2 Korin 7:13 - Aria New Testament

¹³ Deka lumu elio langane due aitno limi itau lokono. Aitno limi dong itau e silang blang aitno limi neser kesua Taitus aitno itau e kro kovok batne ke lumu elio itau ka umodue.

2 Korin 7:13 ပူးပေါင်းရင်းမြစ်များ

Pas ka Pol sogoe uti la ke osep Rom ina 12:15

Ma umeketir kap osep ka tiketir ke wan gesa. E ma umekngis kap osep ka tikngis ke wan gesa.

Pas ka Pol sogoe uti la ke osep Rom ina 15:32

E langka Ida Tapolngon waiki lua ngong langane ma aitno lungong itau lokono ine e ngauti ngavati umu. Deka ma ngamtong sasi boto kap umu e aitno lungong itau ine blang.

1 Korin 12:26

Deka langka pampamu lite ongwa ine gesa doro ma ongwa lite ka pula keniye isak doro blang. E langka ongwa lite gesa neser ma ongwa lite ka pula keniye neser kape.

1 Korin 16:13

E ma umaplau umu itau e umodong dagar lokono ke aitno lumu ila dagar ka la ke Ida Tapolngon. Ma umodong dagar e ma umoulou tarna lumu ke wan gesa kovok.

1 Korin 16:18

E tipolou ke ngong e tidue aitno lungong itau langka tidue aitno lumu itau blang. E ma aitno lumu itau ke osep ka langane e umoklingen urok pelengon.

2 Korin 2:13

E dau aitno lungong kro kesua ngavati lou aten Taitus dong ari kovok. Ngavati iye kovok deka ngasongon Troas e ngala ke provins Masedonia.

2 Korin 2:3

Umu osep ka umodue aitno lungong neser deka ngawaiki ngauti ke umu e aitno lungong polou soulu ine kovok. Oglou ngasogo pas uti ke umu batne langane. Ngaile langka aitno lungong neser deka umu keniye aitno lumu neser blang.

2 Korin 7:14

Ke oglou ngawai ke Taitus ke lumu elio itau e ngakakai angainmu ine. Deka ngong mnak ngong ke lou pelengon kovok. Pelengon ka imawai ke lumu elio iye pelengon lokono e oku ane Taitus vati umu e ile limem pelengon ka imawai ka kakai angainmu iye pelengon lokono.

2 Korin 7:15

Alo ka iye polou ke umu deka umodue anit ke iye e umedidi ila pelengon. E elio ka iye lana iye ke umu res polou omba.

2 Korin 7:6

E dau Ida Tapolngon ka lua osep ka aitno lisak kro ke wan ka opru isak due aitno limi itau alo ka Taitus polou ke imi.

Filipai 2:28

Deka ngawaiki ngapagei iye iding ke umu ma alo ka umavati iye blang aitno lumu neser ke iye. E ma elio ka aitno lungong kro ine yagos.

2 Timoti 1:16

Ngawaiki Ida Puda due mada ke gute Onesiforus kap ila osua kesua aling pula iye lua ngong e due aitno lungong dong itau. E silang blang ngadong ke kalabus e iye mnak iye ke ngong kovok.

Filemon 1:20

Lou aten. Ngawaiki omdue elio itau ke ngong kesua itorwo iteneklep ke Ida Puda. Ngawaiki omdue elio itau ka due aitno lungong dong itau.

Filemon 1:7

Lou aten aitno lungong itau ke wom. Ngaklingen wom lana wom ke Ida Tapolngon ila osep e ke elio ane omdue aitno lisak ila dagar dong dagar. Deka lem elio tonari due aitno lungong neser omba e ngadong itau ine.

1 Pita 3:8

Ngababrum lou pelengon langane. Ngawaiki aitno lumu kene pulu e aitno lumu itau ke osep leklou e umu lana umu ke supmu leklou. E umodue mada ke osep leklou e umepes umu tona.