2 Korin 7:7 - Aria New Testament

⁷ E aitno limi itau ke Taitus vala kovok. Aitno limi itau kesua iye palongo limem ke elio ka umodue aitno itau. Iye wai umawaiki umavati imi blang e iye wai aitno lumu soulu ke elio ka oglou umodue e iye wai umawaiki umodong aitno lumu kene pulu kap ngong blang. Deka aitno lungong neser omba ine.

2 Korin 7:7 ပူးပေါင်းရင်းမြစ်များ

Matyu 26:75

Deka Pita bitna sisir oglou Yesus wai pelengon langane. “Mgo ke alo ka kwako bole wai ma amwai emile ngong kovok aling eklu.” E Pita la ke dogur e kngis omba lokono.

Matyu 5:4

“Osep ka tikngis aitno lisak itau itau kesua Ida Tapolngon ma due aitno lisak tidong itau blang.

Luk 22:44

E Yesus aitno kro lokono e iye arit iye ma iye wai itau ke Ida Tapolngon e iye ulep e ina ulepngen gene ke taklak langka marau.

Aposel 11:23

Barnabas la polou ke Antiok deka iye vati elio itau ka Ida Tapolngon due ke osep tonari e aitno neser ine. Deka iye wai dagar ke isak langane. “Oklou aling aling aitno lumu dagar lokono ke Ida Puda e aitno lumu kene ke iye e aitno lumu orwo ke iye sakam.”

Pas ka Pol sogoe uti la ke osep Rom ina 1:12

E lumu elio ka aitno lumu la dagar ke Ida Tapolngon e lou elio ka aitno lungong la dagar ke Ida Tapolngon ma lua ite pulu ma due aitno lite dagar lokono.

1 Korin 5:2

E aitno lumu vri ke umu vala. Wan ka itau umosongon elio ka umakakai angainmu e aitno lumu soulu e umekngis ine. Wan ka itau umasapir gute tonari ka due elio soulu ma iye karanga dong kap umu kovok.

2 Korin 1:14

Langka eknikane umeile emkil emkil mase ke oklou ka Ida Puda Yesus iding me ma aitno lumu neser ke imi langka aitno lungong neser ke umu.

2 Korin 1:4

Iye lua imi ke elio ka polou ka opru imi ma imakaranga imolua osep leklou ke elio ka polou ka opru isak. Imolua isak ke elio ka Ida Tapolngon lua imi ine.

2 Korin 2:9

Oglou ngasogo pas uti ke umu batne ngawaiki ngatok umu e ngawaiki ngaile langka ma umedidi lou pelengon keniye koke aurou.

2 Korin 5:2

E eknikane itodong ke ninu ane ka pampamu lite e itangangir e itapara ma itesep ke ninu oku ina ka omur heven ina.

2 Korin 7:6

E dau Ida Tapolngon ka lua osep ka aitno lisak kro ke wan ka opru isak due aitno limi itau alo ka Taitus polou ke imi.

2 Korin 7:8

E ngaile lou pas ka oglou ngasogoe uti ke umu due aitno lumu soulu e aitno lungong kro ine kovok. E dau aitno lungong kro ine boto. Lou pas tonari due aitno lumu soulu e due langane sasi boto vala.

2 Korin 8:16

Aitno limi itau e imawai itau ke Ida Tapolngon kesua iye due Taitus aitno kene kap aitno limi. E iye waiki lua umu eriar langka imawaiki imolua umu.

Filipai 1:20

Deka lana lungong omba ma ngadue wan ka osuk vala e ngadue wan gesa ka mnak ngong ine kovok. Aurou. Aitno lungong mter langane. Eknikane e mase blang ngadong dagar e ngadue elio itau vala. Deka langka ngadong koke ngamete kodong ngawaiki wan keniye ka ngadue kakai Krais angaine tito la egim.

Kolosi 2:5

Pampamu lungong dong kap umu kovok e dau ke aitno lungong ane langka ngadong kap umu. E aitno lungong itau ma ngavati umu umevri dagar e aitno lumu dagar lokono ke Krais.

1 Tesalonaika 3:6

Io Timoti vati umu kodong deka songon umu e bauluk ke imi. E iye wai ke lumu elio. Iye wai aitno lumu dong dagar e umu lana umu ke osep. Iye wai aling aling omtomu sisir ke imi e aitno lumu itau ke imi. E umawaiki umavati imi eriar langka imi blang imawaiki imavati umu. Deka omon tonari due aitno limi itau.

1 Tesalonaika 3:8

Deka eknikane imeile umodong dagar ke Ida Puda e aitno limi itau e limem mosongon polou itau lokono.

Hibru 2:1

Deka ma itekis pelengon tonari dagar e amtada uli ine kovok.

Jems 5:17

Gute Elaija ka dong oglou iye gute eriar langka ite. Ari iye arit iye e wai itau ke Ida Tapolngon ma aragu duru kovok deka aragu duru kovok la lama iding ke tobor eklu emkil.

2 Jon 1:4

Ngaklingen titim leklou tididi pelengon lokono langka Pmada wai dagar ine ma itodue. Ngaklingen langane deka aitno lungong neser omba ine.

Pas ka Jut sogoe 1:3

Sipmi ka ngong lana ngong ke umu. Ke mgongon aitno lungong mter langka ngasogo pas ke umu ka wai ke elio ka Ida Tapolngon lua ite ke udo elio epmes ina. E eknikane aitno lungong mter ma ngasogo pelengon silang ke umu ka langane. Ida Tapolngon kar ila pelengon ke ite ka ila osep deka aitno lite la dagar ine deka ngawaiki umoboko engil ma aitno lumu ila dagar dong dagar. E ngawaiki umopul dogur ke osep ka tiwai pelengon leklou ke umu. Kesua Ida Tapolngon kar ila pelengon ke ite aling kene e ila pelengon segesege kovok.