2 Pita 2:21 - Aria New Testament

²¹ Tile omur ke elio ka tikaranga tipolou itau e osuk ke Ida Tapolngon bitna kodong. E mase tipul dogur ine deka tidong soulu lokono. Langka tile elio itau tonari kovok are itau. Tiklingen Ida Tapolngon ila pelengon e dau tipul dogur ine deka tidong soulu lokono.

2 Pita 2:21 ပူးပေါင်းရင်းမြစ်များ

Matyu 21:32

Kesua alo ka gute Jon me e nis umu ke ekreng ka Ida Tapolngon waiki umedidie aitno lumu la dagar ke ila pelengon kovok. E osep ka tidue takis e apmang ekreng palma ina aitno lisak la dagar ke ila pelengon. E dau alo ka umavati elio tonari umabauluk aitno lumu ke lumu elio kovok e aitno lumu la dagar ke ila pelengon kovok.”

Luk 12:47

“Gute bokongon ina ka ile ina puda aitno e dau kere wan koke didi ina puda aitno kovok ma ina puda ules iye pula.

Jon 15:22

“Langka ngame e ngawai ke isak ke urok elio epmes ina kovok urok elio epmes ina vri ke isak e munu pes isak kovok. E ngame e ngawai ke isak ine e oku ane tikaranga tikukwop urok elio soulu kovok.

Jon 9:41

E Yesus koli wai ke isak langane. “Langka omtomu evin lumu elio epmes ina munu pes umu kovok e dau umawai umakaranga umavati omur deka lumu elio epmes ina dau munu pes umu.”

Pas ka Pol sogoe uti la ke osep Rom ina 7:12

E Moses ila sogongon keniye itau lokono vala. E silang blang langane. Sogongon tonari osuk lokono e wai ke elio ka lua osep.

Galesia 6:2

E umolua supmu leklou ke elio ka polou ka opru ka isak. Langka umodue elio langane ma umeini e umedidi Krais ila elio.

1 Tesalonaika 4:2

Umeile pelengon ka imawai lumu ine kodong. Pelengon tonari Ida Puda Yesus ila pelengon.

1 Timoti 6:14

Emini Ida Tapolngon ila pelengon dagar ka omdue. Deka emdidi pelengon tonari osuk lokono. Lama osep tiwai soulu ke lem elio. Ma emdidie itau lokono la lama iding ke alo ka Ida Puda Yesus Krais iding e polou malak lokono.

Hibru 10:26

Umoklingen. Langka osep tile ke Ida Tapolngon ila pelengon ka lokono kodong e dau aling aling tidue elio epmes ina deka elio epmes ina ina klingen silang blang dong ka karanga lua isak ke urok elio epmes ina kovok. Aurou.

Jems 4:17

Deka langane. Langka gute ile kodong ke elio itau ka ma iye due e dau iye due kovok iye due elio epmes ina.

2 Pita 3:2

E ngawaiki omtomu sisir pelengon ka oglou Ida Tapolngon ila osep napaprangan ina tiwai ine. E ngawaiki omtomu sisir pelengon dagar ka Ida Puda ka Ida Luangan kare ke ila osep aposel deka tiwai ine ke umu.

Pas ka Jut sogoe 1:3

Sipmi ka ngong lana ngong ke umu. Ke mgongon aitno lungong mter langka ngasogo pas ke umu ka wai ke elio ka Ida Tapolngon lua ite ke udo elio epmes ina. E eknikane aitno lungong mter ma ngasogo pelengon silang ke umu ka langane. Ida Tapolngon kar ila pelengon ke ite ka ila osep deka aitno lite la dagar ine deka ngawaiki umoboko engil ma aitno lumu ila dagar dong dagar. E ngawaiki umopul dogur ke osep ka tiwai pelengon leklou ke umu. Kesua Ida Tapolngon kar ila pelengon ke ite aling kene e ila pelengon segesege kovok.