2 Pita 2:2 - Aria New Testament

² Tidue elio soulu aling aling deka osep pula leklou ma tididi urok elio soulu deka osep ka tivati urok elio soulu ma tiwai soulu ke Ida Tapolngon ila ekreng ka lokono.

2 Pita 2:2 ပူးပေါင်းရင်းမြစ်များ

Matyu 22:16

E tivai urok disaipel kap osep leklou ka tiwaiki gute Herot vri mgo ke isak kla ke Yesus e tiwai langane. “Gute parerengen ina imeile amwai pelengon lokono e amparere osep lokono ke wan ka Ida Tapolngon waiki tidue e aitno lugom mter ke osep leklou urok pelengon kovok. E aitno lugom mter langka gute angaine omba koke angaine daudeng.

Matyu 24:24

Kesua osep yakngan ina ma tipolou ka tisir isak Krais koke tisir isak osep napaprangan ina. E ma tidue elio arit ina ka omba ma osep tididi isak ke elio soulu. E tiwaiki titok osep ka Ida Tapolngon rere isak ila osep blang.

Matyu 7:14

E ekreng bitna ka mosongon ina daudeng lokono e ekreng are engil lokono ma itedidie. E osep awal boto vala tididie.”

Mak 12:14

Deka time tipolou ke Yesus e tiwai ke iye langane. “Gute parerengen ina imeile omur amwai lokono vala. Imeile omur omdue elio kene vala ke osep ka pula keniye lama angainsak omba koke angainsak omba kovok. E omdue anit ke osep batne angainsak omba langane kovok. E amwai lokono vala deka amparere osep itau ke Ida Tapolngon ila pelengon dagar. Deka imepmi wom langane. Langka imekli takis ke Sisar imadar Ida Tapolngon ila pelengon dagar koke aurou? Lange? Ma imekli takis koke aurou?”

Mak 13:22

Ma osep yakngan ina time tiyak osep langka isak Krais lokono. E ma osep yakngan ina leklou time tiyak osep langka isak osep napaprangan ina lokono. Ma tidue elio arit ina e nisngen leklou kesua batne tiwaiki tipagolgol osep aitno lisak ka Ida Tapolngon rere isak ila osep.

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Aposel 13:10

“Wom Satan otno arang wom. Elio itau ina oul wom. Lem elio keniye yakngan. Eknikane oklou aling aling amwaiki Ida Puda ila elio osuk polou kolok.

Aposel 14:2

E osep Yuda ina ka aitno lisak dagar kovok tisruk osep leklou ka isak osep Yuda ina kovok aitno lisak deka aitno lisak soulu ke Ida Tapolngon ila osep.

Aposel 16:17

Oklou aling aling apmang ane didi imi imogosok Pol e iye wai omba langane. “Osep ane isak Ida Tapolngon ka mole tapolngon ka pula keniye ila osep bokongon ina. Tiwai ke umu ke pelengon ka karanga lua umu ke lumu elio epmes ina.”

Aposel 18:26

Apolos sep ke osep Yuda ina urok duningen ina ninu e wai dagar pula ke Ida Tapolngon ila pelengon e ulou tarna kovok. Alo ari Prisila orwo Akwila tiklingen ila pelengon e tidue sep ke urok ninu e tiparere iye itau ke Ida Tapolngon ila elio ma iye ile omur ine.

Aposel 19:9

Osep pula tiklingen Pol ila pelengon e osep leklou tiwai apok ke iye ke osep pula amtarsak. Tipono aitno lisak e tiwai soulu lokono ke elio oku ina ka Pol napapra ke isak. Pol vati urok elio soulu deka iye gosok Yesus ila disaipel tisongon osep tonari. E isak kla ke gute Tiranus ila ninu ka iye nasi osep ine. E ke oklou kene kene tiwai Ida Tapolngon ila pelengon ke osep ari.

Aposel 22:4

Mase ngadue agegeng ke osep ka tididi elio oku ina e osep leklou timete ine. Ngakis osep arang e apmang dagar e ngapaur isak tisep ke kalabus.

Aposel 24:14

Lou elio langane. Eknikane ngadidi elio oku ina batne ke Yesus. E osep ane tiwai elio oku ina iye elio yakngan vala. Eknikane aitno lungong la ke Ida Tapolngon e ngalotuim iye. Eknikane aitno lungong dagar ke Moses ila sogongon keniye e ke osep napaprangan ina urok sogongon keniye.

Pas ka Pol sogoe uti la ke osep Rom ina 2:24

Oglou osep ka tisogo Ida Tapolngon ila pelengon tisogo langane. “Osep ka isak osep Yuda ina kovok tiwai soulu lokono ke Ida Tapolngon. Tiwai soulu ine e tipes angaine kesua batne tivati umu osep Israel ina lumu elio soulu.”

1 Timoti 5:14

Deka aitno lungong mter langka apmang sasap batne ka isak dau belbela boto ma tigi blang deka ma tidivir titorok e tikere urok osua itau. Langka tidue langane ma osep epmes ina tikaranga tiwai soulu ke isak kovok.

Taitus 2:5

E apmang pasinga oku ina tiplau isak itau e tididi elio itau vala. E tile elio ka tidue urok bokongon bitna bitna itau e tidue elio itau ke osep. E tidong moli ke urok soboget e tini urok pelengon. Tidue elio itau langane ma osep tikaranga tiwai soulu ke Ida Tapol-ngon ila pelengon kovok.

Taitus 2:8

Amwai pelengon lokono vala deka osep tikaranga tiwai soulu ke lem pelengon kovok. E tikaranga tituk orsak pulu kap wom kovok. Deka ma isak mnak isak ke urok elio soulu e tikaranga tiwai blang kovok.

1 Pita 2:12

Umodong airavu ke osep epmes ina e ngawaiki umodue elio isuk isuk ka itau vala. Umodue elio itau vala e langka tisin elio soulu vri ke umu ma tivati lumu elio itau e ma tikakai Ida Tapolngon angaine tito la egim ke oklou ka iye ma me e wade osep ine.

2 Pita 2:12

Osep tonari tidong langka ongwa vala e aitno lisak karanga mter ke wan gesa kovok e tididi pampamu lisak vala. E tidong langka ongwa kevena ma osep tidue isak e timter isak ma timete. Tiwai soulu ke elio bitna bitna ka tile ine kovok e ma timete langka ongwa kevena.

2 Pita 2:15

Tisongon ekreng ka tididi elio itau e isak kla ulik ulik e tidue elio soulu vala. Tididi gute Balam ka iye gute Beor otno arang ila elio. Oglou iye due elio soulu deka osep tikar iye mani ine e aitno mter ke mani tonari vala.

2 Pita 2:18

Tiwai omba e tiwai ulik ulik ma tikaranga tinak osep leklou ma tididi pampamu lisak e tidue elio soulu ka nak osep ka oku ane vala tikos ke osep ka tididi aitno lisak vala.

2 Pita 2:21

Tile omur ke elio ka tikaranga tipolou itau e osuk ke Ida Tapolngon bitna kodong. E mase tipul dogur ine deka tidong soulu lokono. Langka tile elio itau tonari kovok are itau. Tiklingen Ida Tapolngon ila pelengon e dau tipul dogur ine deka tidong soulu lokono.

2 Pita 2:7

Gute Lot iye gute ka ila elio itau e osuk. Iye dong ke Sodom e aitno soulu lokono ke elio soulu ka osep Sodom ina tidue. Deka alo ka Ida Tapolngon due eiou duru ngen Sodom iye lua Lot ma iye mete ine kovok.

Pas ka Jut sogoe 1:10

E osep tonari tiwai soulu ke wan bitna bitna ka tile omur ine kovok. E isak langka ongwa ka tile omur kovok e tididi pampamu lisak vala. E urok elio tonari ma due agegeng ke isak.

Pas ka Jut sogoe 1:15

Iye me ma iye wade osep soulu bitna ka pula keniye ke urok elio soulu ka tidue. Iye ma wade isak ke urok elio soulu ka tipul dogur ke Ida Tapolngon e ke urok pelengon soulu ka tiluk Ida Tapolngon ine.”

Pas ka Jut sogoe 1:4

E oku ane osep yakngan ina leklou tisep ke sios. Ke oglou kodong Ida Tapolngon wai ke isak ma tikluk ke omur hel. Osep tonari tipul dogur ke Ida Tapolngon e tiwaiki tipalele ila makaingan deka tiwai langane. “Langka itodue elio epmes ina bitna bitna are wan gesa kovok kesua Ida Tapolngon ma makai ite.” Tiwai langane e tipul dogur ke Ida Puda Yesus Krais ka iye Ida Plaungan.

Pas ka Jut sogoe 1:7

E silang blang ngawai ke osep ke armok Sodom e armok Gomora kap osep ke armok armok ka lelei armok orwo tonari. Tidue okwa e tidue elio soulu bitna bitna leklou blang ka soulu lokono. Osep tonari tinis ite ke osep ka Ida Tapolngon wade isak ke eiou ka dong vala dong.

Pelengon kukwopngon 12:9

Deka Maikel isak tisapir mota isak ke omur heven. E mota ina sirngen orwo. Sirngen kene Satan e sirngen silang Gute Ka Sin Elio Vri Ke Osep. Iye yak osep ka pula keniye e due isak tidue elio epmes ina. Maikel kap ila ensel tiuri mota kap ila angelo soulu tiduru ke taklak.

Pelengon kukwopngon 13:14

Ida Tapolngon songon iye ma iye due elio arit ina bitna bitna ke ongwa kevena kene ina bitna. Ke elio langane iye yak osep ka pula keniye ka tidong ke taklak. E iye wai ke osep langane. “Umodue sapingen ke ongwa kevena kene ina ka oglou timter iye ke elil omba e eknikane iye dong. Ma umodue anit ke iye.”

Pelengon kukwopngon 13:8

Osep ka pula keniye ka tidong ke taklak tilotuim ongwa kevena tonari. E oglou oglou ari alo ka Ida Tapolngon dau due taklak kovok iye sogo osep angainsak ke Sipsip Otno ka timter iye ma iye mete ila buk ka mosongon ina. E osep ka tilotuim ongwa kevena angainsak tidong ke buk tonari kovok.