2 Pita 2:1 - Aria New Testament

¹ E oglou osep napaprangan yakngan ina tidong kap osep Israel ina. E eriar langane osep parerengen yakngan ina ma tipolou ke umu blang e tibisi urok pelengon yakngan e tiwaiki tinak umu ma umedidi urok pelengon. Tiwaiki urok pelengon yakngan due pogle ke aitno lumu ila dagar. E tipul dogur ke Ida Puda ka kli urok elio epmes ina deka suong ma Ida Tapolngon koli urok elio soulu e due agegeng ke isak.

2 Pita 2:1 ပူးပေါင်းရင်းမြစ်များ

Matyu 10:33

E langka tiwai tile ngong kovok ke osep leklou io ma ngawai ke Livou ka dong ke omur heven tididi ngong kovok.”

Matyu 24:11

E osep napaprangan yakngan ina pula ma tipolou e tidue osep pula tididi elio soulu.

Matyu 24:24

Kesua osep yakngan ina ma tipolou ka tisir isak Krais koke tisir isak osep napaprangan ina. E ma tidue elio arit ina ka omba ma osep tididi isak ke elio soulu. E tiwaiki titok osep ka Ida Tapolngon rere isak ila osep blang.

Matyu 24:5

Kesua osep pula ma tiwai langane. ‘Ngong gute Krais ka Ida Tapolngon rere ma ngalua osep.’ E tiyakyak osep pula ma tididi isak.

Matyu 7:15

“Umaplau umu itau ke osep napaprangan yakngan ina. Tiwaiki osep aitno lisak mter urok elio molil molil langka sipsip e dau isak langka gemle kevena ka tiwaiki tingen wan.

Mak 13:22

Ma osep yakngan ina time tiyak osep langka isak Krais lokono. E ma osep yakngan ina leklou time tiyak osep langka isak osep napaprangan ina lokono. Ma tidue elio arit ina e nisngen leklou kesua batne tiwaiki tipagolgol osep aitno lisak ka Ida Tapolngon rere isak ila osep.

Luk 12:9

E gute ka wai iye ile ngong kovok ke osep amtarsak ma ngawai ngaile iye kovok ke Ida Tapolngon ila ensel amtarsak.

Luk 21:8

E Yesus koli wai ke isak langane. “Umaplau umu itau lama osep tiyak umu. Kesua osep pula ma time e tisir angain ngong e tiwai langane. ‘Ngong tona gute Krais.’ E osep leklou ma tiwai langane. ‘Alo ka Krais iding me isuk boto polou.’ E umedidi urok pelengon sakam.

Luk 6:26

Aisudo ke umu alo ka osep ka pula keniye tikakai angainmu kesua oglou ari urok seia tidue elio langane ke osep napaprangan yakngan ina.”

Pas ka Pol sogoe uti la ke osep Rom ina 16:18

Osep tonari tididi Ida Puda Krais ila elio kovok. Aurou. Isak langka wokboi nating ka tididi pampamu lisak vala. E ke urok pelengon ka dikngen e urok pelengon ka timter osep aitno lisak ine tiyakyak osep vala. Kesua tiwaiki ma osep aitno lisak la dagar ke urok pelengon. Deka ma osep ka tile isak itau lokono kovok ma aitno lisak dagar ke urok pelengon.

1 Korin 11:19

Deka aitno lungong mter langka lumu duningen bitna langka dar boto ma umeile itau ke osep ka aitno lisak dagar ke Ida Tapolngon ila elio itau.

1 Korin 6:20

Pampamu lumu Ida Tapolngon ila wan kesua iye kli umu kodong. Deka wan ka pula keniye ka umodue ke pampamu lumu ma umakakai Ida Tapolngon angaine ine.

1 Korin 7:23

E Ida Puda kli umu kodong e ma umopolou langka wokboi nating kovok.

Galesia 2:4

Osep leklou ka isak sudo yakngan ina time tisep ke limem duningen e tidong langka esim. Ma tivati wansua ka Krais due ke ite alo ka iye lua ite ke udo elio epmes ina e iye pi ite ma itodong moli ke Moses ila sogongon kovok. Osep tonari tiwaiki tidue ite ma itodong ke kalabus ke Moses ila songongon.

Galesia 3:13

Moses ila sogongon wai langane. “Ite ka pula keniye itedidi Moses ila sogongon keniye kovok e ma iteimina.” E Krais lua ite alo ka iye mana ke ina akai e mete e kasip amunte. Ida Tapolngon ila pelengon wai langane. “Ida Tapolngon vati osep ka timana ke akai langka osep ka agegeng polou lisak.”

Galesia 4:17

Umoklingen. Osep ka tiwai dikngen ke umu aitno lisak mter langka tilua umu kovok. Aurou. Tiwaiki tidue ngong e umu itadar pulu ma aitno lumu la ke isak ma umolua isak.

Galesia 5:20

E osep tilotuim sapingen e tidue muso e tidue burwa e aitno lisak engil e tidue amnga e aitno lisak soulu. E tingale gute silang ila wan e aitno lisak vri ke isak tona e orsak mluk pulu e tidardar ke osua osua.

Efesus 1:7

E Yesus ina metengen e ina marau kli udo elio epmes ina deka elio epmes ina tonari munu pes ite kovok. Deka Ida Tapolngon didi ila makaingan ka ombatno lokono e klok udo elio epmes ina.

Efesus 4:14

Deka ite ka aitno lite dagar langane ma itodong langka agau sondia ka aitno lisak ila dagar dau polou dagar kovok? Aurou. E langka osep soulu bitna tiwaiki urok pelengon yakngan pagolgol aitno lite ma itedidie ma urok pelengon bure vala. Ma aitno lite segesege ke pelengon yakngan langka sip ka misuon ina boitini bakulkule kovok. Ma aitno lite dong dagar vala.

Filipai 3:19

Osep tonari tidue wan ka pampamu lisak waiki tidue vala. Aitno lisak neser ke wan ka osep pula mnak isak ine e aitno lisak mter ke wan bitna bitna ka taklak ina vala. Osep ka tidue elio langane ma tikluk ke omur hel.

Kolosi 2:18

Langka gute gesa waiki pi lumu wan itau batne ke wan ka iye vati alo ka iye munu ano koke langka iye waiki umepes umu umoduru e umolotuim ensel io umosongon iye ma iye due langane kovok. Gute ka ila elio langare didi aitno oglou ina e aitno mter langka iye itau lokono e iye due ilengen itau.

Kolosi 2:8

Deka umaplau umu itau lama osep tiyak umu e tipagolgol aitno lumu ke urok pelengon vala. Tidue pelengon tonari ke urok seia e ke ano soulu ka tiplau sirva e taklak. E pelengon tonari me ke Krais kovok.

1 Timoti 5:8

Langka gute gesa plau tna e timla e ila osua blang kovok ane langka iye songon aitno ila dagar kodong. E osep ka tile ke Ida Tapolngon kovok urok elio mole ila elio. Kesua tidue elio langane kovok.

2 Timoti 4:3

Kesua mase osep ma tiwaiki tiklingen pelengon ka lokono kovok. Aurou. Ma tiwaiki tiklingen pelengon bitna bitna ka didi aitno lisak vala. E tidue osep parerengen ina ka tiparere isak ke pelengon ka tiwaiki tiklingen ine.

Taitus 1:11

Osep are tiparere osep kesua tiwaiki urok mani polou omba ine. E langka tiparere langane tidue elio soulu e tidue agegeng ke osep kap urok osua aitno lisak ila dagar. Deka amdangdang isak ma tiwai pelengon langane kovok.

Taitus 3:10

Langka gute gesa wai pele-ngon ka due Ida Tapolngon ila osep tidardar deka amwai pelengon dagar ke iye ma ommosi aitno. Ma iye wai langane blang kovok. Langka omdue langane aling orwo ina e iye dau klingen pelengon kovok deka umopul dogur ine e umodong kap iye kovok.

Hibru 10:29

Langka elio tonari dong deka aitno lumu lange ke gute ka pul dogur ke Ida Tapolngon Otno Arang? Ma Ida Tapolngon due elio lange ke iye? Ida Tapolngon ma due agegeng omba ke iye kesua ane langka gute tonari aitno mter Krais ina marau wan adai vala. E Krais ina marau batne ke Ida Tapolngon ila kontrak oku ina ka due osep tidong itau ke Ida Tapolngon bitna. E iye wai soulu ke Ano Itau ka makai iye.

1 Pita 1:8

Lama oglou umavati Krais kovok dau umu lana umu ke iye. E oku ane lama umavati iye kovok aitno lumu la dagar ke iye. E umeketir omba ke ketirngen ka mole ketirngen ke taklak e umakaranga umawai pelengon ka wai ke ketirngen tonari kovok.

2 Pita 2:3

Osep parerengen yakngan ina tiwaiki tidue mani pula e tiwai basikngen adai ma tidue lumu mani ine. E ke oglou lila me Ida Tapolngon dong para e isuk boto ma iye wade isak e due agegeng ke isak.

1 Jon 2:26

Ngasogo pelengon ke umu ma ngapalongo lumu ke osep ka tiwaiki tiyak umu.

1 Jon 4:1

Sipmi. Ngong lana ngong ke umu e ngawai ke umu langane. Osep napaprangan yakngan ina tidong ke taklak. E langka gute gesa wai ke umu langane. “Ngawai ke Ano Itau ila pelengon.” Deka umawade ila pelengon ma umeile omur langka ila pelengon ka iye wai batne ke Ida Tapolngon koke aurou.

Pas ka Jut sogoe 1:18

Tiwai ke umu langane. “Mase alo ka isuk boto wan keniye yagos osep ma tipolou e tidue apok ke umu. Ma tipul dogur ke Ida Tapolngon e tididi aitno lisak ke elio soulu vala.”

Pas ka Jut sogoe 1:4

E oku ane osep yakngan ina leklou tisep ke sios. Ke oglou kodong Ida Tapolngon wai ke isak ma tikluk ke omur hel. Osep tonari tipul dogur ke Ida Tapolngon e tiwaiki tipalele ila makaingan deka tiwai langane. “Langka itodue elio epmes ina bitna bitna are wan gesa kovok kesua Ida Tapolngon ma makai ite.” Tiwai langane e tipul dogur ke Ida Puda Yesus Krais ka iye Ida Plaungan.

Pelengon kukwopngon 13:14

Ida Tapolngon songon iye ma iye due elio arit ina bitna bitna ke ongwa kevena kene ina bitna. Ke elio langane iye yak osep ka pula keniye ka tidong ke taklak. E iye wai ke osep langane. “Umodue sapingen ke ongwa kevena kene ina ka oglou timter iye ke elil omba e eknikane iye dong. Ma umodue anit ke iye.”

Pelengon kukwopngon 2:13

‘Ngaile omur ke armok ka umodong ine. Satan ila kova dong ke armok tonari. E ke oglou lila me aitno lumu dong dagar ke ngong e umosongon aitno lumu ila dagar kovok. Umodong dagar lama oglou osep timluk gute Antipas ma iye mete. Iye dong kap umu e napapra lou pelengon e didie deka osep timluk iye ma iye mete. Iye mete ke lumu armok ka Satan dong ine.’”

Pelengon kukwopngon 2:9

‘Ngaile elio ka polou ka opru umu. E ngaile umodong langka lumu wan isuk boto vala. E lokono lumu wan pula dong para ke umu ke omur heven. E ngaile pelengon soulu ka osep leklou tiwai ine ke umu. Osep tonari tiwai langane. “Imi osep Yuda ina.” E isak osep Yuda ina kovok. Aurou. Isak Satan ila osua vala.

Pelengon kukwopngon 3:8

Ngaile elio bitna bitna ka umodue kodong. Ngaile lumu arit sasi boto e umedidi lou pelengon e umopul dogur ke ngong kovok. Deka umoklingen. Ke omtomu ngaklok ekreng bitna e gute gesa karanga divae kovok.

Pelengon kukwopngon 5:9

E tidue sakul oku gesa langane. “Amkaranga omdue buk e amkaranga emkles pou-ngon lumorwo ke buk tonari. Kesua osep timluk wom emmete e ngap marau baser e emkli osep urok elio epmes ina e tipolou Ipem Tapolngon ila osep ine. Emkli osep ke osua ka pula keniye e osep ka tiwai tokples bitna bitna e osep ka tarna lisak bitna bitna e osep ke omur ka pula keniye ke taklak.

Pelengon kukwopngon 6:10

E osep ansak tonari tigi tiwai omba langane. “Ipem Puda ka lem arit ombatno omdong itau e amwai pelengon lokono. Lesen ma amwade osep ka pula keniye ka tidong ke taklak e omkoli ipem marau ke isak?”