2 Pita 1:16 - Aria New Testament

¹⁶ Alo ka imawai ke umu ke Ida Puda Yesus Krais ila arit e elio ka mase iye ma iding me imedidi basikngen adai koke alemge kovok. Aurou. Imavati ila elio ka itau lokono e ila arit.

2 Pita 1:16 ပူးပေါင်းရင်းမြစ်များ

Matyu 16:27

Kesua Gute Ka Polou Langka Osep ma me ke Timla ila bublongon kap ila ensel. E alo ari ma iye kar klingen ke elio bitna bitna ka osep tidue.

Matyu 16:28

Ngawai lokono ke umu langane. Umu leklou ma dau umodong alo ka Gute Ka Polou Langka Osep ma me ke omur ka iye plaue.”

Matyu 17:1

Mase oklou epmes lumakene mela yagos deka Yesus kap Pita e Jems e ina aiver Jon isak vala titito ke gigri ka apna dong egim.

Matyu 24:27

Kesua Gute Ka Polou Langka Osep ma iding me langane. Iye polou langka aragu egle ka polou ke omur ka oklou tito ine ke sirva e la ke omur ka oklou duru ine ke sirva.

Matyu 24:3

Mase alo ka Yesus dong ke gigri Oliv ila disaipel time ke iye e tiwai ke iye vala langane. “Ampalongo limem lesen ma wan ka amwai ine polou. E nisngen sua nis osep ke alo ka ma emiding omo e nis osep ke taklak ane ina yagosngon.”

Matyu 28:18

E Yesus polou olwo boto ke isak e wai ke isak langane. “Ida Tapolngon kar arit ka pula keniye ke ngong ma ngaplau wan ka omur heven ina e wan ka taklak ina blang.

Mak 13:26

Deka ma osep tivati ngong ka Gute Ka Polou Langka Osep ngaduru ke gaup kap lou arit e lou bublongon ka isak ombatno lokono.

Mak 14:62

Deka Yesus koli wai langane. “Iye ngong tona aneo. Mase ma umavati ngong ka Gute Ka Polou Langka Osep ngadong ke Ida Tapolngon limla odung. Ma umavati ngong ngame ke gaup ka mana ke sirva.”

Luk 1:2

Eriar langka osep ka tidong oglou lila me tivati wan ka tipolou e tinapapra omon itau deka tiwai ke imi ine blang.

Luk 9:43

E osep ka pula keniye are tidigrik ke elio ka Yesus due. Kesua elio tonari nis isak ke Ida Tapolngon ila arit ka ombatno. Alo ka osep dau tidigrik ke wan ka iye due Yesus wai ke ila disaipel langane.

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 17:2

Kesua amkar arit ke ngong ma ngaplau osep ka pula keniye ma ngakaranga ngakar mosongon ka dong vala dong ke osep ka amkar isak ke ngong.

Pas ka Pol sogoe uti la ke osep Rom ina 1:4

Mase iye me dong kap itosep. Alo ka iye dong kap ite Ano Itau dong ke aitno. Iye dong la lama iye mete deka osep tiyas iye ke ina denga e iye munu ine. Mase Ida Tapolngon didi ila arit e due poga tito e dong blang. Ila baulukngon nis itosep Ida Puda Yesus Krais iye tona Ida Tapolngon Otno Arang lokono.

1 Korin 1:17

Krais pagei ngong ma ngapaunim osep kovok. Aurou. Iye pagei ngong ke osep ma nganapapra Ida Tapolngon ila omon itau ke isak. E ngadidi ilengen ke taklak ina deka nganapapra ine kovok lama osep aitno lisak mter ke Krais ina metengen ke ina akai kovok.

1 Korin 1:23

E imanapapra pelengon kene ka la ke Krais ina metengen ke ina akai. Deka pelengon ka imanapapra ine due osep Yuda ina aitno lisak soulu e due osep Grik ina ma tiwai pelengon tonari pelengon adai vala.

1 Korin 1:7

­Deka Ida Tapolngon Ano Itau lua umu ke Ida Tapolngon ila kerengen keniye ka iye lua ila osep ine. E kerengen gesa dong kovok ka iye lua umu ine dau kovok. Umodong itau e umapara ke alo ka Ida Puda Yesus Krais ma polou ke omtomu.

1 Korin 2:1

Sipmi. Oglou alo ka nga-napapra Ida Tapolngon ila pelengon ka oglou osep tile ine kovok ke umu nganapapra pelengon bitna bitna ke umu kovok. E silang nganapapra pelengon omba ka osep ka tile omur ke ilengen ka taklak ina tidue kovok. Aurou.

1 Korin 2:4

E pelengon ka ngawai ine e nganapapra ine ke umu didi osep taklak ina urok ilengen kovok. E ngong langka ma ngapalele aitno lumu kovok. Aurou. Lou elio nis umu ke Ano Itau ila arit.

2 Korin 2:17

Osep pula leklou tiboko langka Ida Tapolngon ila pelengon iye wan ka tidue burong ine. E imi langka isak kovok. Aurou. Ida Tapolngon rere imi ila osep bokongon ina e imawai pelengon lokono ke Krais angaine e imawai ke Ida Tapolngon bitna.

2 Korin 4:2

Imopul dogur ke elio bitna bitna ka osep tikukwop isak kesua batne isak mnak isak ine alo ka tidue. Imedidi elio ka yakngan kovok e imobuli wan sasi kap Ida Tapolngon ila pelengon kovok. Aurou. Imanapapra pelengon ka lokono malak ma osep tikaranga tiwade limem elio e tikaranga tile omur ke limem mosongon ke Ida Tapolngon bitna.

Efesus 4:14

Deka ite ka aitno lite dagar langane ma itodong langka agau sondia ka aitno lisak ila dagar dau polou dagar kovok? Aurou. E langka osep soulu bitna tiwaiki urok pelengon yakngan pagolgol aitno lite ma itedidie ma urok pelengon bure vala. Ma aitno lite segesege ke pelengon yakngan langka sip ka misuon ina boitini bakulkule kovok. Ma aitno lite dong dagar vala.

Filipai 3:21

Alo ari iye ma due pampamu lite ka tikaranga timete tilumus tipolou itau lokono langka pampamu ine ka itau lokono. Iye karanga due langane kesua iye didi ila arit ka iye karanga plau wan ka pula keniye ine.

1 Tesalonaika 2:19

E itapara ke alo ka Ida Puda Yesus bauluk me. Alo ka iye bauluk me ma umodue imi ma imapara ke wan itau e imodue sandir ke iye. Umu vala langka limem nisngen ka imodue ila bokongon itau.

2 Tesalonaika 2:9

Ida Tapolngon ina oul kene ina ma polou malak e Satan ma lua iye ke ila arit. E ke Satan ila arit iye due elio arit ina bitna bitna ka yakngan ina e ma iye yak osep pula ine.

1 Timoti 1:4

Ma tisongon elio ka tibasik ke osep ngongle urok pelengon bitna bitna. E tisongon elio ka tibasik ke urok seia angainsak. Pelengon langane ma pagolgol osep aitno lisak vala e due isak ma tituk orsak pulu ine. Ma elio tonari karanga lua isak ma aitno lisak dagar ke Ida Tapolngon e ma tile iye kovok.

1 Timoti 4:7

Deka ma ompul dogur ke basikngen adai bitna bitna ka osep leklou tibasik ine ka didi Ida Tapolngon ila pelengon kovok. Ma amnana dagar ma emdidi Ida Tapolngon ila elio vala.

Taitus 1:14

E tiklingen osep Yuda ina urok alemge bitna bitna kovok. E silang blang tiklingen pelengon dagar ke osep ka tipli Ida Tapolngon ila pelengon kovok.

2 Pita 2:3

Osep parerengen yakngan ina tiwaiki tidue mani pula e tiwai basikngen adai ma tidue lumu mani ine. E ke oglou lila me Ida Tapolngon dong para e isuk boto ma iye wade isak e due agegeng ke isak.

1 Jon 4:14

Itavati elio pula ka Pmada due kodong. Iye pagei Otno Arang me ke taklak ma iye lua osep ke urok elio epmes ina. E itapalongo osep ine.

Pas ka Jut sogoe 1:14

Oglou gute Enok ka Adam ila napakngan lumorwo ina dong e iye napapra ke osep ke wan tonari langane. “Umoklingen. Ngavati Ida Puda me kap ila ensel ka pula pula lokono.

Pelengon kukwopngon 1:7

E umoklingen. Yesus dong airavu ke gaup e iye me e osep ka pula keniye ma tivati iye. E osep ka timter iye isak blang ma tivati iye. Deka osep ka pula keniye ka tidong ke taklak ma tikngis omba ine. Elio ane ma polou suong. Lokono.