2 Korin 6:7 - Aria New Testament

⁷ Imanapapra pelengon ka lokono vala e imoboko ke Ida Tapolngon ila arit. Imodue elio isuk isuk ka itau e limem elio tonari langka ola e osua ka tilua osep alo ka tidue evlei kap inarak oul.

2 Korin 6:7 ပူးပေါင်းရင်းမြစ်များ

Mak 16:20

Deka ila disaipel isak kla ke omur ka pula keniye e tinapapra ke osep pula. Deka Ida Puda lua isak ke ila arit e tidue elio arit ina. Deka osep ka tivati elio arit ina ka tidue tile omur urok pelengon lokono. Itau.

Aposel 11:21

Ari Ida Tapolngon ila arit lua osep ka tinapapra Yesus ila omon itau deka osep pula tiklingen ine e aitno lisak la dagar ke Ida Puda.

1 Korin 1:24

E osep ka Ida Tapolngon rere isak ila osep aitno lisak langane kovok. Osep Yuda ina e osep Grik ina ka Ida Tapolngon rere isak ila osep tile pelengon tonari la ke Krais e Ida Tapolngon ila arit e ila ilengen dong ine.

2 Korin 13:4

Lokono. Alo ka osep tinilim Krais mana ke ina akai iye didi ila arit kovok. E oku ane Ida Tapolngon ila arit due poga tito ke ina denga. E imeneklep ke Krais e imi kenmi kenmi limem arit kovok. E dau alo ka imodong kap umu ma umeile omur Ida Tapolngon ila arit dong kap imi.

2 Korin 2:17

Osep pula leklou tiboko langka Ida Tapolngon ila pelengon iye wan ka tidue burong ine. E imi langka isak kovok. Aurou. Ida Tapolngon rere imi ila osep bokongon ina e imawai pelengon lokono ke Krais angaine e imawai ke Ida Tapolngon bitna.

2 Korin 4:2

Imopul dogur ke elio bitna bitna ka osep tikukwop isak kesua batne isak mnak isak ine alo ka tidue. Imedidi elio ka yakngan kovok e imobuli wan sasi kap Ida Tapolngon ila pelengon kovok. Aurou. Imanapapra pelengon ka lokono malak ma osep tikaranga tiwade limem elio e tikaranga tile omur ke limem mosongon ke Ida Tapolngon bitna.

2 Korin 7:14

Ke oglou ngawai ke Taitus ke lumu elio itau e ngakakai angainmu ine. Deka ngong mnak ngong ke lou pelengon kovok. Pelengon ka imawai ke lumu elio iye pelengon lokono e oku ane Taitus vati umu e ile limem pelengon ka imawai ka kakai angainmu iye pelengon lokono.

Efesus 1:13

E umu blang alo ka umo-klingen Ida Tapolngon ila pelengon lokono ka omon itau aitno lumu la dagar ine. Deka Ida Tapolngon lua umu ke lumu elio epmes ina e umeneklep ke Krais. Deka iye tuk Ano Itau me dong ke aitno lumu. Are eriar langka nisngen umu ila osep umu langka oglou iye wai dagar ine.

Efesus 3:20

E langane. Ida Tapolngon ka ila arit ombatno lokono dong e due aitno lite deka aitno lite tidong dagar ke iye. Alo ka aitno lite timter ke elio gesa e alo ka itepmi Ida Tapolngon ke elio gesa iye karanga lua ite ine. E langane. Aitno lite karanga timter kovok ke elio gesa ka Ida Tapolngon karanga lua ite ine kovok. E itakaranga itepmi Ida Tapolngon kovok ke elio gesa ka iye karanga lua ite ine kovok.

Efesus 4:21

Osep ka tiparere umu ke Yesus ila elio tiwai ke umu ke pelengon lokono. Deka umoklingen ine e umedidie.

Kolosi 1:5

Oglou alo ka pelengon lokono ka omon itau polou ke umu deka umoklingen ke wan ka itau lokono ka Ida Tapolngon rere ka dong para ke umu ke omur heven.

1 Tesalonaika 5:8

E itodong ke oklou deka ma iteile ite itau. Eriar langka gute ola ina kis ila osua dagar ma osua kading iye itau deka umekis dagar ke aitno lumu ila dagar e ke elio ka umu lana umu ke osep. E elio ka itapara ma Ida Tapolngon lua ite iye langka hat kapa ka kading gute ola ina otuk ine.

2 Timoti 2:15

Omboko dagar ma Ida Tapolngon aitno itau ke lem bokongon. Ma amkaranga amwai osuk ke Ida Tapolngon ila pelengon ka lokono. E ma wom mnak wom ke lem bokongon kovok.

2 Timoti 4:7

Ngaboko dagar ke Ida Tapolngon ila bokongon e ngong langka gute ka arit iye ma iye suong ke resis e isuk boto lou resis yagos. E aitno lungong ila dagar dau dong dagar.

Hibru 2:4

E Ida Tapolngon due nisngen omba e elio arit ina bitna bitna e iye didi aitno e kar Ano Itau ila kerengen ke ila osep. Iye due langane ma osep tivati e tile omur pelengon tonari pelengon lokono.

Jems 1:18

Iye didi aitno e due ite itopolou ila osep alo ka iteklingen ila pelengon ka lokono. Ma ite langka titno ka ina sirngen sirngen ke wan ka pula keniye ka mase ma polou oku.