Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Korin 8:23 - Aria New Testament

23 Ngong imorwo lou aten Taitus imoboko pulu ke bokongon ka imolua umu. E limem saten orwo ka tigosok Taitus isak sios tonari ila osep bokongon ina e urok bokongon kakai Ida Puda angaine tito la egim.

အခန်းကိုကြည့်ပါ။ ကော်ပီ




2 Korin 8:23
20 ပူးပေါင်းရင်းမြစ်များ  

E Jems e Jon ka isak Sebedi titno arang ka tiboko kap Saimon tidigrik blang. Deka Yesus wai ke Saimon langane. “Emlim kovok. Kesua oglou omboko ma omkngo lodu e nogrum ke oku ane lila la ma omboko ma omdue osep ma tididi ngong.”


Deka tiuri limsak ke osep ke bot silang ka tiboko kap isak ma time tilua isak. Time e tinonei lodu ke bot orwo la lama isuk boto bot orwo gro.


Ngawai lokono ke umu langane. Wokboi nating mole ina puda kovok e gute ka kalke omon mole gute ka vai iye ma iye kalke omon kovok.


Gute arang ma iye kading apna kovok kesua Ida Tapolngon due iye langka iye tona e kar iye ila elio ka langka ila elio. E apmang tikading aparsak kesua Ida Tapolngon due isak ma tikakai urok soboget angainsak.


Oglou ngawai dagar ke Taitus e ke sudo leklou blang ma isak kla ke umu. Aitno lumu lange? Taitus wai dikngen ke umu e due lumu wan? Aurou. Umeile ngong e Taitus aitno limi kene e imodue elio eriar.


E dau Ida Tapolngon ka lua osep ka aitno lisak kro ke wan ka opru isak due aitno limi itau alo ka Taitus polou ke imi.


Aitno limi itau e imawai itau ke Ida Tapolngon kesua iye due Taitus aitno kene kap aitno limi. E iye waiki lua umu eriar langka imawaiki imolua umu.


E imapagei limem aten kene kap iye. Sios pula tidue anit ke gute tonari kesua iye boko engil e napapra omon itau.


E silang blang sios tonari tirere iye ma iye la kap imi e lua imi alo ka imogom mani e imakalke la ke Jerusalem. Imodue bokongon tonari ma osep tikakai Ida Puda angaine tito la egim e silang blang ma imenis osep imawaiki imolua isak.


E imapagei limem aten silang kap Taitus e osep ka tidong kap iye. Oglou imakar bokongon ke gute tonari e aitno dagar ma iye boko itau ine. E oku ane iye ile umawaiki umodue elio itau deka iye waiki boko dagar lokono.


Oglou Taitus sruk aitno lumu ma umonogrum ke elio ka umotuktuk lumu mani blang. E oku ane imawai ke iye ma iye lua umu ma umababrum bokongon tonari.


E aitno lungong mter langka ma ngapagei udo aten Epafroditus iding ke umu blang. Iye sudo gesa e iye boko kap ngong e imogosok imoboko pulu langka osep ola ina ke Ida Tapolngon ila bokongon. Oglou umapagei iye me ma iye lua ngong.


E lou aten ngawai ke wom ka omlua ngong ke lou bokongon ma omlua apmang orwo tonari blang. Kesua tilua ngong itau ke lou bokongon ka nganapapra Ida Tapolngon ila omon itau ke osep. Isak tigosok gute Klemen e osep leklou ka angainsak dong ke buk ka mosongon ka dong vala dong ina tilua ngong ke omon itau ila napaprangan.


Gute Epafras iye napapra omon itau ke umu e umeile ine. Epafras iye Krais ila gute bokongon ina ka itau e iye due bokongon eriar langka imi e imi lana imi ke iye lokono. Iye lua umu e due Krais ila bokongon itau.


Umeile alo ka imeme ke umu dau kovok imodong ke Filipai. E are osep tidue agegeng ke imi e tiwai soulu ke imi. E alo ka imeme ke umu osep pula tiwaiki tidangdang imi ma imanapapra Ida Tapolngon ila omon itau ke umu kovok. E dau Ida Tapolngon due aitno limi dagar lokono e imevri dagar e imanapapra omon itau ke umu.


Kesua gute Demas aitno la ke wan bitna bitna ka taklak ina e iye songon ngong kodong e la ke armok Tesalonaika. E gute Kresens la ke provins Galesia e gute Taitus la ke omur Dalmesia.


E Taitus ngasogo pas ane uti ke wom. Aitno lite ila dagar eriar e ompolou langka erigu gesa. Nga-waiki Ida Tapolngon ka Pmada kap Ida Luangan Krais Yesus timakai wom e tidue aitno lugom dong epen.


Ate Filemon. Itorwo itodue Ida Puda ila bokongon deka ma omdue Onesimus e aitno lugom itau ke iye langka aitno lugom itau ke ngong.


E Mak e Aristarkus e Demas e Luk ka imogosok imoboko tiwai “oklou itau” ke wom blang.


Deka ite ma itolua osep ka tiboko langane. Kesua alo ka itolua isak are langka itoboko pulu kap isak ke urok bokongon ka tinapapra Ida Tapolngon ila pelengon lo-kono.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ