2 Pita 2:13 - Aria New Testament

¹³ Tidue elio soulu ke osep e Ida Tapolngon koli urok elio soulu ke isak. Aitno lisak mter itau ke elio langka tingen pula e tinim pula alo ka oklou bublo. E tingen kap umu e tidue umu mnak umu ine e tidue umu umopolou langka amum. E aitno lisak neser ke urok yakngan.

2 Pita 2:13 ပူးပေါင်းရင်းမြစ်များ

Pas ka Pol sogoe uti la ke osep Rom ina 13:13

Ma itodue elio itau vala eriar langka osep tidue ke osep ka pula amtarsak langka ke oklou. Ma itekepis kovok. E ma iteinim aki dagar ma amtada balilu kovok. Ma itodue okwa kovok e ma itodue wan ulik ulik kovok. Ma itodue amnga kovok e ma aitno lite soulu ke gute silang kovok.

Efesus 5:27

Krais due langane kesua iye waiki ila osep urok elio gesa munu pes isak kovok. Iye waiki ila osep tidong itau lokono. Iye waiki elio gesa ka soulu dong kap isak kovok.

Filipai 3:19

Osep tonari tidue wan ka pampamu lisak waiki tidue vala. Aitno lisak neser ke wan ka osep pula mnak isak ine e aitno lisak mter ke wan bitna bitna ka taklak ina vala. Osep ka tidue elio langane ma tikluk ke omur hel.

2 Timoti 4:14

Ke oglou gute Aleksander ka due wan bitna bitna ke bras due elio soulu lokono ke ngong. Ma Ida Puda koli batne ke ila elio soulu ka iye due.

Jems 5:5

Umodong ke taklak e umodue lumu brokngon pula e aitno lumu mter ke umu tona e lumu wan tonari lua umu vala. Umangen pula deka umerim omba. E isuk boto oklou ka osep timke umu e umemete ine ma polou.

1 Pita 4:4

E oku ane umodue elio soulu bitna bitna tonari kovok. E osep epmes ina tidigrik kesua umodue elio epmes ina kap isak kovok. Deka tiwai soulu ke umu ine.

2 Pita 2:15

Tisongon ekreng ka tididi elio itau e isak kla ulik ulik e tidue elio soulu vala. Tididi gute Balam ka iye gute Beor otno arang ila elio. Oglou iye due elio soulu deka osep tikar iye mani ine e aitno mter ke mani tonari vala.

Pelengon kukwopngon 18:6

Ipem Tapolngon ma aitno lugom mter ke elio ka iye due deka omkoli batne ke ila elio eriar langka iye due. Omkoli batne langka aling orwo ke elio kene kene ka iye due. Iye baser aki dagar ke kap ma osep timine deka ambaser aki ka dagar lokono ke kap ma iye inime.