2 Pita 1:17 - Aria New Testament

¹⁷ E imodong kap iye e imeklingen Ida Tapolngon ka Pmada ila pelengon alo ka iye kakai Yesus angaine tito la egim. Alo ari imeklingen Ida Tapolngon ka dong egim lokono wai langane. “Gute ane Erigu Arang ka ngong lana ngong omba ke iye e aitno lungong itau lokono ke iye.”

2 Pita 1:17 ပူးပေါင်းရင်းမြစ်များ

Matyu 12:18

“Umavati. Ngarere gute ane ma iye boko ke ngong. Ngong lana ngong ke iye e aitno lungong itau ke wan ka iye due. Ma ngakar iye Anngong e iye napapra osep ka pula keniye ke elio ka ma ngadue elio itau ke isak.

Matyu 17:3

Deka Moses e Elaija tipolou e osep disaipel tivati isak tiwai kap Yesus.

Matyu 17:5

Alo ka Pita dau wai gaup ka okou lokono kading oklou e kreine me ke gaup ka wai langane. “Gute ane Erigu Arang ka ngong lana ngong ke iye omba e aitno lungong itau lokono ke iye. Umoklingen ila pelengon.”

Matyu 28:19

Deka umala ke omur ka pula keniye ke taklak e umodue osep tipolou lou disaipel e umapaunim isak ke Upu Tapolngon ka Pmomu angaine e Upu Tapolngon Otno Arang angaine e Ano Itau angaine.

Matyu 3:17

E osep tiklingen kreine kene wai ke omur heven langane. “Gute ane Erigu Arang ka ngong lana ngong ke iye e aitno lungong itau lokono ke iye.”

Mak 1:11

E iye klingen Ida Tapolngon wai ke omur heven langane. “Wom Erigu Arang lokono ka ngong lana ngong ke wom omba. Aitno lungong itau lokono ke wom.”

Mak 9:7

Pita wai pelengon tonari yagos deka gaup polou e kading isak. Deka tiklingen kreine polou ke gaup tonari ka wai langane. “Gute ane Erigu Arang ka ngong lana ngong omba ke iye. Talapmu klingen ila pelengon.”

Luk 10:22

Yesus wai itau yagos deka iye wai ke osep langane. “Livou kar wan keniye ke ngong kodong. Livou kene vala ile ngong ka Otno Arang e gute kene ile Livou kovok. E Otno Arang e osep ka iye nis isak ke Timla vala tile Livou.”

Luk 3:22

E Ano Itau langka belis duru dong ke Yesus e kreine wai ke omur heven langane. “Wom erigu arang ka ngong lana ngong ke wom e aitno lungong itau lokono ke wom.”

Jon 10:15

Ane eriar langka Livou ile ngong e ngaile Livou. E ngapli tarna lungong e ngamete ma ngaplau lou sipsip itau.

Jon 10:36

Langka iye wai ke isak langane lange ke ngong ka Ida Tapolngon rere ngong e pagei ngong ngame ke taklak? Ina lange umawai ngawai soulu ke Ida Tapolngon alo ka ngasir ngong Ida Tapolngon Otno Arang?

Jon 14:11

Aitno lumu dagar ke pelengon ane. Ngadong kap Livou e iye dong kap ngong. E langka aitno lumu dagar ke lou pelengon ane kovok io aitno lumu dagar ke elio bitna bitna ka ngadue.”

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 17:21

Ma aitno lisak tidong kene pulu eriar langka wom Livou omdong kap ngong e ngadong kap wom. Ma aitno lisak tidong kene pulu batne ke ite e ma osep taklak ina tile omur ampagei ngong ngame.

Jon 20:17

E Yesus wai ke iye blang langane. “Emkis ngong dagar kovok kesua ngatito ke Livou dau kovok. E amla e amwai ke sipmi ngawai langane. ‘Ma ngatito ke Livou e Pmomu blang. E iye Tapolngon ka ngalotuim iye e iye Tapolngon ka umolotuim iye blang.’”

Jon 3:35

Ida Tapolngon ka Pmada lana iye ke Otno Arang e kar wan ka pula keniye ke limla ma iye plaue.

Jon 5:20

Kesua Livou lana iye ke ngong ka Otno Arang e nis ngong ke wan ka pula keniye ka iye due. E ma umedigrik kesua iye ma nis ngong ke wan ka mole elio ane.

Jon 5:26

Eriar langka Livou iye mosongon oku batne iye kar ngong ka Otno Arang arit ma ngong blang ngong mosongon oku batne.

Jon 6:27

Umoboko ma umodue ngangon ka karanga polou okus kovok. E umoboko ma umodue ngangon ka dong vala dong ka ngong ka Gute Ka Polou Langka Osep ma ngakare ke umu. Kesua Ida Tapolngon ka Pmada nis osep aitno itau ke ngong.”

Jon 6:37

Osep ka pula keniye ka Livou kar isak ke ngong io ma time ke ngong e ma ngasapir isak kovok.

Jon 6:39

E gute ka pagei ngong ngame aitno langane. Ma gute kene ke osep ka iye kar isak ke ngong iye imina kovok. E ke oklou ka Ida Tapolngon wade osep ka pula keniye urok elio ine ma ngadue osep ka iye kar isak ke ngong titito e tidong blang.

Pas ka Pol sogoe uti la ke osep Rom ina 15:6

Deka umu ka pula keniye ma umakakai Ida Tapolngon ka Ida Puda Yesus Krais timla angaine tito la egim.

2 Korin 1:3

Ma itakakai Ida Tapolngon ka Ida Puda Yesus Krais Timla angaine tito la egim. Iye Pmada ka batne ke elio ka aitno due osep e Ida Tapolngon ka due aitno lite epen ke elio ka opru ite.

2 Korin 11:31

Ngawai lokono e Ida Tapolngon ile ngawai pelengon yakngan kovok. Ma itakakai Ida Tapolngon ka Ida Puda Yesus Timla angaine tito la egim dong vala dong.

Hibru 1:3

E Otno Arang nis ite ke Ida Tapolngon ila elio ka itau lokono e iye eriar langka Ida Tapolngon. E ila arit due wan ka pula keniye tiboko itau e tidong itau. Iye duru ke taklak e mete kodong deka ina marau kli osep urok elio epmes ina. Iye due langane yagos deka iye bauluk tito ke omur heven e dong ke Ida Tapolngon ka ila arit ombatno lokono limla odung.

2 Jon 1:3

Ida Tapolngon ila makaingan e ila elio ka aitno due ite e ila elio ka due aitno lite epen dong kap ite. Elio tonari me ke Ida Tapolngon ka Pmada e ke Otno Arang Yesus Krais. Elio tonari batne ke pelengon lokono e ke ila elio ka due ite lana ite ke osep leklou.

Pas ka Jut sogoe 1:1

Ngong Jut e ngong Yesus Krais ila wokboi nating e ngong Jems ina aiver. Ngasogo pas ane uti ke umu ka Ida Tapolngon rere umu ila osep umu. Ngaile Ida Tapolngon ka Pmada lana iye ke umu e Yesus Krais plau umu itau.