2 Korin 8:3 - Aria New Testament

³ Ngawaiki ngawai malak langane. Tituktuk urok mani ka tikaranga ine e silang blang ti-tuktuk urok mani leklou blang. E gute gesa pagei isak ine kovok. Aurou. Tididi aitno lisak ine vala.

2 Korin 8:3 ပူးပေါင်းရင်းမြစ်များ

Mak 14:8

E apmang ane due elio itau ke ngong ka iye karanga due. Iye baser wel ka amna itau ke pampamu lungong ma kere ke alo ka osep tiyas ngong.

Aposel 11:29

Deka ari Yesus ila disaipel timter pelengon pulu ma tilua sisrok ka tidong ke omur Judia. Deka isak kensak kensak tilua osep tonari eriar langka tikaranga ine.

Pas ka Pol sogoe uti la ke osep Rom ina 10:2

Ngaile omur osep Israel ina tiwaiki tidue wan ka Ida Tapolngon waiki tidue e dau tile omur itau ke wan ka Ida Tapolngon waiki tidue kovok.

1 Korin 16:2

Ke Sande kene kene umu kenmu kenmu umotuk lumu mani ka umawaiki umolua osep ine. Deka umodue mani tonari dong para ke alo ka ngauti ke umu.

1 Korin 9:17

Langka ngadidi aitno lungong e ngadue bokongon ane ma ngadue klingen ine. E Ida Puda kar bokongon ane ke ngong ma ngadue.

Galesia 4:15

Alo ari aitno lumu neser e aitno lumu itau ke ngong. E eknikane ina lange aitno lumu neser kovok? Ngawai lokono. Alo ari aitno lumu omba lokono ke ngong ma umawaiki umolua ngong. Langka umakaranga umepi omtomu deka umepie e umakar isak ke ngong.

Filipai 2:13

Kesua iteile Ida Tapolngon boko ke aitno lumu ma umawaiki umodue elio ka aitno itau ine e iye kar arit ke umu ma umodue elio langare.

Kolosi 4:13

Ngakaranga ngawai ke umu langane. Iye boko engil lokono ma iye lua umu. Iye boko ma lua umu kap osep ka tidong ke armok Laodisia e ke armok Hierapolis.

1 Tesalonaika 2:8

Imi lana imi omba ke umu deka imawaiki imanapapra Ida Tapolngon ila omon itau ke umu. E silang blang langka osep tiwaiki tidue agegeng ke imi aitno limi kro ine kovok. Kesua aitno limi itau lokono ke umu.

Filemon 1:14

E ngawaiki ngaplau wom ine kovok. Aurou. Ngawaiki iye dong e lua ngong e dau ngawaiki emdidi aitno lugom langka amwaiki iye lua ngong koke aurou.

1 Pita 4:11

Langka gute due kerengen ma iye napapra ke osep deka iye napapra Ida Tapolngon ila pelengon vala. E langka gute due kerengen ma iye lua osep leklou ke bokongon bitna bitna deka ma iye didi Ida Tapolngon ila arit ine. Umodue langane ma wan ka pula keniye ka umodue kakai Ida Tapolngon angaine tito la egim batne Yesus Krais dong. Krais angaine omba lokono e ila arit dong vala dong. Lokono.

1 Pita 5:2

Umaplau Ida Tapolngon ila osep ka iye kar isak ke umu itau langka sipsip inarak plaungan tiplau urok sipsip itau. Aitno lumu itau ke lumu bokongon kesua umawaiki umodue bokongon tonari vala e batne osep tipagei umu ine kovok. E silang blang umodue bokongon tonari batne umawaiki umodue mani ine kovok. Aurou. Umodue kesua umawaiki umedidi Ida Tapolngon aitno e umodue ila bokongon vala.