2 Pita 1:19 - Aria New Testament

¹⁹ Imeklingen pelengon tonari e aitno limi dagar ke osep napaprangan ina urok pelengon e imeile omur urok pelengon lokono. E umu blang aitno lumu dagar ke urok pelengon ka langka lam ka bublo ke aivoro. Lam bublo ke aivoro la lama iding ke alo ka gaga tito. Bitna langka langane alo ka Krais dong ke aitno lumu langka gigimo marupo bublo.

2 Pita 1:19 ပူးပေါင်းရင်းမြစ်များ

Matyu 4:16

Osep ka tidong ke aivoro tivati bublongon omba e osep ka tidong langka ansak timete bublongon omba polou ke isak.”

Jon 5:35

Jon iye langka lam ka bublo e due osep tivati omur itau. E ke sasi boto umawaiki umoklingen ila pelengon ka langka bublongon e aitno lumu neser ine.”

Jon 5:39

Umanana dagar ke Ida Tapolngon ila pelengon kesua aitno lumu mter ila pelengon karanga nis umu ke ekreng ka kar lumu mosongon ka dong vala dong ke umu. E aurou. Pelengon tonari palongo lumu ke ngong.

Jon 8:12

E Yesus wai ke osep blang langane. “Ngong bublongon ke osep ka pula keniye ka tidong ke taklak. Osep ka tididi ngong ma tilila ke aivoro kovok. Aurou. Ma tilila ke bublongon ka kar isak mosongon ka dong vala dong.”

Aposel 15:29

Ma umangen ngangon ka kakai sapi-ngen gesa angaine e ke elio langane umopolou soulu ke Ida Tapolngon bitna sakam. Ma umangen marau e ongwa ka osep tiger agune e ka ina marau dau dong ine sakam. Ma umodue elio okwa e elio isungon sakam. Langka umadar pelengon ane kovok ma umodong itau. Limem pelengon ane yagos.”

Aposel 17:11

Osep Yuda ina ka tidong ke Beria urok elio mole osep Yuda ina ka tidong ke Tesalonaika urok elio. Kesua tiklingen Ida Tapolngon ila pelengon deka tikis dagar lokono ine. Ari oklou aling aling tiklingen Pol orwo Sailas urok pelengon e tiwade kap Ida Tapolngon ila pelengon ma tile omur urok pelengon lokono koke aurou.

Hibru 2:2

Oglou Ida Tapolngon kar pelengon kene ka karanga segesege kovok ke ila ensel e ila ensel tikare ke Moses deka Moses sogoe ma osep Israel ina tididie. E langka tididie kovok deka Ida Tapolngon ules isak ine.

Jems 2:8

E Ida Tapolngon ka vri mgo ke ite wai ila pelengon dagar langane. “Umu lana umu ke supmu langka lana umu ke umu kenmu kenmu.” Langka umodue langane umodue elio itau.

1 Pita 1:10

Oglou osep napaprangan ina tiwai ke Ida Tapolngon ila luangan ka ma me ke umu. Tinana dagar ke Ida Tapolngon ila pelengon ma tikaranga tile omur ke batne ke elio ka Ida Tapolngon ma lua osep ka aitno lisak dagar ke iye.

1 Jon 5:10

Langka gute gesa aitno dagar ke Ida Tapolngon Otno Arang deka Ida Tapolngon ila pelengon dong ke aitno. E langka gute aitno dagar ke Ida Tapolngon ila pelengon kovok ane langka iye sir Ida Tapolngon gute yakngan ina. Kesua aitno dagar ke pelengon ka Ida Tapolngon wai ine ka la ke Otno Arang kovok.

3 Jon 1:6

Osep tonari tipalongo sios ane ke elio ka wom lana wom ke isak. E oku ane ngawaiki omlua isak ma isak kla ke urok langan blang. Omlua isak ke wan bitna bitna ka Ida Tapolngon aitno itau ine.

Pelengon kukwopngon 2:28

E silang blang ma ngakar iye gigimo marupo langka nisngen ke elio ka iye mole elio soulu.

Pelengon kukwopngon 22:16

“Ngong Yesus e ngapagei lou ensel ke wom ma ampalongo pelengon ane ke sios ke armok kene kene. Ngong tona gute Devit ila napakngan gesa e silang blang ngong langka gigimo marupo.”