2 Pita 2:3 - Aria New Testament

³ Osep parerengen yakngan ina tiwaiki tidue mani pula e tiwai basikngen adai ma tidue lumu mani ine. E ke oglou lila me Ida Tapolngon dong para e isuk boto ma iye wade isak e due agegeng ke isak.

2 Pita 2:3 ပူးပေါင်းရင်းမြစ်များ

Luk 18:8

Ngawai ke umu langane. Ma iye lua isak e kere isak suong. E dau alo ka Gute Ka Polou Langka Osep iding me ma iye pado osep ke taklak ka aitno lisak dagar ke iye koke aurou?”

Luk 20:20

E osep tonari tipalem Yesus ila elio e tivai osep langka esim e tiyakyak langka urok elio itau. Tiwaiki tiyak iye ma iye wai pelengon ka tikaranga tisin pelengon vri ke iye ine e tikar iye ke gute ka vri mgo ke omur emkil ma iye kotim iye.

Luk 22:47

Alo ka Yesus dau wai osep pula pula tipolou e Judas ka iye gute kene ke Yesus ila disaipel songotno orwo mgo ke isak. Iye me polou olwo boto ke Yesus ma iye ngen Yesus banga.

Jon 2:16

E iye wai ke osep ka tidue burong ke belis langane. “Umakalke monuk ane la. Elio ka umodue Livou ila ninu polou ninu ka osep tidue burong ine yagos.”

Pas ka Pol sogoe uti la ke osep Rom ina 16:18

Osep tonari tididi Ida Puda Krais ila elio kovok. Aurou. Isak langka wokboi nating ka tididi pampamu lisak vala. E ke urok pelengon ka dikngen e urok pelengon ka timter osep aitno lisak ine tiyakyak osep vala. Kesua tiwaiki ma osep aitno lisak la dagar ke urok pelengon. Deka ma osep ka tile isak itau lokono kovok ma aitno lisak dagar ke urok pelengon.

2 Korin 2:17

Osep pula leklou tiboko langka Ida Tapolngon ila pelengon iye wan ka tidue burong ine. E imi langka isak kovok. Aurou. Ida Tapolngon rere imi ila osep bokongon ina e imawai pelengon lokono ke Krais angaine e imawai ke Ida Tapolngon bitna.

1 Tesalonaika 2:5

Umeile langane kodong. E Ida Tapolngon ma palongo ine langane blang. Imawai pelengon langka dikngen ke umu kovok e silang blang imangale lumu wan deka imawai pelengon itau ke umu kovok.

1 Tesalonaika 5:3

Ma osep tiwai langane. “Aitno lite epen pulu e itodong itau e itelim ke wan gesa kovok.” Deka suong paide wan ka due agegeng ke isak ma polou lisak langka apmang ka somugu namani mimi ngen iye. E ma tikaranga tiulou ke elio tonari kovok.

1 Timoti 3:3

E ma iye inim aki dagar ma bitna balilu kovok. Silang blang ma aitno nevlik e due evlei ke osep kovok. E ma aitno itau ke isak e due mada lisak. Ma aitno la ke mani kovok.

1 Timoti 3:8

E osep ka titongo ngangon ke osep e tilua isak ke bokongon bitna bitna ma urok elio isuk isuk itau e tiwai pelengon yakngan kovok. Ma tiwai pelengon lokono vala. E tinim aki dagar ma amtarsak balilu kovok. E tidong langka tiwaiki tingale gute silang ila mani kovok.

1 Timoti 6:5

E ma tituk orsak pulu e aitno lisak soulu ke osep leklou. Osep ka aitno lisak langane aitno lisak kaka lokono e tile pelengon lokono kovok. Aitno lisak langka Ida Tapolngon ila elio e ila pelengon ekreng ka tididie e ma urok brokngon polou.

Taitus 1:11

Osep are tiparere osep kesua tiwaiki urok mani polou omba ine. E langka tiparere langane tidue elio soulu e tidue agegeng ke osep kap urok osua aitno lisak ila dagar. Deka amdangdang isak ma tiwai pelengon langane kovok.

Taitus 1:7

E emile gute ka plau sios plau Ida Tapolngon ila bokongon. Deka ngawaiki iye due elio itau vala ma osep ka pula keniye tikaranga tivati elio soulu gesa vri ke iye kovok. Aitno mter langka angaine omba e iye karanga pagei osep kovok. E aitno nevlik kovok. Iye inim aki dagar ma bitna balilu kovok. Aitno amnga suong deka iye mluk osep kovok. E aitno vri ke mani vala kovok.

1 Pita 2:8

E Ida Tapolngon ila pelengon silang blang wai langane. “Osep kamsak tinaplai ke opmu ane deka tigene ine.” Kamsak tinaplai e tigene kesua aitno lisak dagar ke Ida Tapolngon ila pelengon kovok. Agegeng ane langka oglou Ida Tapolngon wai ma polou ke isak.

1 Pita 5:2

Umaplau Ida Tapolngon ila osep ka iye kar isak ke umu itau langka sipsip inarak plaungan tiplau urok sipsip itau. Aitno lumu itau ke lumu bokongon kesua umawaiki umodue bokongon tonari vala e batne osep tipagei umu ine kovok. E silang blang umodue bokongon tonari batne umawaiki umodue mani ine kovok. Aurou. Umodue kesua umawaiki umedidi Ida Tapolngon aitno e umodue ila bokongon vala.

2 Pita 1:16

Alo ka imawai ke umu ke Ida Puda Yesus Krais ila arit e elio ka mase iye ma iding me imedidi basikngen adai koke alemge kovok. Aurou. Imavati ila elio ka itau lokono e ila arit.

2 Pita 2:1

E oglou osep napaprangan yakngan ina tidong kap osep Israel ina. E eriar langane osep parerengen yakngan ina ma tipolou ke umu blang e tibisi urok pelengon yakngan e tiwaiki tinak umu ma umedidi urok pelengon. Tiwaiki urok pelengon yakngan due pogle ke aitno lumu ila dagar. E tipul dogur ke Ida Puda ka kli urok elio epmes ina deka suong ma Ida Tapolngon koli urok elio soulu e due agegeng ke isak.

2 Pita 2:9

Deka iteile omur langane. Ida Puda karanga lua osep ka tidue elio isuk isuk ka itau ma tikos ke elio ka opru isak. E silang blang iye karanga ules osep epmes ina la lama iding ke oklou ka Ida Tapolngon ma wade osep ka pula keniye ine.

Pas ka Jut sogoe 1:11

Aisudo. Isak ma tidong soulu va. E tikana elio ka oglou gute Kein due. E aitno lisak la ke mani langka oglou gute Balam aitno la ke mani deka tidue elio bitna bitna ma tidue mani ine. E tipul dogur ke Ida Tapolngon langka oglou gute Kora pul dogur ke Ida Tapolngon. Deka ke elio tonari Ida Tapolngon due agegeng ke isak e timete ine.

Pas ka Jut sogoe 1:15

Iye me ma iye wade osep soulu bitna ka pula keniye ke urok elio soulu ka tidue. Iye ma wade isak ke urok elio soulu ka tipul dogur ke Ida Tapolngon e ke urok pelengon soulu ka tiluk Ida Tapolngon ine.”

Pas ka Jut sogoe 1:16

Tingurngur e aitno lisak soulu ke wan bitna bitna ka polou ke isak. E tididi aitno lisak e tidue elio soulu. Tikakai isak tona angainsak e tiwai dikngen ke osep ma tidue wan bitna bitna ke isak.

Pas ka Jut sogoe 1:4

E oku ane osep yakngan ina leklou tisep ke sios. Ke oglou kodong Ida Tapolngon wai ke isak ma tikluk ke omur hel. Osep tonari tipul dogur ke Ida Tapolngon e tiwaiki tipalele ila makaingan deka tiwai langane. “Langka itodue elio epmes ina bitna bitna are wan gesa kovok kesua Ida Tapolngon ma makai ite.” Tiwai langane e tipul dogur ke Ida Puda Yesus Krais ka iye Ida Plaungan.

Pas ka Jut sogoe 1:7

E silang blang ngawai ke osep ke armok Sodom e armok Gomora kap osep ke armok armok ka lelei armok orwo tonari. Tidue okwa e tidue elio soulu bitna bitna leklou blang ka soulu lokono. Osep tonari tinis ite ke osep ka Ida Tapolngon wade isak ke eiou ka dong vala dong.