2 Pita 1:10 - Aria New Testament

¹⁰ Sipmi. Ida Tapolngon gi umu e rere umu ila osep kodong. Deka umu arit umu ma umodue elio isuk isuk ka itau ma umeile omur Ida Tapolngon rere umu ila osep umu. Langka umodue langane ma umopul dogur ke iye kovok.

2 Pita 1:10 ပူးပေါင်းရင်းမြစ်များ

Matyu 22:14

E Yesus wai blang langane. “Ida Tapolngon gi ke osep pula ma tisep ke omur ka iye plaue e dau iye rere osep awal boto vala ma tisep ke omur tonari.”

Pas ka Pol sogoe uti la ke osep Rom ina 11:29

Langka Ida Tapolngon rere isak ila osep e kar kerengen ke isak ma iye palele aitno kovok. Kesua ila pelengon karanga segesege kovok.

2 Timoti 2:19

E Ida Tapolngon ila pelengon dong langka kadanga ka due ninu dong dagar. E sogongon dong ke kadanga tonari ka langane. “Ida Puda ile itau ke osep ka tidong ke ila osua.” E sogongon silang langane. “Osep ka isak Ida Puda ila osep ma tipul dogur ke elio epmes ina.”

Hibru 6:11

Imawaiki umu kenmu kenmu umodue elio itau langane. Imawaiki umodue Ida Tapolngon ila bokongon itau e umapara ke wan ka itau ka mase ma polou.

Hibru 6:19

Elio ka itodong itapara ke wan itau ka Ida Tapolngon wai ine lua aitno lite ma aitno lite ila dagar dong langka anka omba ka lua sip lama boitini bakule. Deka aitno lite ila dagar ma dong dagar vala e itala itesep ke eliang daudeng ka dong batne ke molo ka botom lokono.

Jems 2:10

Kesua langka gute gesa didi Ida Tapolngon ila pelengon dagar pula e dau dar pelengon dagar kene ane langka iye dar pelengon dagar keniye.

1 Pita 1:2

Oglou ari Ida Tapolngon ka Pmada ile umu kodong e rere umu ila osep e Ano Itau lua umu ma umodong itau lokono ke Ida Tapolngon bitna. Iye due langane ma umeini Yesus Krais ka ina marau baser e kli lumu elio epmes ina. Ngawaiki Ida Tapolngon ila makaingan e elio ka iye due aitno lumu dong epen bon ke aitno lumu.

1 Pita 1:5

Aitno lumu dagar ke Ida Tapolngon deka iye plau umu ke ila arit. Iye waiki lua ite e elio ane ma polou malak alo ka Krais iding me.

2 Pita 1:3

Yesus iye Ida Tapolngon blang e iye didi ila arit e kar ite wan pula ka lua ite ma udo mosongon dong itau e itodue elio bitna bitna ka itau. Iye lua ite ma iteile itau ke iye ka gi ite ma itodong kap iye ke ila bublongon e ila elio ka itau lokono.

2 Pita 1:5

Ida Tapolngon lua umu itau deka aitno lumu mter omba ine. Aitno lumu ila dagar la ke Ida Tapolngon kodong deka umodue elio isuk isuk ka itau vala. Umodue elio langane deka umu arit umu ma umodue ilengen itau ka la ke Ida Tapolngon.

2 Pita 3:14

Sipmi. Ngong lana ngong ke umu e ngawai langane. Umapara ke alo ka wan tonari polou deka umu arit umu ma umodue elio itau vala ma umodong itau ke Ida Tapolngon bitna. E aitno lumu dong epen kap iye.

2 Pita 3:17

Sipmi. Ngong lana ngong ke umu e ngawai langane. Umeile elio tonari kodong deka umaplau umu itau lama umedidi osep ka tidar Ida Tapolngon ila pelengon e tipagolgol aitno lumu ke urok pelengon yakngan. E lama umodong dagar ke aitno lumu ila dagar kovok.

Pas ka Jut sogoe 1:24

Ida Tapolngon karanga plau umu itau e lua umu ma umegene ke elio epmes ina kovok. E iye karanga due umu umala ke ila omur ka itau itau lokono e elio gesa vri ke umu kovok. Deka aitno lumu neser omba.

Pelengon kukwopngon 22:14

Osep ka tigrong urok molo ka alang ma aitno lisak itau itau. Kesua tikaranga tidue wan otna ke akai ka mosongon ina e ma tikaranga tisep ke armok ke ina ekreng bitna.