2 Pita 1:1 - Aria New Testament

¹ Ngong Saimon Pita ngong Yesus Krais ila wokboi nating e ila aposel gesa. Iye Ida Tapolngon e Ida Luangan blang. Iye due elio itau e osuk e kar ila elio tonari ke ite ma aitno lite la dagar ine. Ngasogo pas ane uti ke umu ka aitno lumu ila dagar eriar langka aitno limi ila dagar.

2 Pita 1:1 ပူးပေါင်းရင်းမြစ်များ

Matyu 10:2

Ila aposel songotno orwo angainsak langane. Aposel kene ina angaine Saimon ka angaine silang Pita. E ina tovro Andru iye aposel blang. E Jems e Jon ka isak gute Sebedi titno arang.

Matyu 4:18

Oklou kene iye lila ke elim Galili ina dingen batne. E iye vati osep orwo Saimon ka angaine silang Pita e ina tovro Andru. Tiuri omdu lodu ina ke misuon kesua urok bokongon tikngo lodu.

Luk 1:47

E anngong neser ke Ida Tapolngon ka Ngau Luangan.

Luk 11:49

Oglou Ida Tapolngon ka ila ilengen ombatno wai langane. ‘Ma ngapagei osep napaprangan ina e osep aposel ina ke osep. Ma osep tidue burwa ke isak leklou e ma tidue agegeng ke isak leklou silang.’

Jon 1:42

E iye paur Saimon la ke Yesus e Yesus vati iye deka wai ke iye langane. “Wom Saimon e abo angaine Jon. Ma osep tisir wom Sifas.” E angaine Sifas eriar langka angaine Pita e lana ine opmu.

Jon 12:26

Langka gute due lou bokongon ma iye didi ngong. E lou gute bokongon ina ma dong ke omur ka ngadong ine. Langka gute due lou bokongon ma Livou due anit ke iye.”

Jon 20:21

Deka Yesus wai ke isak blang langane. “Aitno lumu dong epen. Eriar langka Livou pagei ngong ngame ngapagei umu umala.”

Aposel 15:14

Saimon wai ke ite ine kodong. Iye wai ke elio ka Ida Tapolngon aitno kro mgongen ke osep ka isak osep Yuda ina kovok deka iye rere isak leklou ma isak ila osep.

Pas ka Pol sogoe uti la ke osep Rom ina 1:1

Ngong Pol ka Yesus Krais ila gute bokongon ina gesa ngasogo pas ane. Oglou Ida Tapolngon rere ngong ila aposel gesa. Iye rere ngong ma ngapaur ila omon itau ke osep pula.

Pas ka Pol sogoe uti la ke osep Rom ina 1:12

E lumu elio ka aitno lumu la dagar ke Ida Tapolngon e lou elio ka aitno lungong la dagar ke Ida Tapolngon ma lua ite pulu ma due aitno lite dagar lokono.

Pas ka Pol sogoe uti la ke osep Rom ina 1:17

Ida Tapolngon ila omon itau nis ite ke elio ka Ida Tapolngon due ite itopolou itau e osuk ke bitna. Eriar langka aitno lite dagar ine ma Ida Tapolngon sir ite ila osep itau lokono. Deka udo mosongon ka itau lokono dong vala dong. Oglou osep napaprangan ina tisogo Ida Tapolngon ila pelengon langane. “Osep seisei ka aitno lisak dagar ke Ida Tapolngon ma iye lua isak ma tipolou itau e osuk ke bitna.”

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

1 Korin 15:9

E osep aposel leklou timole ngong. Kesua oglou ngadue agegeng ke Ida Tapolngon ila osep. Deka osep tikaranga tisir ngong aposel kovok.

1 Korin 9:1

Lange? Wan gesa dong ka plau ngong? Ngong aposel koke aurou? Koke lange? Ngavati Ida Puda Yesus koke aurou? Ngadue Ida Puda ila bokongon e umopolou osep Kristen ke lou bokongon koke aurou?

2 Korin 4:13

Oglou gute napaprangan ina sogo Ida Tapolngon ila pelengon ka wai langane. “Aitno lungong dagar ke Ida Tapolngon ila pelengon e ke batne langane nganapapra ine.” E imi blang aitno limi dagar ke Yesus deka imanapapra ine.

2 Korin 5:21

Alo ka Krais dong ke taklak iye due elio epmes ina kovok. E Ida Tapolngon waiki lua osep deka iye due udo elio epmes ina ina klingen munu pes Krais e iye kasip amunte. Iye due langane ma itakaranga itodong itau e osuk ke bitna batne ke Krais.

Galesia 2:8

Ida Tapolngon kar arit ke Pita ma iye boko langka gute aposel airavu ke osep Yuda ina e iye kar arit ke ngong blang ma ngaboko langka gute aposel airavu ke osep ka isak osep Yuda ina kovok.

Efesus 3:5

Oglou Ida Tapolngon palongo osep ke pelengon lokono tonari kovok. E osep dau tile ine kovok. E alo ane Ida Tapolngon Ano Itau due ila aposel e osep napaprangan ina ka iye rere isak e palongo urok ine.

Efesus 4:11

Krais tona lua osep ke ila kerengen. Iye rere osep leklou ma isak osep aposel. E iye rere osep leklou ma isak osep napaprangan ina. E iye rere osep leklou ma tinapapra Ida Tapolngon ila omon itau ke omur omur. E iye rere osep leklou ma tiplau Yesus ila osep e ma tiparere isak ke ila pelengon.

Efesus 4:5

E Ida Puda iye kene vala. E pelengon kene vala dong ka aitno lite ila dagar dong dagar ine. Deka itodue elio paunimngen ina kesua batne ke gute kene vala.

Filipai 1:1

Ngong Pol imorwo Timoti imi Krais Yesus ila osep bokongon ina. E imosogo pas ane uti la ke umu ka Krais Yesus ila osep ka umodong ke armok Filipai kap osep plaungan ina e osep luangan ina ka tilua Ida Tapolngon ila osep.

Filipai 1:29

Ida Tapolngon due elio itau ke umu kodong e aitno lumu la dagar ine. E silang blang Ida Tapolngon songon umu ma umanamani elio ka opru umu batne ke Krais.

Filipai 3:9

Ngadong kap Krais e ngadong itau e osuk ke Ida Tapolngon bitna batne ke elio ka ngadidi Moses ila sogongon kovok. Aurou. Eknikane ngadong itau e osuk batne aitno lungong la dagar ke Krais. Elio ka Ida Tapolngon due ngong ngadong itau ke bitna batne aitno lungong la dagar ke Krais.

2 Timoti 1:5

Ngaile omur aitno lugom dagar ke Yesus e aitno lugom orwo ine kovok. Aitno lugom dagar ke Yesus eriar langka lem apa Lois e aiya Yunis.

Taitus 1:1

Ngong Pol ngong Ida Tapol-ngon ila gute bokongon ina gesa e ngong Yesus Krais ila aposel gesa. Iye rere ngong e pagei ngong ngala ngadue osep ka Ida Tapolngon rere isak ila osep ma aitno lisak ila dagar dong dagar. Deka ngadue isak ma tile omur ke pelengon lokono e aitno lisak la dagar ine e tididi Ida Tapolngon ila elio itau.

Taitus 1:4

E Taitus ngasogo pas ane uti ke wom. Aitno lite ila dagar eriar e ompolou langka erigu gesa. Nga-waiki Ida Tapolngon ka Pmada kap Ida Luangan Krais Yesus timakai wom e tidue aitno lugom dong epen.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.

Jems 1:1

Ngong Jems ngong Ida Tapol-ngon e Ida Puda Yesus Krais urok gute bokongon ina. Ngasogo pas ane uti ke umu ka umodong ke osua songotno orwo ke osep Israel ina. Umu ka umadardar e umodong ke omur pula. Ngawai “oklou itau” ke umu.

1 Pita 1:1

Ngong Pita ngong Yesus Krais ila aposel gesa. Ngasogo pas ane uti ke umu ka Ida Tapolngon ila osep ka umodong umadardar langka osep kaulei ke provins Pontus e provins Galesia e provins Kapadosia e provins Esia e provins Bitinia.

1 Pita 1:7

Tokngon bitna bitna tonari polou ke umu ma tok aitno lumu ila dagar langka iye wan lokono koke aurou. Iteile gol karanga polou yagos e dau langka osep tiwaiki tile gol tonari gol lokono tidue eiou ngene ma tile langka wan sasi dong ine koke aurou. E aitno lite ila dagar mole gol lokono deka tokngon tonari tok aitno lumu ila dagar. Deka ke oklou ka Yesus Krais iding me Ida Tapolngon ma kakai angainmu e due anit ke umu.

1 Pita 2:7

Deka umu ka aitno lumu dagar ke Krais umeile omur iye opmu ka itau lokono. Ida Tapolngon ila pelengon wai blang langane. “Osep ka osep ka tiuri ninu ninu tipli opmu are. E dau opmu are opmu mgongon ina ka due opmu leklou ka tiuri ninu ine tinepir pulu.”

1 Pita 5:1

Ngawai ke umu ka sios ina plaungan. Ngong blang gute plaungan ina e ngavati osep tidue agegeng ke Krais. E mase alo ka Krais me ma ngadong kap iye ke ila bublongon. Deka ngawai ke umu dagar langane.

2 Pita 1:4

Iye due langane deka kar ila kerengen ka omba lokono e ka ina klingen ombatno ka iye wai promis ine kodong ke ite. Iye kar ila kerengen ke ite ma itokos ke elio soulu bitna bitna ka taklak ane ina ka waiki pagolgol aitno lite. E ma itodong kap iye e itodong itau lokono langka iye dong itau lokono.

Pas ka Jut sogoe 1:1

Ngong Jut e ngong Yesus Krais ila wokboi nating e ngong Jems ina aiver. Ngasogo pas ane uti ke umu ka Ida Tapolngon rere umu ila osep umu. Ngaile Ida Tapolngon ka Pmada lana iye ke umu e Yesus Krais plau umu itau.