2 Korin 6:8 - Aria New Testament

⁸ Osep leklou tikakai angain-mi e osep leklou blang tipes angainmi. Osep leklou tidue anit ke imi e osep leklou blang tidue markan ke imi. Osep leklou tiwai imi osep yakngan ina e langane kovok. Imawai pelengon lokono vala.

2 Korin 6:8 ပူးပေါင်းရင်းမြစ်များ

Matyu 10:25

Langka osep disaipel urok elio eriar langka urok parere-ngen are itau e langka osep ka wokboi nating urok elio eriar langka inarak puda are itau blang. Langka osep tisir ngong Belsebul ma tiwai langane ke umu blang.”

Matyu 22:16

E tivai urok disaipel kap osep leklou ka tiwaiki gute Herot vri mgo ke isak kla ke Yesus e tiwai langane. “Gute parerengen ina imeile amwai pelengon lokono e amparere osep lokono ke wan ka Ida Tapolngon waiki tidue e aitno lugom mter ke osep leklou urok pelengon kovok. E aitno lugom mter langka gute angaine omba koke angaine daudeng.

Matyu 27:63

E tiwai langane. “Gute namor emtemi sisir alo ka gute yakngan ina are dau dong iye wai langane. ‘Mase oklou eklu mela yagos ma ngapoga ngatito ke ngau denga.’

Mak 12:14

Deka time tipolou ke Yesus e tiwai ke iye langane. “Gute parerengen ina imeile omur amwai lokono vala. Imeile omur omdue elio kene vala ke osep ka pula keniye lama angainsak omba koke angainsak omba kovok. E omdue anit ke osep batne angainsak omba langane kovok. E amwai lokono vala deka amparere osep itau ke Ida Tapolngon ila pelengon dagar. Deka imepmi wom langane. Langka imekli takis ke Sisar imadar Ida Tapolngon ila pelengon dagar koke aurou? Lange? Ma imekli takis koke aurou?”

Jon 7:12

E osep pula pula tinekeskes pulu ke Yesus. Osep leklou tiwai langane. “Iye gute itau.” E osep leklou blang tiwai langane. “Aurou. Iye yak osep.”

Aposel 10:22

Deka tipalongo Pita ila langane. “Gute Kornilius pagei imi ke wom. Iye gute ka plau osep ola ina buno kene. Ila elio isuk isuk itau e iye due anit ke Ida Tapolngon. Osep Yuda ina ka pula keniye tidue anit ke iye. Ida Tapolngon ila ensel ka itau lokono polou ke Kornilius deka iye wai langane. ‘Ampagei osep leklou ma isak kla tipolou ke gute Pita e tiwai ke Pita ma iye gosok isak tibauluk ke lem ninu ane. Deka emklingen pelengon ka Pita ma kare ke wom.’”

Aposel 16:39

Deka osep ka tiplau armok tipolou ke Pol e Sailas e timosi urok elio e tiwaiki aitno lisak epen ke isak. E tipaur isak tipolou ke kalabus e tipmi isak ma tisongon armok are.

Aposel 22:12

“Ngadong ke Damaskus deka gute Ananaias me polou ke ngong. Iye gute gesa ka didi Moses ila sogongon keniye e osep Yuda ina pula ka tidong ke armok tonari aitno lisak itau ke iye.

Aposel 24:5

Imi ane imavati gute ane due elio soulu lokono polou. Iye lila kap imi osep Yuda ina e sruk osep pula aitno lisak. Iye due elio langane ke omur ka pula keniye. Silang iye mgo ke osep ka tisir isak osep ka gute Nasaret ina.

Aposel 28:22

E imi ane imawaiki imeklingen lem pelengon ma imeile aitno lugom. Kesua osep ka pula keniye tiwai soulu ke osep ka tididi elio oku ina.”

Aposel 4:21

Pita orwo Jon tiwai yagos deka osep kaunsil ina tiwai pelengon dagar ke isak. Tiwai yagos deka tisongon Pita orwo Jon deka isak kla. Osep kaunsil ina tidue agegeng ke isak kovok kesua tiulou tarna lisak ke osep. Osep pula tile ke elio arit ina ka tidue deka tikakai Ida Tapolngon angaine tito la egim ine.

Aposel 5:13

Osep ka pula keniye tidue anit ke Ida Tapolngon ila osep dau osep epmes ina leklou tiulou tarna lisak e tineklep ke osep ka oglou aitno lisak dagar ke Yesus kodong kovok. Ari osep arang e apmang pula tisongon urok elio epmes ina deka aitno lisak la dagar ke Yesus e tineklep ke osep ka oglou aitno lisak dagar ke Yesus e inarak sasa res polou pula.

Aposel 6:3

Ma umerere sudo arang lumorwo ma tiplau bokongon ane. Umerere osep ka osep leklou tiwai urok elio isuk isuk itau e Ano Itau plau isak e tile omur itau. Deka ma imakar bokongon tonari ke isak.

Pas ka Pol sogoe uti la ke osep Rom ina 3:8

Osep tonari ka tiwai soulu langane tisin elio vri ke ngong blang. Tiwai langane. “Osep umoklingen. Gute Pol wai umodue elio soulu kesua ma elio soulu tonari due elio itau polou.” Isak ka tiwai langane tipes angain ngong ine. Ma urok elio ngen isak kesua Ida Tapolngon ma mulu isak ine.

2 Korin 1:18

Eriar langka Ida Tapolngon wai deka iye didi ila pelengon lou pelengon ke umu segesege kovok.

2 Korin 11:21

Osep tonari tidue elio langane ke umu e imakaranga imodue langane blang kovok. Deka lange? Ma ngong mnak ngong ine? E dau langka gute gesa wai dagar ke ila elio e kakai angaine ine ma ngong blang ngawai dagar ke lou elio. Ngawai langka ngong gute ka kaka.

2 Korin 12:16

Umeile alo ka ngadong kap umu ngapang lumu wan kovok. E dau umu leklou umawai langane. “Alo ka Pol dong kap ite iye yak ite e wai dikngen ke ite ma iye due wan bitna bitna ke ite.”

2 Korin 4:2

Imopul dogur ke elio bitna bitna ka osep tikukwop isak kesua batne isak mnak isak ine alo ka tidue. Imedidi elio ka yakngan kovok e imobuli wan sasi kap Ida Tapolngon ila pelengon kovok. Aurou. Imanapapra pelengon ka lokono malak ma osep tikaranga tiwade limem elio e tikaranga tile omur ke limem mosongon ke Ida Tapolngon bitna.

1 Tesalonaika 2:3

E alo ka imawai ke umu imedidi pelengon yakngan kovok. E imodue elio soulu kovok e imayakyak umu kovok. Aurou.

1 Timoti 3:7

Langka osep ka tidong ke dogur aitno lisak itau ke gute gesa iye karanga polou plaungan gesa. E langka gute dong langane kovok ane langka iye sin ke Satan ila omdu e ina mnakngan omba.

1 Timoti 4:10

Ida Tapolngon dong vala dong e iye waiki lua osep ka pula keniye e dau iye karanga lua osep ka aitno lisak dagar ke iye vala. Aitno lite dagar lokono ke iye e itapara ma iye due elio itau ke ite. Deka aling aling ma itoboko engil ke ila bokongon.

Hibru 13:13

Deka ite blang langka itala ke armok dogur e itanamani mnakngan langka Yesus namani mnakngan.

1 Pita 4:14

Langka osep tiwai soulu ke umu batne umu Krais ila osep aitno lumu itau itau ine. Kesua elio ane nis ite Ida Tapolngon Ano Itau ka itau lokono dong kap umu.

3 Jon 1:12

Osep pula tiwai gute Demitrius iye gute ka due elio itau vala e iye didi Ida Tapolngon ila pelengon ka lokono. Imi blang imawai iye gute itau. E umeile limem pelengon lokono vala.

Pelengon kukwopngon 3:9

Umeile kodong langane. Osep ka Satan ila osua tiwai isak osep Yuda ina. E isak osep Yuda ina kovok. Isak osep yakngan ina vala. Deka umoklingen. Ma ngadue osep tonari ma time tigrum kamsak ke omtomu ma tile langane. Ngong lana ngong ke umu.