2 Korin 9:2 - Aria New Testament

² Ngaile umawaiki umolua osep e ngakakai angainmu ine. Ngawai ke osep Masedonia ina ine langane. Ke tobor kene la kodong osep Akaia ina tidong redi ma tilua osep. E lumu elio sruk osep Masedonia ina aitno lisak ma tiwaiki tikana lumu elio.

2 Korin 9:2 ပူးပေါင်းရင်းမြစ်များ

Aposel 18:12

Mase alo ka gute Galio vri mgo ke provins Akaia ke omur Grik osep Yuda ina aitno lisak kene pulu e soulu ke Pol. Deka tikis iye dagar e tidadai iye la polou ke Galio bitna ma tikotim iye.

Aposel 24:17

“Oglou ngadong ke omur silang tobor pula deka mase ngabauluk ngame ke omur ane blang. Kesua ngawaiki ma nga-kalke mani gesa ma ngakare ke osep Yuda ina ka urok wan isuk boto vala. Silang blang ngawaiki ma ngadue elio opmu ina ke Ida Tapolngon.

Pas ka Pol sogoe uti la ke osep Rom ina 15:26

Kesua osep ka Ida Tapolngon ila osep ka tidong ke provins Masedonia e ke provins Akaia tituktuk urok mani ma tilua Ida Tapolngon ila osep ke omur are. E ma tivai mani tonari la ke Jerusalem ma tilua Ida Tapolngon ila osep ka urok wan isuk boto vala ine.

1 Korin 16:15

Sipmi. Umeile gute Stefanas e ila osua. Tipolou osep Kristen mgo ke osep ka tidong ke provins Akaia. Ke aitno lisak tidue boko-ngon ka lua Ida Tapolngon ila osep.

2 Korin 1:1

Ngong Pol ngong Krais Yesus ila aposel gesa. Ida Tapolngon didi aitno e rere ngong aposel. Ngong imorwo udo aten Timoti imosogo pas ane uti ke umu ka pula keniye ka umodong ke Ida Tapolngon ila sios ke Korin kap Ida Tapolngon ila osep ke armok keniye ke provins Akaia.

2 Korin 7:14

Ke oglou ngawai ke Taitus ke lumu elio itau e ngakakai angainmu ine. Deka ngong mnak ngong ke lou pelengon kovok. Pelengon ka imawai ke lumu elio iye pelengon lokono e oku ane Taitus vati umu e ile limem pelengon ka imawai ka kakai angainmu iye pelengon lokono.

2 Korin 7:4

Ngaile ngakaranga ngawai malak e osuk ke umu. Umodue aitno lungong itau. Aitno lungong dong epen batne ke umu. Agegeng bitna bitna tipolou ke imi e dau aitno lungong neser omba.

2 Korin 8:10

Aitno lungong langane ke mani tonari. Tobor kene la kodong umonogrum ke bokongon ka umogom mani deka oku ane are itau ma umababrum bokongon ane. Umomgo ke osep ka tiwaiki tituktuk urok mani.

2 Korin 8:11

Deka eknikane are itau langka umababrum bokongon ka oglou umawaiki umodue. Ngawaiki umotuktuk lumu mani iding ke wan ka umakaranga ine.

2 Korin 8:19

E silang blang sios tonari tirere iye ma iye la kap imi e lua imi alo ka imogom mani e imakalke la ke Jerusalem. Imodue bokongon tonari ma osep tikakai Ida Puda angaine tito la egim e silang blang ma imenis osep imawaiki imolua isak.

2 Korin 8:24

Deka ngawaiki umenis sios pula ke elio ka umu lana umu ke Taitus e ke osep ka tidong kap iye. E ngawaiki osep Kristen tile imapakaru umu ke lumu elio itau adai kovok.

2 Korin 8:8

Ngawaiki ngawai pelengon dagar ke umu langka ngaplau umu kovok. Ngawaiki ngapalongo lumu ke osep Masedonia ina urok elio itau ka tikar urok mani ke osep Judia ina. Ma umakana urok elio. Ke elio langane ma umenis osep langka elio ka umu lana umu ke osep iye wan lokono.

1 Tesalonaika 1:7

E umenis elio itau ke osep ka pula keniye ka aitno lisak dagar ke Krais ke provins Masedonia e provins Akaia ma tikana lumu elio.

Hibru 10:24

E ma aitno lite mter ke elio ka ma itakaranga itosruk aitno lite ma ite lana ite pulu e itodue elio itau pulu.