2 Korin 9:15 - Aria New Testament

¹⁵ Ida Tapolngon ila makaingan ke ite itau lokono e udo pelengon karanga wai ine kovok. Ma itawai tenkyu ke Ida Tapolngon e itakakai angaine tito la egim ine.

2 Korin 9:15 ပူးပေါင်းရင်းမြစ်များ

Luk 2:14

“Itodue anit ke Ida Tapolngon ka dong egim lokono e itakakai angaine. E osep ka Ida Tapolngon aitno itau ke isak ke taklak ma aitno lisak epen.”

Luk 2:38

Ke alo ari iye polou ke isak e wai itau ke Ida Tapolngon ke mimi. E wai ke isak ma mimi tonari lua osep Jerusalem ina ka tipara ke alo ka Ida Tapolngon lua isak ke urok elio epmes ina.

Jon 1:16

Makaingan pula lokono dong ke iye e aling aling iye due elio itau lokono ke ite ka pula keniye.

Jon 3:16

“Ida Tapolngon lana iye ke osep ka pula keniye ka tidong ke taklak deka iye pagei Otno Arang ka kene vala ke osep. Ma osep seisei ka aitno lisak la dagar ke iye timete kovok. Aurou. Ma tidue urok mosongon ka dong vala dong.

Pas ka Pol sogoe uti la ke osep Rom ina 5:15

E Adam ka mgo ke ite e gute ka mase dau tauni me polou ke ite urok elio la pulu kovok. Kesua oglou Adam due elio epmes ina. Deka osep ka pula keniye ka tipolou batne ke iye timete batne ke elio epmes ina tonari ka iye due. E gute Yesus due elio epmes ina gesa langka oglou Adam due kovok. Aurou. Yesus me polou ke ite e lua ite vala e dong itau vala. Deka Ida Tapolngon due ila makaingan polou ke osep ka pula keniye e lua isak ke urok elio epmes ina. Iye lua osep langane batne ke gute kene Yesus Krais vala.

Pas ka Pol sogoe uti la ke osep Rom ina 6:23

E osep ka tidue elio epmes ina bitna bitna ma timete ine. Kesua elio epmes ina ina klingen metengen. E ite ka Ida Tapolngon klok udo elio epmes ina kodong iye kar ite mosongon ka itau ka dong vala dong. Iye lua ite batne ke Ida Puda Yesus Krais dong e itokoli batne la ine kovok.

Pas ka Pol sogoe uti la ke osep Rom ina 8:32

Oglou Ida Tapolngon dangdang Otno Arang Yesus ke itosep kovok. Aurou. Iye pagei Yesus me polou ke ite ma iye kere itosep ka pula keniye ke elio itau lokono. E aitno lumu lange? Ida Tapolngon lua ite ke Yesus kodong deka mase ma iye songon ite? Ma iye lua ite kovok? Aurou. Ma iye lua ite itau lokono vala. Ila luangan dong vala dong ke ite.

1 Korin 15:57

E Ida Tapolngon lua ite ma itomole metengen kesua batne ke Ida Puda Yesus Krais ila arit dong ke ite. Deka itakakai Ida Tapolngon angaine tito la egim ine.

2 Korin 2:14

E eknikane ngakakai Ida Tapolngon angaine tito la egim. Kesua aling aling iye mgo ke imi e iye mole wan ka pula keniye e imedidi iye deka imala ke omur omur e imanapapra Krais ila omon itau e osep tiklingen ine e tile ke iye. E pelengon ka osep tiklingen ine langka amnangan itau ka engen ipue la ke omur omur.

2 Korin 9:11

Ida Tapolngon ma due lumu wan bitna bitna tipolou pula ma aling aling umakaranga umotongo wan ke osep leklou. E osep ka tidue lumu mani ka imakare ke isak ma aitno lisak itau ine e tikakai Ida Tapolngon angaine tito la egim ine.

2 Korin 9:14

Deka osep Judia ina ma isak lana isak ke umu omba e tiwai itau ke Ida Tapolngon ke umu. Tidue langane kesua tile Ida Tapolngon makai umu omba.

Efesus 5:20

E aling aling umawai tenkyu ke Ida Tapolngon ka Pmada kesua batne ke wan bitna bitna ka iye lua umu ine. Umawai tenkyu ke Ida Tapolngon kesua batne ke Ida Puda Yesus Krais dong.

Jems 1:17

Wan keniye ka itau e itau lokono duru me ke Pmada ka dong egim ka tapol oklou e taiko e gigimo. Iye dong e segesege kovok langka wan ano segesege alo ka oklou lila ke egim ke sirva.

Pelengon kukwopngon 4:9

Wan tonari ka tidong langka ansak dong lisak tikakai gute ka dong ke ila kova angaine e tidue anit ke iye e tiwai tenkyu ke iye ke wan ka iye due. E aling aling wan apanal tonari ka tidong langka ansak dong lisak tidue langare.