2 Pita 1:5 - Aria New Testament

⁵ Ida Tapolngon lua umu itau deka aitno lumu mter omba ine. Aitno lumu ila dagar la ke Ida Tapolngon kodong deka umodue elio isuk isuk ka itau vala. Umodue elio langane deka umu arit umu ma umodue ilengen itau ka la ke Ida Tapolngon.

2 Pita 1:5 ပူးပေါင်းရင်းမြစ်များ

Luk 16:26

E silang blang langane. Ida Tapolngon due olung omba dong airavu ke imi e umu ma osep ka tiwaiki tisongon ane e isak kla are tikaranga kovok. E osep ka tiwaiki tisongon are e time ane tikaranga kovok blang.’”

Luk 24:21

E aitno limi waiki iye gute ka ma lua osep Israel ina ke urok elio epmes ina. E silang blang eknikane elio tonari polou oklou eklu la kodong.

Jon 6:27

Umoboko ma umodue ngangon ka karanga polou okus kovok. E umoboko ma umodue ngangon ka dong vala dong ka ngong ka Gute Ka Polou Langka Osep ma ngakare ke umu. Kesua Ida Tapolngon ka Pmada nis osep aitno itau ke ngong.”

1 Korin 14:20

Sipmi. Aitno lumu mter ke elio pula langka agau aitno lisak mter ine kovok. E ke aitno lumu umodong langka osep ngongle. E umodong langka agau aren aren ke elio bitna bitna ka soulu.

Efesus 5:17

Deka umodue elio ulik ulik langka osep ka isak manga manga tidue sakam. Umekrim ekreng ke elio ka Ida Puda waiki umedidie.

Filipai 1:9

Aling aling ngawai itau langane. Ngawaiki elio ka umu lana umu ke osep res polou omba e ngawaiki umeile omur ke wan bitna bitna itau e aitno lumu mter ke wan malak lokono.

Filipai 2:12

Sipmi. Ngong lana ngong ke umu. E langka oglou umedidi lou pelengon alo ka ngadong kap umu deka eknikane alo ka ngadong kap umu kovok ma umedidi lou pelengon lokono. Ida Tapolngon lua umu ke lumu elio epmes ina kodong deka eknikane umodong dagar ke aitno lumu ila dagar e umodue anit ke Ida Tapolngon e umoboko ma lumu mosongon ke taklak ane dong itau.

Filipai 4:8

Sipmi. Ngawaiki ngawai ke umu sasi boto blang deka lou pelengon yagos. Ngawaiki aitno lumu mter ke elio ka lokono vala e elio ka osep tidue anit ine e elio ka osuk ke osep amtarsak. E elio ka Ida Tapolngon aitno itau ine e elio ka due osep lana isak pulu e elio ka osep aitno lisak itau ine. Aitno lumu mter ke elio ka itau lokono e elio ka due osep aitno lisak itau ine.

Kolosi 1:9

Deka nogrum ke oklou mgongon ina ka imeklingen ke lumu elio itau aling aling imawai itau e imepmi Ida Tapolngon ma iye lua umu ma umeile omur ke aitno. E ma Ano Itau kar umu ilengen itau ma umeile ke elio bitna bitna ka aitno itau ine ma elio tonari bon ke aitno lumu.

Kolosi 2:3

Krais ile ilengen itau keniye e elio itau keniye e iye karanga lua osep ma tile ine blang.

Hibru 11:6

E langka aitno lite dagar ke Ida Tapolngon kovok deka itakaranga itodue elio gesa ka Ida Tapolngon aitno itau ine kovok. Kesua gute ka waiki polou olwo boto ke Ida Tapolngon ma aitno dagar ke elio ka Ida Tapolngon dong e iye kar wan itau itau ke osep ka tikrim ke iye e tipado iye.

Hibru 12:15

Umeile umu itau lama umopul dogur ke Ida Tapolngon ila makaingan. E umeile umu itau lama gute gesa airavu ke umu polou langka wan ka meli e ila elio due elio soulu polou ke osep leklou e elio tonari due asmel ke osep pula.

Hibru 6:11

Imawaiki umu kenmu kenmu umodue elio itau langane. Imawaiki umodue Ida Tapolngon ila bokongon itau e umapara ke wan ka itau ka mase ma polou.

1 Pita 3:7

E umu arang aitno lumu mter itau ke lumu sasap. Umodong kap isak e aitno lumu mter urok arit eriar langka lumu arit kovok. Deka umodue anit ke isak kesua Ida Tapolngon kar umorwo mosongon ka itau. Umodue langane deka alo ka umawai itau ke Ida Tapolngon ma iye klingen lumu pelengon.

2 Pita 1:10

Sipmi. Ida Tapolngon gi umu e rere umu ila osep kodong. Deka umu arit umu ma umodue elio isuk isuk ka itau ma umeile omur Ida Tapolngon rere umu ila osep umu. Langka umodue langane ma umopul dogur ke iye kovok.

2 Pita 1:11

Umodue langane deka alo ka umemete kodong e umetito ke omur heven Ida Tapolngon ma klok ekreng bitna ke umu. Ma umesep ke omur ka Ida Puda e Ida Luangan Yesus Krais tiplaue ka dong vala dong.

2 Pita 3:14

Sipmi. Ngong lana ngong ke umu e ngawai langane. Umapara ke alo ka wan tonari polou deka umu arit umu ma umodue elio itau vala ma umodong itau ke Ida Tapolngon bitna. E aitno lumu dong epen kap iye.

2 Pita 3:18

Ngawaiki Ida Puda ka Ida Luangan Yesus Krais ila makaingan res polou omba ke aitno lumu e umeile iye itau. Eknikane itakakai angaine tito la egim e mase ma itakakai angaine tito la egim dong vala dong. Lokono.