2 Korin 9:11 - Aria New Testament

¹¹ Ida Tapolngon ma due lumu wan bitna bitna tipolou pula ma aling aling umakaranga umotongo wan ke osep leklou. E osep ka tidue lumu mani ka imakare ke isak ma aitno lisak itau ine e tikakai Ida Tapolngon angaine tito la egim ine.

2 Korin 9:11 ပူးပေါင်းရင်းမြစ်များ

Matyu 20:15

Kesua ngakaranga ngadidi aitno lungong ke lou wan. Aitno lumu rim kesua ngadue tovro ke isak i?’”

Matyu 25:17

E gute ka due 2,000 kina due burong ine blang e iye due 2,000 kina silang.

Pas ka Pol sogoe uti la ke osep Rom ina 12:8

Langka gute gesa ila bokongon langka iye kar osep leklou pelengon ka due aitno lisak tipolou dagar lokono e tile omur lokono Ida Tapolngon waiki ma iye boko dagar ine. E gute ka lua osep leklou ka urok wan isuk boto vala ma iye due langane aling aling. E gute ka mgo ke osep Kristen leklou ma iye boko dagar ine. E gute ka aitno due osep leklou e lua isak Ida Tapolngon waiki ma aitno neser ine.

1 Korin 1:5

Ngawai itau ke Ida Tapolngon kesua umeneklep ke Krais kodong e iye kere umu itau. Iye kere umu deka umanapapra ila pelengon itau e umeile omur ke wan bitna bitna itau.

2 Korin 1:11

E ma umolua imi alo ka umawai itau ke Ida Tapolngon ke imi. Ma osep pula aitno lisak itau ke kerengen ka polou ke imi batne ke urok pmingen itau ke imi.

2 Korin 4:15

Wan bitna bitna tonari tidong ma tilua umu ke lumu mosongon. E ke elio langane Ida Tapolngon ila makaingan kes lila ke osep pula ma tiwai tenkyu ke wan ka Ida Tapolngon kare ke isak e tikakai angaine tito la egim ine.

2 Korin 8:16

Aitno limi itau e imawai itau ke Ida Tapolngon kesua iye due Taitus aitno kene kap aitno limi. E iye waiki lua umu eriar langka imawaiki imolua umu.

2 Korin 8:19

E silang blang sios tonari tirere iye ma iye la kap imi e lua imi alo ka imogom mani e imakalke la ke Jerusalem. Imodue bokongon tonari ma osep tikakai Ida Puda angaine tito la egim e silang blang ma imenis osep imawaiki imolua isak.

2 Korin 9:12

E lumu bokongon ane ma lua Ida Tapolngon ila osep ka urok wan isuk boto vala. E silang blang lumu bokongon ane due isak tikakai Ida Tapolngon angaine tito la egim.