2 Korin 6:6 - Aria New Testament

⁶ E Ano Itau lua imi ke limem bokongon deka imodue elio isuk isuk ka itau vala e imedidi ilengen itau. E aitno limi epen e imodue mada ke osep e imi lana imi ke osep e imayak ine kovok.

2 Korin 6:6 ပူးပေါင်းရင်းမြစ်များ

Pas ka Pol sogoe uti la ke osep Rom ina 12:9

Umu lana umu ke osep leklou e umayak ine sakam. Ma aitno lumu itau lokono ke isak. E ma umekis dagar ke elio ka itau vala e umopul dogur ke elio soulu bitna bitna.

Pas ka Pol sogoe uti la ke osep Rom ina 15:19

E Ida Tapolngon Ano Itau lua ngong blang deka ngadue elio arit ina ka nisngen ke osep. E langane. Oglou nganogrum ke armok Jerusalem e nganapapra Krais ila omon itau ke osep. E ngalila ngala ke omur omur la lama ngaiding ke omur Ilirikum.

1 Korin 12:8

Ke gute gesa Ano Itau kere iye ma ile omur ke elio itau deka iye lua osep leklou ine. E ke gute silang Ano Itau kere iye ke ilengen ke elio ka iye kere Ida Tapolngon ila pelengon lana ine ke osep.

1 Korin 13:4

Gute ka lana iye ke osep leklou ma aitno engil suong kovok e ma koli osep urok elio soulu ka tidue ke iye kovok. Ma iye due mada ke isak. Ma aitno rim ke osep kovok. Ma iye kakai iye tona angaine kovok e ma aitno vri ke iye kovok.

1 Korin 2:16

Ida Tapolngon ila pelengon wai langane. “Gute sei ile ke Ida Puda aitno ma iye karanga parere Ida Puda? Aurou lokono.” E dau iteile Krais aitno.

1 Korin 2:4

E pelengon ka ngawai ine e nganapapra ine ke umu didi osep taklak ina urok ilengen kovok. E ngong langka ma ngapalele aitno lumu kovok. Aurou. Lou elio nis umu ke Ano Itau ila arit.

2 Korin 1:23

Langka ngawai lokono ke umu kovok ngawaiki Ida Tapolngon mluk ngong ine. Ngauti ke Korin kovok lama lou langan due wan ka opru umu. E ngawaiki ngadue langane kovok.

2 Korin 11:11

Aitno lumu lange? Ngapang mani ke umu kovok kesua ngong lana ngong ke umu kovok? Aurou. Ida Tapolngon ile ngong lana ngong ke umu.

2 Korin 11:4

Ngawai langare kesua ngaile langane. Langka gute gesa me ke umu e yak umu ke basikngen silang ka la ke Yesus ma umoklingen ine e umedidie. Koke umodue ano silang ka Ano Itau kovok ma aitno lumu itau ke iye. Koke umodue omon silang ka eriar langka omon itau ka imanapapra umu ine kovok ma umoklingen ine. Ngaile osep tidue langane ke umu deka umekis dagar ine. E ngawaiki umodue langane kovok.

2 Korin 11:6

E osep leklou aitno lisak mter ngaile omur ke elio ka ngawai ke osep amtarsak kovok e dau ngaile omur ke wan bitna bitna. E aling aling ke wan bitna bitna keniye imenis umu langka imeile omur ke wan tonari.

2 Korin 12:15

E aitno lungong neser ma ngakar lou wan keniye ke umu e ngakar ngong blang ke umu ma ngalua umu ine. Ngong lana ngong omba ke umu. E lange? Ma umu lana umu sasi boto ke ngong i?

2 Korin 13:10

Ngasogo pas ane uti ke umu alo ka ngong dau ngadong mawa ke umu. Ngasogoe batne langane. Ngasogoe lama alo ka ngapolou ke umu lumu elio soulu dau dong e ma ngamosi umu ine. Ida Puda rere ngong ma ngakaranga ngadue elio langane e dau ngawaiki ngalua umu e ngaules umu kovok.

2 Korin 2:10

Deka langka umasak gute ila elio soulu ka iye due ke umu ma ngasake blang. E langka osep tidue elio langane e ngasake deka ke Krais bitna ngasake ma ngalua umu ine.

2 Korin 2:4

Alo ka oglou ngasogo pas ke umu aitno lungong soulu e kro lokono e ngakngis ine. E dau ngasogo pas tonari ma aitno lumu soulu ine kovok e ma umeile omur ngong lana ngong omba ke umu.

2 Korin 3:3

Umodong malak langka pas ka me ke Krais. Ke limem bokongon Krais sogo pas are. Iye sogoe ke ing kovok. Iye sogoe ke Ida Tapolngon ka dong vala dong Ano Itau. E silang iye sogoe ke opmu kovok e iye sogoe ke osep aitno lisak vala.

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

2 Korin 7:2

Ngawaiki ma umu lana umu ke imi. Imodue elio soulu ke gute kene kovok. Imayak osep deka imodue urok wan kovok. Aurou.

Galesia 3:2

Ngawaiki ngapmi umu ke wan kene vala. Umodue Ano Itau ke ekreng lange? Umodue ke ekreng ka umedidi Moses ila sogongon koke umodue ke ekreng ka umoklingen omon itau e aitno lumu la dagar ine?

Galesia 3:5

Ida Tapolngon kar Ano Itau ke umu e iye due elio arit ina airavu ke umu. Ina lange iye kar Ano Itau ke umu? Aitno mter langka umedidi Moses ila sogongon deka iye due langane? Aurou. Umoklingen omon itau e aitno lumu la dagar ine deka iye kar Ano Itau ke umu.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Efesus 3:4

Langka umedidi pelengon ka dong ke pas ane ma umeile omur ke wan ka iye laloe ka langane. Ma umeile omur Ida Tapolngon due aitno lungong mgo. E ngaile omur ke pelengon lokono ka oglou osep tile ine kovok. E Krais due polou lokono kodong.

Efesus 4:2

E umakakai angainmu kovok. Umodue elio molil molil e aitno lumu epen. Langka osep leklou tidue elio soulu ka sruk aitno lumu io aitno lumu nevlik ine kovok. Aitno lumu tidong epen vala ma lumu elio itau nis osep langane. Umu lana umu ke isak.

Efesus 4:32

Umodue elio itau vala ke osep e umodue mada ke isak ma aitno lumu itau pulu. Umasak elio soulu ka osep tidue ke umu eriar langka Ida Tapolngon sak lumu elio soulu e klok lumu elio epmes ina. Kesua Krais dong.

Kolosi 1:27

Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.

Kolosi 2:3

Krais ile ilengen itau keniye e elio itau keniye e iye karanga lua osep ma tile ine blang.

Kolosi 3:12

Deka langane. Umu Ida Tapolngon ila osep e iye lana iye ke umu e iye rere umu ila osep itau. Deka umodue elio bitna bitna langane. Elio ka aitno lumu due osep ka wan soulu polou ke isak e elio ka umodue mada ke osep e elio ka umodong moli e umepes angainmu. E elio ka umodue elio molil ke osep e elio ka amnga umu suong kovok ke osep ka tidue elio soulu ke umu.

1 Tesalonaika 2:10

Umeile e Ida Tapolngon blang ile limem elio ka imodue ke umu ka aitno lumu dagar ke Krais. Imodue elio itau vala ke Ida Tapolngon bitna e imodue elio soulu ke umu kovok e gute gesa karanga sin elio soulu vri ke imi kovok.

1 Timoti 4:12

E Timoti. Ngap tobor pula kovok. Deka langka osep tiwaiki tiklingen ke wom kovok are itau kovok. E dau aitno lugom kro ine kovok. Omdue elio itau vala ma osep Kristen tivati lem elio e ma tikanae. Ma omdue elio itau ke lem pelengon e ke lem mosongon e ke elio ka wom lana wom ke osep leklou. E aitno lugom dong dagar ke Yesus e amdangdang pampamu lugom ke elio epmes ina bitna bitna.

1 Timoti 5:2

E omdue elio itau blang ke apmang ka namor langka omdue ke ngap aiya. E omdue elio itau blang ke apmang belbela langka omdue ke sulup. Aitno lugom mter ke elio silang blang kovok.

2 Timoti 3:10

Oglou itodong pulu e amvati lou elio isuk isuk. Emklingen lou pelengon ka ngaparere osep ine e emile batne ke lou elio bitna bitna ka ngadue. Emile aitno lungong dagar ke Ida Tapolngon e ngadong dagar ke wan bitna bitna ka polou ke ngong. Emile ngong lana ngong ke osep pula e ngavri dagar alo ka elio polou ka opru ngong.

2 Timoti 4:2

Aling aling amnapapra Ida Tapolngon ila pelengon ke osep. Langka tiwaiki amnapapra ke isak koke tiwaiki amnapapra ke isak kovok io amnapapra ine vala. Ommosi aitno lisak ma aitno lisak mter itau e amwai dagar ke isak ma tibauluk aitno lisak ke urok elio soulu. E amwai pelengon itau ke isak ma due aitno lisak itau. Amwai molil molil ke isak e aling aling amparere isak.

Taitus 2:7

Deka Taitus ke wan ka pula keniye ka omdue ma omdue elio itau ine vala ma osep tivati lem elio isuk isuk itau e tikanae. Alo ka amparere osep amwai osuk vala e omdue anit ke Ida Tapolngon ila pelengon.

Jems 3:17

E langka gute didi ilengen ka me ke omur heven ila elio langane. Aitno mter ke elio itau vala e aitno epen ke osep. E ila elio molil e iye klingen osep urok pelengon. E aitno due osep e iye due elio itau ke isak. Iye didi elio kene ke osep ka pula keniye e yakyak ine kovok.

1 Pita 1:12

Ida Tapolngon nis osep napaprangan ina tonari tiwai ke wan ka ma polou alo ka tidong kovok. Aurou. Tiwai ke wan ka mase ma polou ke umu alo ka tinapapra pelengon ka oku ane umoklingen ine. Mase Ida Tapolngon pagei Ano Itau duru ke omur heven e iye due osep aitno lisak deka tiwai omon itau ke umu. E ensel ka tidong ke omur heven tiwaiki tile omur ke wan tonari ka Ida Tapolngon due ke umu.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Jon 3:18

Lou mimi daudeng. Itawai ite lana ite ke osep leklou vala kovok. Aurou. Ite lana ite ke osep ke elio isuk isuk ka itodue e ke pelengon ka lokono.