2 Pita 1:8 - Aria New Testament

⁸ Langka elio tonari dong kap umu e res polou omba ke aitno lumu deka lumu ilengen ka la ke Ida Puda Yesus Krais due umu deka umodue elio itau pula. Lumu ilengen lua umu ma umodue ila bokongon itau.

2 Pita 1:8 ပူးပေါင်းရင်းမြစ်များ

Matyu 13:22

E wit londo ka tiduru timunu ke galou marak isak eriar langka gute ka klingen Ida Tapolngon ila pelengon e dau aitno kro ke wan bitna bitna ke mosongon ane e aitno itau ke mani. E elio orwo tonari tikading Ida Tapolngon ila pelengon e pelengon karanga due gute ma iye due elio itau kovok.

Matyu 20:3

E iye iding ke bilmu ke 9 kilok ke kotkotu e pado osep leklou tidong adai vala.

Matyu 20:6

E isuk boto ke 5 kilok ke kirui iye la ke bilmu blang e pado osep leklou tidong are. E iye wai ke isak langane. ‘Ina lange umevri ane adai ke kotkotu me iding ke oku ane?’

Matyu 25:26

E ina puda koli wai ke iye langane. ‘Wom wokboi nating ka soulu e amwaiki omboko engil kovok e omdue ropo vala. Emile ngadue otna ke omur ka ngaser londo ine kovok e ngagom wan erine ke omur ka ngablou erine ine kovok.

Jon 15:2

E Livou blou galou wain palma tonari tetna ka tiusu otna kovok e uri isak la. E galou wain palma tetna ka tiusu otna Livou pi elilo ka sasi ma tetna tonari usu otna pula.

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

Jon 5:42

E ngaile umu. Ngaile ke aitno lumu umu lana umu ke Ida Tapolngon kovok.

Pas ka Pol sogoe uti la ke osep Rom ina 12:11

Ma umoboko dagar aling aling e umodue ropo sakam. Aitno lumu orwo ke Ida Puda ila bokongon sakam. Aitno lumu kene ine e umoboko dagar ine vala.

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

2 Korin 13:5

Umawade umu itau ke aitno lumu ila dagar. Langka aitno lumu ila dagar dau dong dagar koke aurou. Umeneklep ke Yesus Krais kodong deka iye dong ke aitno lumu. Langka iye dong ke aitno lumu kovok umu ila osep kovok.

2 Korin 8:2

Wan pula tipolou ka opru isak e dau aitno lisak neser omba. E lama urok wan bitna bitna isuk boto vala dau aitno lisak mter ke osep Kristen leklou e tituktuk urok mani e tikare ke isak e aitno lisak mter ke isak tona vala kovok.

2 Korin 8:7

E umodue elio itau ke elio isuk isuk ka umodue. Elio langka aitno lumu dagar ke Ida Tapolngon e umawai Ida Tapolngon ila pelengon itau lokono. E umeile omur ke Ida Tapolngon ila pelengon e umawaiki umodue Ida Tapolngon ila boko-ngon lokono e umu lana umu ke imi. Deka imawaiki umu ma umodue elio itau ke bokongon ka umolua osep leklou.

2 Korin 9:14

Deka osep Judia ina ma isak lana isak ke umu omba e tiwai itau ke Ida Tapolngon ke umu. Tidue langane kesua tile Ida Tapolngon makai umu omba.

Filipai 1:9

Aling aling ngawai itau langane. Ngawaiki elio ka umu lana umu ke osep res polou omba e ngawaiki umeile omur ke wan bitna bitna itau e aitno lumu mter ke wan malak lokono.

Filipai 2:5

Ngawaiki ma aitno lumu mter langka Krais Yesus aitno mter.

Filipai 3:8

E silang blang langane. Aitno lungong mter wan ka pula keniye ka oglou ngadue isak yagos la kodong. E elio ka ngaile Krais Yesus iye Ngau Puda are wan ka omba e mole wan ka pula keniye. Deka aitno lungong mter elio ka oglou ngadue isak wan adai e langka tokonkon. Kesua ngawaiki ma ngadong kap Krais.

Kolosi 1:10

Ma umelila ke elio ka Ida Puda waiki umedidie ma aitno itau lokono ke lumu elio. E ma umodue bokongon itau e ma umeile omur ke Ida Tapolngon. Deka aling aling ma lumu ilengen res polou omba.

Kolosi 2:7

Ngawaiki umevri dagar ke iye langka akai ka gigitno tiduru ke taklak aitno e vri dagar ine. E silang blang langka kadanga dong ke taklak e due ninu vri dagar ngawaiki aitno lumu ila dagar due umu umopolou dagar lokono. Eriar langka oglou osep tiparere umu deka eknikane umedidi pelengon tonari e umawai tenkyu ke Ida Tapolngon ke wan ka pula keniye ka iye due ke umu.

Kolosi 3:16

Umosongon Krais ila pelengon keniye dong ke aitno lumu. Deka umedidi ilengen ka polou ke pelengon tonari e umaparere osep ine e umawai ke isak ma tikel isak itau. Umedidi sakul ka dong ke Buk Song e umodue sakul ka kakai Ida Tapolngon angaine tito la egim e umodue sakul ka Ano Itau due polou ke aitno lumu. Alo ka umodue sakul ma aitno lumu itau ke wan keniye ka Ida Tapolngon due.

1 Tesalonaika 3:12

Imawaiki Ida Puda due umu ma umu lana umu pulu e umu lana umu ke osep ka pula keniye. Ma umu lana umu ke osep eriar langka imi lana imi ke umu.

1 Tesalonaika 4:1

Sipmi. Ma imababrum limem pelengon ane. Oglou imaparere umu ke elio isuk isuk ka umodue ma Ida Tapolngon aitno itau ine. E umedidi elio tonari kodong. E eknikane imawai dagar ke umu ke Ida Puda Yesus angaine ma aling aling umodue elio langane lokono.

2 Tesalonaika 1:3

Sipmi. Aling aling imawai tenkyu ke Ida Tapolngon e iye sruk aitno limi ma imawai itau ke umu. E elio ane ka itodue iye elio itau. Kesua aitno lumu ila dagar polou dagar lokono e umu lana umu pulu deka aling aling elio langane res polou omba lokono. E Ida Tapolngon waiki itodue elio langane. E ma imakakai Ida Tapolngon angaine tito la egim ine.

1 Timoti 5:13

E tidue elio silang langane. Tidue elio ka ropo e tilila ulik ulik vala ke ninu ninu. E elio silang blang ka soulu langane. Tiwai pelengon adis ke osep e tiwaiki tiklingen wan bitna bitna ka osep leklou urok wan. Deka tibasik ine ke osep leklou blang.

Taitus 3:14

Nga-waiki aling aling Ida Tapolngon ila osep tidue elio itau. Elio langka tilua osep ka urok wan isuk boto vala. Ma tidong adai e tidue wan ulik ulik kovok.

Filemon 1:6

Aitno lite ila dagar eriar e itogosok iteneklep ke Krais. E ngawai itau ke Ida Tapolngon ma iteile omur ke kerengen ka pula keniye ka itodue ke Krais.

Hibru 6:12

E imawaiki umodue ropo ke lumu bokongon kovok. Imawaiki umakana osep ka aitno lisak ila dagar dong dagar e tipara ke wan itau. Kesua imawaiki umodue wan ka Ida Tapolngon wai dagar ma iye kare ke osep.

2 Pita 1:2

Ngawaiki Ida Tapolngon ila makaingan e elio ka iye due aitno lumu dong epen dong kap umu. E ngawaiki umeile omur itau ke Ida Tapolngon e Ida Puda Yesus.

2 Pita 1:3

Yesus iye Ida Tapolngon blang e iye didi ila arit e kar ite wan pula ka lua ite ma udo mosongon dong itau e itodue elio bitna bitna ka itau. Iye lua ite ma iteile itau ke iye ka gi ite ma itodong kap iye ke ila bublongon e ila elio ka itau lokono.

2 Pita 2:20

Langka osep aitno lisak la dagar ke Yesus Krais ka iye Ida Puda e Ida Luangan deka tikos ke wan bitna bitna ka soulu ka taklak ina. E langka mase tiding tidue elio soulu blang e elio soulu plau isak deka urok mosongon polou soulu blang. Oglou urok mosongon soulu e eknikane urok mosongon soulu lokono.

2 Pita 3:18

Ngawaiki Ida Puda ka Ida Luangan Yesus Krais ila makaingan res polou omba ke aitno lumu e umeile iye itau. Eknikane itakakai angaine tito la egim e mase ma itakakai angaine tito la egim dong vala dong. Lokono.