2 Pita 2:17 - Aria New Testament

¹⁷ Osep parerengen yakgan ina isak langka ovuk ka aki polou adai ke taklak ine ka aki dong ine kovok koke isak langka gaup ka engen dagar ipu isak kla. Ida Tapolngon rere omur ka aivoro lokono ke isak.

2 Pita 2:17 ပူးပေါင်းရင်းမြစ်များ

Matyu 22:13

Deka gute ka vri mgo ke omur wai ke ila osep bokongon ina langane. ‘Umopou gute ane limla e kamla e umouri iye ke aivoro ke dogur. Ke omur are osep tikngis omba e tisak orsak erine pulu kesua tarna lisak doro doro lokono.’”

Matyu 25:30

Umodue wokboi nating ane ka karanga lua ngong kovok e umouri iye ke dogur ka aivoro. Ke omur ari osep ma tikngis omba e tisak orsak erine pulu kesua tarna lisak doro doro lokono.’”

Matyu 8:12

E osep ka Ida Tapolngon rere ma iye waiki tidong ke omur tonari ma iye uri isak ke omur ka aivoro e ma tikngis e tisak orsak erine pulu kesua tarna lisak doro doro lokono.”

Efesus 4:14

Deka ite ka aitno lite dagar langane ma itodong langka agau sondia ka aitno lisak ila dagar dau polou dagar kovok? Aurou. E langka osep soulu bitna tiwaiki urok pelengon yakngan pagolgol aitno lite ma itedidie ma urok pelengon bure vala. Ma aitno lite segesege ke pelengon yakngan langka sip ka misuon ina boitini bakulkule kovok. Ma aitno lite dong dagar vala.

Hibru 12:18

Umopolou ke gigri langka oglou osep Israel ina tipolou ke gigri Sainai kovok. Aurou. Tikaranga tikai gigri tonari e tivati eiou ngene e omur aivoro e engen omba polou.

2 Pita 2:4

Oglou oglou ari Ida Tapol-ngon ila ensel leklou tidue elio epmes ina deka iye songon isak tidong vala kovok. Aurou. Iye uri isak kla ke omur hel e tidong ke omur ka aivoro langka tidong ke kalabus e tipara ke oklou ka Ida Tapolngon ma wade isak ke urok elio epmes ina.

Pas ka Jut sogoe 1:6

E ngawai ke ensel blang ka oglou tipul dogur ke bokongon ka Ida Tapolngon kare ke isak e tisongon omur ka iye rere ke isak. Deka Ida Tapolngon pou isak ke sen ka dong vala dong. Iye pou isak deka tidong ke omur ka aivoro e tidong tipara ke oklou ka Ida Tapolngon ma wade urok elio ine.