2 Korin 9:13 - Aria New Testament

¹³ E osep pula tivati lumu bokongon itau deka tile umedidi Krais ila omon itau ka umawai ine lokono e tikakai Ida Tapolngon angaine ine. E silang blang tikakai angaine kesua umotuktuk lumu wan pula e umolua isak e osep leklou blang ine.

2 Korin 9:13 ပူးပေါင်းရင်းမြစ်များ

Matyu 5:16

Umobublo langka lam ma osep tikaranga tivati lumu elio itau e tikakai Pmomu ka dong ke omur heven angaine.”

Matyu 9:8

Alo ka osep pula pula tivati elio ka Yesus due tilim ke iye e tikakai Ida Tapolngon angaine kesua iye kar arit langane ke osep.

Luk 6:46

“Umawai ke ngong langane. ‘Puda Puda.’ E dau umedidi lou pelengon kovok.

Jon 15:8

Langka umodue elio itau pula langka galou wain usu otna pula lumu elio langane kakai Livou angaine tito la egim. E ke elio langane umenis osep umu lou disaipel.

Aposel 11:18

Osep ka tiluk Pita tiklingen ila pelengon deka tikoli ila pele-ngon kovok. Aurou. Tikakai Ida Tapolngon angaine tito ine e tiwai langane. “Eknikane Ida Tapolngon due elio itau ke osep ka isak osep Yuda ina kovok e lua isak ma tikaranga tibauluk aitno lisak ke urok elio epmes ina e kar isak mosongon oku ina.”

Aposel 4:21

Pita orwo Jon tiwai yagos deka osep kaunsil ina tiwai pelengon dagar ke isak. Tiwai yagos deka tisongon Pita orwo Jon deka isak kla. Osep kaunsil ina tidue agegeng ke isak kovok kesua tiulou tarna lisak ke osep. Osep pula tile ke elio arit ina ka tidue deka tikakai Ida Tapolngon angaine tito la egim ine.

Pas ka Pol sogoe uti la ke osep Rom ina 10:16

Osep Israel ina leklou aitno lisak dagar ke Ida Tapolngon ila omon itau kovok. Elio ane eriar langka oglou Aisaia sogo ine langane. “Ngau Puda osep seisei tidong ka aitno lisak dagar ke pelengon ka imanapapra ine?”

Pas ka Pol sogoe uti la ke osep Rom ina 12:8

Langka gute gesa ila bokongon langka iye kar osep leklou pelengon ka due aitno lisak tipolou dagar lokono e tile omur lokono Ida Tapolngon waiki ma iye boko dagar ine. E gute ka lua osep leklou ka urok wan isuk boto vala ma iye due langane aling aling. E gute ka mgo ke osep Kristen leklou ma iye boko dagar ine. E gute ka aitno due osep leklou e lua isak Ida Tapolngon waiki ma aitno neser ine.

Pas ka Pol sogoe uti la ke osep Rom ina 15:31

Umepmi Ida Tapolngon ma iye lua ngong itau. Ma iye dangdang osep epmes ina ka tidong ke omur Judia lama tidue elio soulu ke ngong. E umepmi Ida Tapolngon ma iye due osep Jerusalem ina aitno lisak itau ke bokongon ka ngalua isak ine.

Pas ka Pol sogoe uti la ke osep Rom ina 16:26

Eknikane Ida Tapolngon ka ila poloungon kovok ila omon itau dong kap ite e iteile ine. Iteile ine kesua osep napaprangan ina tisogo ine deka urok sogongon tonari dong ke ite. Ida Tapolngon due aitno lisak deka tisogo ine ma osep ka pula keniye ka tidong ke omur ka pula keniye talsak klingen ine e aitno lisak karanga la dagar ine.

2 Korin 10:5

Imomole pelengon bitna bitna ka para pulu ke Ida Tapolngon ila pelengon e pelengon ka waiki pagolgol osep aitno lisak ma tile Ida Tapolngon kovok. Limem pelengon mole osep ka aitno lisak mter pelengon ka para pulu ke Ida Tapolngon ila pelengon deka ma tini Krais.

2 Korin 2:12

Oglou alo ka ngapolou ke Troas ma nganapapra Krais ila omon itau Ida Puda klok ekreng kodong ma ngadue bokongon tonari.

2 Korin 8:4

Tiwai ke imi dagar ma tikaranga tilua osep leklou deka tituktuk urok mani la ke Ida Tapolngon ila osep ka tidong ke omur Judia.

2 Korin 9:14

Deka osep Judia ina ma isak lana isak ke umu omba e tiwai itau ke Ida Tapolngon ke umu. Tidue langane kesua tile Ida Tapolngon makai umu omba.

Galesia 1:24

Tiklingen omon ke elio ka Ida Tapolngon makai ngong e tikakai Ida Tapolngon angaine ine.

1 Timoti 6:12

Gute ka aitno dagar ke Krais iye langka gute ka due resis. Deka omsuong engil ma ommole resis e omdue lem mosongon ka dong vala dong. Omdue mosongon tonari kodong alo ka emvri e ampalongo ke osep pula amtarsak langane. “Aitno lungong dagar ke Krais.”

1 Timoti 6:13

Ida Tapolngon due wan ka pula keniye. E Krais Yesus vri dagar e wai malak ke Pontius Pailat bitna. Deka ke amtarsak ngawai dagar lugom langane.

Hibru 10:23

E itapalongo osep ke aitno lite ila dagar e ke wan itau lokono ka itapara ine. Deka itekis dagar ine e aitno lite orwo ine kovok. Kesua iteile Ida Tapolngon didi ila pelengon keniye ka iye wai ine kodong.

Hibru 13:16

E umodue elio itau ke osep leklou e langka osep urok wan isuk boto vala deka umotuk lumu wan e umolua isak ine. E omtomu uli ke elio tonari kovok kesua elio langane iye langka umodue lumu wan e umakare ke Ida Tapolngon e aitno itau ine.

Hibru 3:1

Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.

Hibru 4:14

Ida Tapolngon Otno Arang Yesus iye udo gute loulou ina ka mgo e iye dong ke omur heven. Deka ite ma itodong dagar ke aitno lite ila dagar.

Hibru 5:9

Elio tonari polou ke iye deka iye polou gute ka lua osep ke urok elio epmes ina. Deka iye lua osep ka tini iye ke urok elio epmes ina dong vala dong.

1 Pita 2:9

E Ida Tapolngon rere umu ma umodong ila osep. E Ida Tapolngon ka vri mgo ke ite e plau ite rere umu ila osep loulou ina. E iye rere umu ila osua ka itau itau lokono. Iye rere umu ila osep kesua iye waiki umanapapra osep pula ke ila elio itau ka iye due. Iye gi umu ma umosongon lumu elio epmes ina e umesep ke ila bublongon ka itau lokono. Ila bublongon tonari itau itau lokono.

1 Pita 4:11

Langka gute due kerengen ma iye napapra ke osep deka iye napapra Ida Tapolngon ila pelengon vala. E langka gute due kerengen ma iye lua osep leklou ke bokongon bitna bitna deka ma iye didi Ida Tapolngon ila arit ine. Umodue langane ma wan ka pula keniye ka umodue kakai Ida Tapolngon angaine tito la egim batne Yesus Krais dong. Krais angaine omba lokono e ila arit dong vala dong. Lokono.