2 Korin 8:16 - Aria New Testament

¹⁶ Aitno limi itau e imawai itau ke Ida Tapolngon kesua iye due Taitus aitno kene kap aitno limi. E iye waiki lua umu eriar langka imawaiki imolua umu.

2 Korin 8:16 ပူးပေါင်းရင်းမြစ်များ

2 Korin 7:12

Alo ka ngasogo pas uti ke umu aitno lungong mter ngamosi elio ke gute ka due elio soulu kovok. E aitno lungong mter ke gute silang ka gute tonari due elio soulu ine kovok. Aurou. Ngasogoe ma lumu elio itau polou malak e ke Ida Tapolngon bitna umeile umu lana umu ke imi.

2 Korin 7:7

E aitno limi itau ke Taitus vala kovok. Aitno limi itau kesua iye palongo limem ke elio ka umodue aitno itau. Iye wai umawaiki umavati imi blang e iye wai aitno lumu soulu ke elio ka oglou umodue e iye wai umawaiki umodong aitno lumu kene pulu kap ngong blang. Deka aitno lungong neser omba ine.

2 Korin 8:23

Ngong imorwo lou aten Taitus imoboko pulu ke bokongon ka imolua umu. E limem saten orwo ka tigosok Taitus isak sios tonari ila osep bokongon ina e urok bokongon kakai Ida Puda angaine tito la egim.

2 Korin 8:6

Oglou Taitus sruk aitno lumu ma umonogrum ke elio ka umotuktuk lumu mani blang. E oku ane imawai ke iye ma iye lua umu ma umababrum bokongon tonari.

Filipai 2:20

Kesua gute gesa dong kap ngong ka dong langka Timoti kovok. Timoti aitno kene kap ngong e iye waiki kere umu langka ngawaiki ngakere umu.

Kolosi 3:17

Deka langane. Ke wan ka pula keniye ka umodue koke wan ka pula keniye ka umawai ine umodue batne aitno lumu dagar ke Ida Puda Yesus. E ke Yesus angaine umawai tenkyu ke Ida Tapolngon ka Pmada ke wan keniye ka iye due.

Pelengon kukwopngon 17:17

Tidue elio langane kesua Ida Tapolngon due isak ma aitno lisak mter ine e ma tididi aitno ine. Aitno lisak kene vala e tikar urok arit ke ongwa kevena la lama wan ka pula keniye ka Ida Tapolngon wai ine polou yagos.