Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Pita 1:2 - Aria New Testament

2 Ngawaiki Ida Tapolngon ila makaingan e elio ka iye due aitno lumu dong epen dong kap umu. E ngawaiki umeile omur itau ke Ida Tapolngon e Ida Puda Yesus.

အခန်းကိုကြည့်ပါ။ ကော်ပီ




2 Pita 1:2
18 ပူးပေါင်းရင်းမြစ်များ  

Yesus wai itau yagos deka iye wai ke osep langane. “Livou kar wan keniye ke ngong kodong. Livou kene vala ile ngong ka Otno Arang e gute kene ile Livou kovok. E Otno Arang e osep ka iye nis isak ke Timla vala tile Livou.”


E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.


­Eknikane ngasogo pas ane uti la ke umu osep Rom ina ka Ida Tapolngon rere umu ila osep. Ngawaiki Ida Tapolngon ka Pmada e Ida Puda Yesus Krais urok makaingan dong kap umu e tidue aitno lumu epen.


Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.


E silang blang langane. Aitno lungong mter wan ka pula keniye ka oglou ngadue isak yagos la kodong. E elio ka ngaile Krais Yesus iye Ngau Puda are wan ka omba e mole wan ka pula keniye. Deka aitno lungong mter elio ka oglou ngadue isak wan adai e langka tokonkon. Kesua ngawaiki ma ngadong kap Krais.


Oglou ari Ida Tapolngon ka Pmada ile umu kodong e rere umu ila osep e Ano Itau lua umu ma umodong itau lokono ke Ida Tapolngon bitna. Iye due langane ma umeini Yesus Krais ka ina marau baser e kli lumu elio epmes ina. Ngawaiki Ida Tapolngon ila makaingan e elio ka iye due aitno lumu dong epen bon ke aitno lumu.


Yesus iye Ida Tapolngon blang e iye didi ila arit e kar ite wan pula ka lua ite ma udo mosongon dong itau e itodue elio bitna bitna ka itau. Iye lua ite ma iteile itau ke iye ka gi ite ma itodong kap iye ke ila bublongon e ila elio ka itau lokono.


Ida Tapolngon lua umu itau deka aitno lumu mter omba ine. Aitno lumu ila dagar la ke Ida Tapolngon kodong deka umodue elio isuk isuk ka itau vala. Umodue elio langane deka umu arit umu ma umodue ilengen itau ka la ke Ida Tapolngon.


Langka elio tonari dong kap umu e res polou omba ke aitno lumu deka lumu ilengen ka la ke Ida Puda Yesus Krais due umu deka umodue elio itau pula. Lumu ilengen lua umu ma umodue ila bokongon itau.


Langka osep aitno lisak la dagar ke Yesus Krais ka iye Ida Puda e Ida Luangan deka tikos ke wan bitna bitna ka soulu ka taklak ina. E langka mase tiding tidue elio soulu blang e elio soulu plau isak deka urok mosongon polou soulu blang. Oglou urok mosongon soulu e eknikane urok mosongon soulu lokono.


Ngawaiki Ida Puda ka Ida Luangan Yesus Krais ila makaingan res polou omba ke aitno lumu e umeile iye itau. Eknikane itakakai angaine tito la egim e mase ma itakakai angaine tito la egim dong vala dong. Lokono.


Ngawaiki Ida Tapolngon aitno due umu e due aitno lumu epen e due elio ka umu lana umu ke osep pula dong kap umu.


E ngong Jon ngasogo pele-ngon ane uti ke umu ka pula keniye ka umodong ke sios lumorwo ka tidong ke provins Esia. Ida Tapolngon ka oglou iye dong kodong e eknikane iye dong e mase ma iye dong blang makai umu e due aitno lumu dong epen. E ano lumorwo ka dong ke Ida Tapolngon ila kova bitna timakai umu e tidue aitno lumu dong epen blang.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ