2 Korin 8:9 - Aria New Testament

⁹ E umeile Ida Puda Yesus Krais ila makaingan. Iye dong ke omur heven e wan ka pula keniye tidong ila wan. E dau iye songon wan tonari e polou langka ila wan isuk boto vala ma iye lua umu. Iye due langane ma lumu wan pula tidong ke Ida Tapolngon bitna.

2 Korin 8:9 ပူးပေါင်းရင်းမြစ်များ

Matyu 17:27

E dau lama osep aitno lisak soulu ke ite amla ke aki e omkngo lodu. E omklok ene ke lodu ka omdue mgo e ma ampado mani. Omdue mani tonari e emkli takis ke wom e ngong ine.”

Matyu 20:28

Kesua Gute Ka Polou Langka Osep me ma osep tidue wan ka lua iye tona kovok. Aurou. Iye me ma iye lua osep e mete ma iye kli osep urok elio epmes ina.”

Matyu 8:20

E Yesus koli wai langane. “Pokis tidong ke urok ovuk ke taklak e monuk tidong ke urok onuk e ngong Gute Ka Polou Langka Osep lou omur ka ngamunu ine dong ke taklak ane kovok.”

Mak 6:3

Gute ane iye kamda vala. Tna Maria e ina saiver Jems e Joses e Judas e Saimon. E sulutno blang tidong ke armok ane.” Osep tiwai langane e aitno lisak soulu lokono ke Yesus.

Luk 16:11

Deka langka umaplau lumu mani ke taklak itau kovok sei ma kar lumu wan itau itau ka lokono ka omur heven ina ke umu?

Luk 2:7

E Maria divir ina sirngen otno arang e tikading iye ke molo arlak e tidue munu ke karoro ka ongwa aim tingen inarak ngangon ine. Tidue langane kesua spes dong ke isak ke ninu kaulei ina kovok.

Luk 8:3

E Joana e Susana e apmang pula leklou isak kla kap iye blang. Apmang Joana iye gute Kusa ka plau Herot ila ninu ila asap. Apmang tonari tikar urok wan bitna bitna ma tilua Yesus e ila disaipel ine.

Luk 9:58

E Yesus koli wai ke iye langane. “Pokis tidong ke urok ovuk e monuk tidong ke urok onuk e Gute Ka Polou Langka Osep ila omur dong ma iye munu ine ke taklak ane kovok.”

Jon 1:10

Bublongon me dong ke taklak e lama Ida Tapolngon due gute tonari tapol taklak e wan ka pula keniye ka tidong ine dau osep ke taklak tile iye kovok.

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 1:17

Oglou Moses sogo Ida Tapolngon ila pelengon dagar e kare ke ite e oku ane Yesus Krais kar Ida Tapolngon ila makaingan e ila pelengon ka lokono ke ite.

Jon 12:30

E Yesus wai ke isak langane. “Umoklingen kreine are wai ma lua umu e lua ngong kovok.

Jon 16:15

Wan ka pula keniye ka tidong ke Livou tidong ke ngong blang e ke batne langane ngawai iye karanga due lou pelengon e wai ine ke umu.”

Jon 17:19

E ngarere ngong tona ma ngadue lem bokongon e ngadidi lem pelengon ma ngakaranga ngalua isak. Ngadue langane ma tikaranga tidue lem bokongon e tididi lem pelengon ka lokono vala.”

Pas ka Pol sogoe uti la ke osep Rom ina 11:12

Alo ka osep Israel ina tidue elio epmes ina Ida Tapolngon due ila kerengen la ke osep ka pula keniye. E alo ka osep Israel ina tipul dogur ke Ida Tapolngon iye due ila kerengen la ke osep ka isak osep Yuda ina kovok. E langka osep Israel ina tibauluk aitno lisak la ke Ida Tapolngon ma iye due ila kerengen ka ombatno la ke osep ka pula keniye.

Pas ka Pol sogoe uti la ke osep Rom ina 15:3

Iteile Krais aitno vri ke iye vala kovok. Aurou. Ida Tapolngon ila pelengon wai langane ine. “Krais wai ke Ida Tapol-ngon langane. ‘Osep ka tiwai soulu ke wom ma urok pelengon soulu vri ke ngong blang.’”

Pas ka Pol sogoe uti la ke osep Rom ina 5:8

Yesus ulou ke ina metengen ka kasip amunte kovok. Aurou. Iye mete vala. Oglou ari itosep ka pula keniye ite osep epmes ina e itodue elio epmes ina vala. E ari Ida Tapolngon pagei Yesus me polou ke ite ma kasip amunte. E Yesus kasip amunte e mete batne ke udo elio epmes ina. Kesua Ida Tapolngon lana iye ke itosep ka pula keniye.

Pas ka Pol sogoe uti la ke osep Rom ina 8:32

Oglou Ida Tapolngon dangdang Otno Arang Yesus ke itosep kovok. Aurou. Iye pagei Yesus me polou ke ite ma iye kere itosep ka pula keniye ke elio itau lokono. E aitno lumu lange? Ida Tapolngon lua ite ke Yesus kodong deka mase ma iye songon ite? Ma iye lua ite kovok? Aurou. Ma iye lua ite itau lokono vala. Ila luangan dong vala dong ke ite.

1 Korin 1:4

Aling pula ngawai itau ke Ida Tapolngon ke umu. Ngawai itau ke iye kesua iye makai umu itau ke ila makaingan batne Yesus Krais dong.

1 Korin 15:47

Gute ka mgongon ina iye gute taklak ina kesua Ida Tapolngon due taklak e kapo gute ine. E gute ka orwo ina iye gute omur heven ina.

2 Korin 6:10

Aling pula aitno limi kro ke elio soulu ka polou ke imi e dau aling aling aitno limi neser. Imodong langka osep ka urok mani isuk boto vala e dau limem bokongon lua osep pula ma tidong itau. Limem wan bitna bitna ka taklak ina pula kovok e dau Ida Tapolngon lua imi ke ila kerengen ka itau.

Efesus 2:7

Deka Ida Tapolngon due ila makaingan polou lite ma dong nisngen ke osep ka pula keniye ka mase tipolou tidong ma tile omur ke ila makaingan ka ombatno lokono batne ke Krais Yesus dong.

Efesus 3:19

Ngawaiki ma umeile omur ke elio ka Krais lana iye ke umu. Elio ka Krais lana iye ke ite mole itosep udo ilengen e itakaranga iteile omur ine kovok. E dau ngawaiki Ida Tapolngon lua umu ke ila elio ka keniye itau lokono ma ila elio bon ke aitno lumu. Deka ngawaiki ma lumu elio isuk isuk tididi ila elio ka itau lokono.

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.

Kolosi 1:24

Eknikane aitno lungong itau lokono alo ka nganamani elio ka polou ka opru ngong ma ngalua umu. Elio opru tonari langka elio opru ka Krais namani ka ma lua sios ine e elio opru tonari dau yagos kovok. E ngawaiki ngalua Krais ila sios ka pampamu ine. E ke elio opru ka nganamani ke pampamu lungong ngawaiki ma ngalua sios blang.

1 Timoti 6:18

Amwai dagar ke isak ma tidue elio bitna bitna ka itau ka lua osep leklou. Aling aling ma tidue tovro ke osep ka urok wan isuk boto vala.

Hibru 1:2

E oku ane alo ka isuk boto wan ka pula keniye yagos iye wai ke ite ke Otno Arang. Ke Otno Arang tonari Ida Tapolngon due wan ka pula keniye e iye rere Otno Arang ma iye wan ka pula keniye inarak gute.

Jems 2:5

Sipmi. Umoklingen lou pele-ngon ane. Ida Tapolngon rere osep ka urok wan isuk boto vala ke taklak ane ma aitno lisak ila dagar dong dagar lokono ke iye. E iye rere isak ma mase tidong ke omur ka iye plaue ka iye wai promis ine ke osep ka isak lana isak ke iye.

Pelengon kukwopngon 2:9

‘Ngaile elio ka polou ka opru umu. E ngaile umodong langka lumu wan isuk boto vala. E lokono lumu wan pula dong para ke umu ke omur heven. E ngaile pelengon soulu ka osep leklou tiwai ine ke umu. Osep tonari tiwai langane. “Imi osep Yuda ina.” E isak osep Yuda ina kovok. Aurou. Isak Satan ila osua vala.

Pelengon kukwopngon 21:7

Langka osep timole elio soulu ma ngakar wan bitna bitna tonari ke isak e ma ngadong Inarak Tapolngon deka ma tidong langka dirgu isak.”

Pelengon kukwopngon 3:18

Deka ngawaiki ngakar pelengon ane ke umu. Lou gol ka eiou ngene ma wan sasi dong ine kovok dong. Are itau ma umekli gol tonari ke ngong deka lumu mani pula dong. E are itau ma umekli klos okou ka kading tarna lumu. Deka osep ma tikaranga tivati umu albus umu kovok e umu mnak umu ine kovok. E itau ma umekli marasin ka umodue sep ke omtomu ma umakaranga umavati omur itau.