Osep ma me ke Timla ila bublongon kap ila ensel. E alo ari ma iye kar klingen ke elio bitna bitna ka osep tidue.

Matyu 16:28

Ngawai lokono ke umu langane. Umu leklou ma dau umodong alo ka Gute Ka Polou Langka Osep ma me ke omur ka iye plaue.”

Filipai 1:6

E ngaile langane. Oglou Ida Tapolngon nogrum ila bokongon ke aitno lumu e eknikane iye dau boko ke aitno lumu la lama iding ke alo ka Krais Yesus ma iding me.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.

2 Pita 3:10

E Ida Puda ila oklou ma polou suong e polou alo ka osep aitno lisak mter ine kovok eriar langka gute panakongon ina me suong. Ke oklou tonari ngus omba ma polou e sirva la yagos. E eiou ka engil lokono ma ngen wan ka pula keniye ka dong ke taklak ma isak e taklak yagos.

2 Pita 3:11

Ngawaiki aitno lumu mter itau. Mase wan tonari ma polou yagos e oku ane umu kenmu kenmu umodue elio isuk isuk ka lange? Ma umodue elio isuk isuk ka itau ka Ida Tapolngon aitno itau ine.

2 Pita 3:4

Ma tiwai langane. “Yesus wai ke umu ma iye iding me i? E iye iding me dau kovok. Oglou oglou ari Ida Tapolngon tapol wan ka pula keniye oku deka mase nogrum ke alo ka udo seia ka oglou timete la lama iding ke eknikane wan ka pula keniye tidong eriar langare.”

2 Pita 3:7

E eknikane Ida Tapolngon para ma iye due taklak e sirva ka dau dong tipolou yagos. Mase ma iye wade osep ka pula keniye e due agegeng ke osep ka tipul dogur ke iye. Deka alo ari iye ma wai e eiou ma ngen taklak e sirva yagos la.

Pas ka Jut sogoe 1:21

Ida Tapolngon lana iye ke umu e ngawaiki aling aling aitno lumu mter ine. E umapara ke alo ka Ida Puda Yesus Krais aitno due umu e kar lumu mosongon ka dong vala dong ke umu.