2 Korin 7:11 - Aria New Testament

¹¹ Umeile elio ka Ida Tapolngon due aitno lumu soulu due elio bitna bitna itau tipolou. Elio tonari langane. Umawaiki umomosi pelengon ka mter umu e aitno lumu engil ke gute ka due elio epmes ina. E umodue anit ke Ida Tapolngon e aitno lumu kro ke imi e umoboko dagar ma umomosi gute ka due elio soulu ila elio. Ke wan ka pula keniye ka umodue umenis imi langane. Elio gesa vri ke umu ine kovok.

2 Korin 7:11 ပူးပေါင်းရင်းမြစ်များ

Mak 3:5

Deka Yesus bitna lila ngen isak e aitno engil ke isak. Aitno kro ke isak kesua isak kensak kensak tipono aitno lisak ke elio itau. Deka iye wai ke gute tonari langane. “Omkotok livep.” Gute tonari klingen ila pelengon deka kotok limla la deka lokono limla polou itau.

Jon 2:17

Deka ila disaipel amtarsak sisir pelengon ka oglou osep tisogo ke Ida Tapolngon ila pelengon ka wai langane. “Elio ka ngong lana ngong ke lem ninu due ngong e polou langka eiou ka dong ke aitno lungong.”

Aposel 17:16

Pol dau dong ke Atens e para ke Sailas orwo Timoti ma time tipolou ke iye. Ari iye vati osep Atens ina urok sapingen pula pula tidong ke armok e aitno kro lokono ine.

Pas ka Pol sogoe uti la ke osep Rom ina 11:20

Lumu pelengon langane lokono. E dau elio tonari batne lokono langane. Ida Tapolngon tuktuk osep Israel ina kesua batne aitno lisak dagar ke iye kovok. E Ida Tapolngon due umu umakasip amunsak kesua aitno lumu dagar ke iye. Deka umeile umu itau lama aitno lumu vri ke umu e umakakai umu tona angainmu. Aurou. Ma umodue anit ke Ida Tapolngon vala.

Pas ka Pol sogoe uti la ke osep Rom ina 14:18

E gute ka didi Krais ila elio tonari ma Ida Tapolngon aitno itau ke ila elio e ma osep pula aitno lisak itau ke iye blang.

Pas ka Pol sogoe uti la ke osep Rom ina 3:5

Osep leklou tididi aitno lisak e tiyakyak langane. “Elio soulu ka itodue nis osep pula ke Ida Tapolngon ila elio keniye itau lokono. E langka Ida Tapolngon waiki kot ite ine ma iye due elio soulu kesua udo elio soulu lua iye.” Pelengon ka ngawai ine ane langka itosep udo pelengon vala. Osep ka tiwai langane tiwai lokono kovok e tididi aitno lisak vala.

1 Korin 12:25

Iye due langane ma pampamu lite tikaranga tituktuk tipolou emkil emkil kovok. E pampamu lite ongwa ine kene kene ma plau ongwa ine leklou pulu e lua isak eriar.

1 Korin 5:13

E osep ka tidong ke dogur Ida Tapolngon ma wade urok elio. Ida Tapolngon ila pelengon wai langane. “Ma umasapir gute ka due elio soulu ka dong airavu ke umu la.”

1 Korin 5:2

E aitno lumu vri ke umu vala. Wan ka itau umosongon elio ka umakakai angainmu e aitno lumu soulu e umekngis ine. Wan ka itau umasapir gute tonari ka due elio soulu ma iye karanga dong kap umu kovok.

2 Korin 13:7

Imawai itau ke Ida Tapolngon ma iye lua umu ma umodue elio soulu kovok. Langka osep aitno lisak itau ke limem bokongon koke aitno lisak soulu ine are wan gesa kovok. Wan ka omba langane. Imawaiki umodue elio itau.

2 Korin 2:6

E kolingen ka umu pula umodue ke iye ane karanga ke iye.

2 Korin 6:4

Aurou. Imodue elio itau vala ka nis osep imi Ida Tapolngon ila osep bokongon ina. Imodong dagar lokono alo ka agegeng e wan soulu e wan polou ka opru imi.

2 Korin 7:1

Lou saten. Imodue Ida Tapol-ngon ila promis kodong. Deka ma itopul dogur ke elio soulu bitna bitna ka tidue pampamu lite e ante amum. Ma itodue anit ke Ida Tapolngon e itodue elio itau ka aitno itau ine.

2 Korin 7:7

E aitno limi itau ke Taitus vala kovok. Aitno limi itau kesua iye palongo limem ke elio ka umodue aitno itau. Iye wai umawaiki umavati imi blang e iye wai aitno lumu soulu ke elio ka oglou umodue e iye wai umawaiki umodong aitno lumu kene pulu kap ngong blang. Deka aitno lungong neser omba ine.

2 Korin 7:9

Oku ane aitno lungong neser batne ke elio ka aitno lumu soulu vala kovok. Aurou. Aitno lungong neser batne aitno lumu soulu deka elio ane due umu ma umabauluk aitno lumu. Ngaile Ida Tapolngon didi aitno e due aitno lumu soulu e imodue elio soulu ke umu kovok

2 Korin 9:2

Ngaile umawaiki umolua osep e ngakakai angainmu ine. Ngawai ke osep Masedonia ina ine langane. Ke tobor kene la kodong osep Akaia ina tidong redi ma tilua osep. E lumu elio sruk osep Masedonia ina aitno lisak ma tiwaiki tikana lumu elio.

Efesus 4:26

Langka aitno lumu engil ke gute gesa umeile umu itau lama umodue elio epmes ina blang. E umosongon aitno lumu dau dong engil ke iye alo ka oklou duru kovok.

Efesus 5:11

Umeneklep ke osep ka tidue elio epmes ina bitna bitna sakam. Kesua elio epmes ina bitna bitna tipolou ke aivoro. E umenis osep ke elio itau vala ma osep tile omur elio epmes ina tonari wan ka soulu lokono vala.

Filipai 2:12

Sipmi. Ngong lana ngong ke umu. E langka oglou umedidi lou pelengon alo ka ngadong kap umu deka eknikane alo ka ngadong kap umu kovok ma umedidi lou pelengon lokono. Ida Tapolngon lua umu ke lumu elio epmes ina kodong deka eknikane umodong dagar ke aitno lumu ila dagar e umodue anit ke Ida Tapolngon e umoboko ma lumu mosongon ke taklak ane dong itau.

1 Tesalonaika 4:6

Umu ma umodue elio soulu ke sudo ka Kristen ke elio tonari kovok. Oglou imawai dagar ke umu ke elio tonari langane. Ida Puda ma koli batne ke osep ka tidue elio soulu langare.

1 Timoti 5:20

E langka osep plaungan ina tidue elio epmes ina deka ma ommosi isak ke osep amtarsak. Omdue langane ma osep plaungan ina leklou tivati elio ane e tilim ma tidue elio soulu kovok.

2 Timoti 2:15

Omboko dagar ma Ida Tapolngon aitno itau ke lem bokongon. Ma amkaranga amwai osuk ke Ida Tapolngon ila pelengon ka lokono. E ma wom mnak wom ke lem bokongon kovok.

Taitus 3:8

Pelengon ane lokono lokono. Ngawaiki amwai pelengon dagar ke osep ka pula keniye ka aitno lisak dagar ke Ida Tapolngon. Amwai ke isak ma aling aling tidue elio itau vala. Tidue elio isuk isuk ka itau ma tilua osep pula ine.

Hibru 4:1

E oku ane Ida Tapolngon ila promis dau dong e wai ma itesep ke omur ka itomtong ine. Deka umeile umu itau lama gute gesa dong airavu ke umu ka karanga sep ke omur ka Ida Tapolngon wai dagar ine kovok.

Jems 3:17

E langka gute didi ilengen ka me ke omur heven ila elio langane. Aitno mter ke elio itau vala e aitno epen ke osep. E ila elio molil e iye klingen osep urok pelengon. E aitno due osep e iye due elio itau ke isak. Iye didi elio kene ke osep ka pula keniye e yakyak ine kovok.

1 Pita 1:17

Alo ka umawai itau ke Ida Tapolngon umesir iye Pmada. E Ida Tapolngon didi elio kene vala e wade ite kente kente udo elio isuk isuk ka itodue. Deka alo ka umu dau umodong ke taklak ane umodong langka osep kaulei e umodue anit ke Ida Tapolngon ke wan ka pula keniye ka umodue.

1 Pita 2:2

Langka mimi oku aling aling tiwaiki tinim sisu vala ngawaiki aitno lumu la ke Ida Tapolngon ila pelengon vala. E ila pelengon itau e wan sasi dong ine kovok. E pelengon tonari karanga lua umu ma umopolou ngongle ke aitno lumu ila dagar.

Pas ka Jut sogoe 1:23

E osep leklou tidong langka isuk boto eiou ngen isak. Deka umolua isak suong langka umepi isak ke eiou. E aitno lumu due osep leklou e dau umoulou tarna lumu ke urok elio soulu. Aitno lumu engil ke urok elio soulu ka langka klos ka amum e amna sasi lokono.

Pelengon kukwopngon 3:19

Ngong lana ngong ke osep deka ma nganis isak ke urok elio soulu e ma ngamosi urok elio soulu. Deka ma umoboko engil lokono e umabauluk aitno lumu ke lumu elio epmes ina.’”