2 Pita 2:9 - Aria New Testament

⁹ Deka iteile omur langane. Ida Puda karanga lua osep ka tidue elio isuk isuk ka itau ma tikos ke elio ka opru isak. E silang blang iye karanga ules osep epmes ina la lama iding ke oklou ka Ida Tapolngon ma wade osep ka pula keniye ine.

2 Pita 2:9 ပူးပေါင်းရင်းမြစ်များ

Matyu 10:15

Ngawai lokono ke umu. Ke oklou ka Ida Tapolngon wade osep ka pula keniye ine armok tonari ila ulesngen ma mole armok orwo Sodom e Gomora urok ules-ngen.”

Matyu 6:13

Omlua imi ma imoulou ke tokngon e ma elio soulu due imi kovok.’” “Kesua wom tona emvri mgo ke wan ka pula keniye. E lem arit e lem bublongon dong vala dong. Lokono.”

Pas ka Pol sogoe uti la ke osep Rom ina 2:5

E umabauluk aitno lumu ke lumu elio epmes ina bitna bitna kovok. Aurou. Aitno lumu dagar ine vala. Deka Ida Tapolngon aitno ila engil ma due umu batne lumu elio epmes ina polou pula. E mase oklou kene ma Ida Tapolngon wade osep ka pula keniye urok elio kap ila elio itau. Deka ari ma lumu elio epmes ina bitna bitna tingen umu e ma osep tivati.

1 Korin 10:13

E langane. Tokngon bitna bitna ka tipolou ke umu ane isak eriar langka tokngon bitna bitna ka tipolou ke osep ka pula keniye. E Ida Tapolngon didi ila elio itau e songon tokngon gesa ma polou ke umu kovok ka umakaranga ine kovok. Langka tokngon gesa polou ke umu ma Ida Tapolngon mosi ekreng e lua umu ma umepren ke tokngon tonari e ma iye due umu umakaranga umevri dagar ine.

2 Timoti 3:12

Pelengon ane lokono. Osep ka tineklep ke Krais Yesus e tiwaiki tididi Ida Tapolngon ila elio keniye ma osep tidue agegeng ke isak.

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

2 Pita 2:4

Oglou oglou ari Ida Tapol-ngon ila ensel leklou tidue elio epmes ina deka iye songon isak tidong vala kovok. Aurou. Iye uri isak kla ke omur hel e tidong ke omur ka aivoro langka tidong ke kalabus e tipara ke oklou ka Ida Tapolngon ma wade isak ke urok elio epmes ina.

2 Pita 3:7

E eknikane Ida Tapolngon para ma iye due taklak e sirva ka dau dong tipolou yagos. Mase ma iye wade osep ka pula keniye e due agegeng ke osep ka tipul dogur ke iye. Deka alo ari iye ma wai e eiou ma ngen taklak e sirva yagos la.

Pas ka Jut sogoe 1:6

E ngawai ke ensel blang ka oglou tipul dogur ke bokongon ka Ida Tapolngon kare ke isak e tisongon omur ka iye rere ke isak. Deka Ida Tapolngon pou isak ke sen ka dong vala dong. Iye pou isak deka tidong ke omur ka aivoro e tidong tipara ke oklou ka Ida Tapolngon ma wade urok elio ine.

Pelengon kukwopngon 3:10

Umedidi lou pelengon itau kodong e umevri dagar ke elio ka tipolou ka opru umu. Deka ma ngaplau umu itau ke taim ka tokngon polou ke osep ka pula keniye ke taklak e tinamani elio soulu.