2 Pita 2:18 - Aria New Testament

¹⁸ Tiwai omba e tiwai ulik ulik ma tikaranga tinak osep leklou ma tididi pampamu lisak e tidue elio soulu ka nak osep ka oku ane vala tikos ke osep ka tididi aitno lisak vala.

2 Pita 2:18 ပူးပေါင်းရင်းမြစ်များ

Aposel 2:40

Pita napapra ke osep ari langane deka iye wai pula blang. Iye daiku ke isak pula langane. “Umu keniye umeile umu itau lama umodong soulu langka osep ka tidong oku ane ka tididi elio soulu.”

Aposel 8:9

Alo ari gute gesa angaine Saimon dong. Iye gute muso ina e oglou due elio pula ka osep Samaria ina tidigrik ine. E iye kakai iye tona angaine tito la egim e wai langane. “Ngong gute ka maroni ka ngamgo ke osep pula.”

Pas ka Pol sogoe uti la ke osep Rom ina 13:13

Ma itodue elio itau vala eriar langka osep tidue ke osep ka pula amtarsak langka ke oklou. Ma itekepis kovok. E ma iteinim aki dagar ma amtada balilu kovok. Ma itodue okwa kovok e ma itodue wan ulik ulik kovok. Ma itodue amnga kovok e ma aitno lite soulu ke gute silang kovok.

Efesus 4:17

E ngawai dagar ke umu ke pelengon ane kesua batne Ida Puda dong. Umodue elio epmes ina bitna bitna eriar langka osep ka isak osep Yuda ina kovok tidue sakam. Kesua tididi aitno lisak ka kaka lokono vala.

2 Tesalonaika 2:4

Ma iye wai soulu ke wan ka pula keniye ka osep aitno lisak la ine e tisir isak langka inarak tapolngon. Ma iye wai iye omba e isak wan adai vala. E iye ma la ke Ida Tapolngon ila ninu e dong ine e wai langane. “Ngong tona Upu Tapolngon.”

Jems 5:5

Umodong ke taklak e umodue lumu brokngon pula e aitno lumu mter ke umu tona e lumu wan tonari lua umu vala. Umangen pula deka umerim omba. E isuk boto oklou ka osep timke umu e umemete ine ma polou.

2 Pita 1:4

Iye due langane deka kar ila kerengen ka omba lokono e ka ina klingen ombatno ka iye wai promis ine kodong ke ite. Iye kar ila kerengen ke ite ma itokos ke elio soulu bitna bitna ka taklak ane ina ka waiki pagolgol aitno lite. E ma itodong kap iye e itodong itau lokono langka iye dong itau lokono.

2 Pita 2:14

Osep tonari tikrim apmang ka ekreng palma ina ma tidue elio kap isak e aling aling tiwaiki tidue elio epmes ina. Tiyak osep ka aitno lisak ila dagar dau dagar kovok ma tidue elio soulu. Tile omur ke elio ka tingale e tidue osep urok wan. Aisudo. Ida Tapolngon ma ules isak ke urok elio soulu ka tidue.

2 Pita 2:2

Tidue elio soulu aling aling deka osep pula leklou ma tididi urok elio soulu deka osep ka tivati urok elio soulu ma tiwai soulu ke Ida Tapolngon ila ekreng ka lokono.

2 Pita 2:20

Langka osep aitno lisak la dagar ke Yesus Krais ka iye Ida Puda e Ida Luangan deka tikos ke wan bitna bitna ka soulu ka taklak ina. E langka mase tiding tidue elio soulu blang e elio soulu plau isak deka urok mosongon polou soulu blang. Oglou urok mosongon soulu e eknikane urok mosongon soulu lokono.

2 Pita 2:7

Gute Lot iye gute ka ila elio itau e osuk. Iye dong ke Sodom e aitno soulu lokono ke elio soulu ka osep Sodom ina tidue. Deka alo ka Ida Tapolngon due eiou duru ngen Sodom iye lua Lot ma iye mete ine kovok.

2 Pita 3:17

Sipmi. Ngong lana ngong ke umu e ngawai langane. Umeile elio tonari kodong deka umaplau umu itau lama umedidi osep ka tidar Ida Tapolngon ila pelengon e tipagolgol aitno lumu ke urok pelengon yakngan. E lama umodong dagar ke aitno lumu ila dagar kovok.

Pas ka Jut sogoe 1:13

E isak langka misuon ina boitini ka omba. Tidue elio soulu e isak mnak isak ke urok elio kovok. E isak langka misuon ina boitini omba ka nokul nokul e buswok polou. E silang blang isak langka gigimo ka kla ulik ulik ke sirva. Deka Ida Tapolngon rere isak ma tidong ke omur ka aivoro lokono dong vala dong.

Pelengon kukwopngon 13:11

Deka ngavati ongwa kevena silang tito ke taklak aitno e ke otuk ine ngavati ina emsik orwo langka sipsip otno ina emsik e iye wai langka mota ombatno wai.