2 Korin 6:5 - Aria New Testament

⁵ E silang blang imodong dagar lokono alo ka osep timluk imi e alo ka tidue imi imesep ke kalabus. Osep leklou aitno lisak soulu ke imi e tisruk osep aitno lisak ma tiwaiki tipaiavu imi. E imoboko engil lokono e imakaranga imomunu kudung itau kovok e sapanga due imi.

2 Korin 6:5 ပူးပေါင်းရင်းမြစ်များ

Matyu 14:10

Deka iye pagei osep ola ina ke kalabus ma tiblou Jon otuk ine.

Matyu 14:3

Ke oglou Herot gi ina aiver Filip ila asap Herodias e aling aling Jon wai ke elio ane langane. “Elio ka omdue osuk e itau kovok.” Deka Herot wai ke osep ola ina ma tipou Jon limla e due sep ke kalabus.

Matyu 9:15

Yesus koli wai ke isak langane. “Langka isuk boto gute ma gi io ila saten tipli inarak ngangon alo ka gute dong kap isak kovok. E mase ma osep tidue gute tonari la e iye dong kap isak kovok deka ma tipli inarak ngangon.”

Aposel 13:3

Deka osep tonari tipli inarak ngangon e tidong vala e tiwai itau ke Ida Tapolngon ine. Tidue langane yagos deka tidue limsak tiduru tikai isak orwo deka tivai isak kla.

Aposel 14:19

Alo ari osep Yuda ina leklou ka tidong ke Antiok e Aikoniam tipolou ke Listra. E tisruk osep pula aitno lisak deka osep tonari tidue opmu e timluk Pol ine. Deka tiriri iye la munu ke armok ina boul kesua aitno lisak mter iye mete kodong.

Aposel 14:23

Deka ari tirere osep leklou ke armok kene kene ma tiplau Ida Tapolngon ila osep. Deka tiwai itau pula ke Ida Tapolngon ine e tipli inarak ngangon kesua tiwaiki aitno lisak la ke Ida Tapolngon vala. Deka ari tiwai ke osep ka tirere isak Ida Tapolngon ila osep inarak plaungan langane. “Ida Puda ka aitno lumu dagar ke iye kodong ma plau umu e kere umu itau ke lumu elio isuk isuk.”

Aposel 17:5

E osep Yuda ina leklou blang aitno lisak rim ke isak deka tidue osep ropo leklou e tiduni pulu e osep Yuda ina tisruk osep pula ka tidong ke armok aitno lisak. E tisuong kla ke gute Jeson ila ninu e tikrim ke Pol e Sailas ine ma tidue isak tipolou ke osep pula amtarsak.

Aposel 20:31

E eknikane umeile umu itau lokono lama elio soulu polou ke umu. Umoklingen. Ngakar pelengon dagar ke umu oklou aling aling iding ke tobor eklu e aitno lungong vri ke umu e ngakngis ke umu.”

Aposel 23:10

Ari osep tikot pulu omba deka osep ola ina inarak plaungan ka mgo vati elio ane e iye lim ine. Kesua iye ulou tarna langka osep tipi pulu Pol ma Pol pampamu ine notrum e ma iye mete. Deka iye wai ke osep ola ina langane. “Umala umoduru umepi Pol ke isak deka umapaur iye ke limem ninu.” Deka osep ola ina tididi ila pelengon.

Aposel 23:35

Deka gute tonari wai ke iye langane. “Alo ka osep ka tisin elio vri ke wom tipolou ma ngaklingen lumu pelengon.” Deka iye wai ke osep ola ina langane. “Umapaur gute ane la dong ke Herot ila ninu e umaplau iye itau.”

Aposel 24:27

E alo ka tobor orwo mela yagos gute Porsius Festus kasip Feliks amune e due ila bokongon. E Feliks waiki osep Yuda ina aitno lisak itau ke iye deka iye due Pol dau dong ke kalabus.

Aposel 26:10

Ari ngadue elio langane ke Jerusalem e ngala ngapolou ke osep loulou ina ka omba e tikar urok pelengon ke ngong e ari ngala ngadue Ida Tapolngon ila osep ma ngapaur isak tisep ke kalabus e tidong ine. Silang blang alo ka osep tidue burwa ke isak aitno lungong kene ke elio are.

Aposel 26:29

Deka Pol wai langane. “Langka ngawai dau tauni koke ngawai isuk boto vala eknikane ngawai ke Ida Tapolngon ngawaiki umu keniye ane umopolou eriar langka ngong ngadong. E dau ngawaiki osep tipou umu ke sen e umodong ka kalabus langka ngong kovok.”

Aposel 28:30

Alo ari Pol dau dong ke ninu gesa ka iye kli ninu tonari ina gute ine iding ke tobor orwo. E aitno itau ke osep keniye ka time tipolou ke iye.

Aposel 5:18

Deka tikis osep aposel dagar e tipaur isak kla tisep ke kalabus e tidong kap osep sosoulu.

1 Korin 15:10

E Ida Tapolngon makai ngong e due ngong ngapolou ila aposel gesa deka ngadong langane. Ida Tapolngon ila makaingan ka me ke ngong la adai vala kovok. Aurou. Ngaboko dagar lokono deka lou bokongon mole osep aposel leklou urok bokongon. E ngong tona ngadue bokongon tonari kovok. Aurou. Ida Tapolngon makai ngong e lua ngong deka ngaboko ke ila bokongon.

1 Korin 4:11

Ke oglou me iding ke eknikane imodong langka sapanga due imi e kre limi kakrak lokono. E imetnei klos ka itau kovok. Osep timluk imi e limem ninu gesa dong ka imodong ine kovok.

1 Korin 7:5

Langka umorwo umegi deka amkaranga ompul dogur ke eswom e amdangdang pampamu lugom ke iye kovok. E langka umorwo aitno lumu kene e umadangdang pampamu lumu isuk boto ma umakaranga umawai itau ke Pmada ke elio gesa elio langane itau. E mase umorwo blang umodue pampamu lumu tineklep pulu blang. Lama umakaranga umaplau pampamu lumu itau kovok e Satan tok umu.

2 Korin 11:27

Ngadue bokongon ka engil lokono e aling pula ngaboko e ngamunu kudung kovok. E aling pula sapanga due ngong e aki vel ngong kesua ngau ngangon sasi boto vala e tarna lungong blesim kesua lou klos karanga ke ngong kovok.

Efesus 3:1

Ngong Pol nganapapra Ida Tapolngon ila omon itau ke umu ka osep Yuda ina kovok. Deka osep Yuda ina leklou aitno lisak engil lokono ke ngong ine e tidue ngong ngadong ke kalabus ane. Ngadong ine e ngawai itau ke Ida Tapolngon ma iye lua umu.

Filipai 1:13

Osep ola ina ka tiplau Sisar ila ninu e osep pula leklou tile ngadong ke kalabus ane batne ngadue Krais ila bokongon.

1 Tesalonaika 2:9

Sipmi. Omtomu sisir ke bokongon engil ka imodue alo ka imodong kap umu. Imoboko engil lokono ke oklou e epmes ke wan ka imodue burong ine ma imakaranga imekli limem wan bitna bitna kesua imawaiki imodue elio ka opru umu kovok alo ka imanapapra Ida Tapolngon ila omon itau.

1 Timoti 4:10

Ida Tapolngon dong vala dong e iye waiki lua osep ka pula keniye e dau iye karanga lua osep ka aitno lisak dagar ke iye vala. Aitno lite dagar lokono ke iye e itapara ma iye due elio itau ke ite. Deka aling aling ma itoboko engil ke ila bokongon.

2 Timoti 1:8

Wom mnak wom ke Ida Puda ila pelengon kovok. Aurou. Amnapapra ine vala. E silang blang wom mnak wom ke elio ka ngadong ke kalabus kovok. Ngadong ke kalabus batne ngapalongo osep ke Ida Puda. E itorwo udo bokongon eriar e langka osep tidue agegeng ke ngong ma tidue langane ke wom blang. E dau Ida Tapolngon ila arit ma lua wom ke lem bokongon.

2 Timoti 2:9

Nganapapra Ida Tapolngon ila omon itau e ke batne ane osep tidue agegeng ke ngong. Tidue sen e tipou lungu e kongu ine e tidue ngong ngasep ke kalabus langka ngong gute soulu bitna. E osep tikaranga tidangdang omon itau kovok.

2 Timoti 4:5

E wom Timoti aitno lugom mter itau ke pelengon itau e emvri dagar alo ka elio polou ka opru wom. Aling aling amnapapra omon itau ke osep e ambabrum bokongon ka Ida Tapolngon kare ke wom.

Hibru 11:36

E osep leklou tiwai apok ke osep ka aitno lisak dagar ke Ida Tapolngon. E tiules osep leklou e tipou osep leklou ke sen e tidue isak tisep ke kalabus.

Hibru 13:17

Umodong moli ke osep ka tiplau umu e umeini urok pelengon. Kesua tidue urok bokongon ka tiplau umu e mase ma tiwai ke Ida Tapolngon ke wan ka tidue. Umeini isak ma aitno lisak itau ke urok bokongon e bokongon tonari opru isak kovok. Kesua langka urok bokongon opru isak elio are ma lua umu kovok.

Hibru 13:23

E ngawaiki umeile osep tisongon udo aten Timoti ke kalabus kodong. Langka suong iye polou ke ngong deka ma imorwo imouti ke umu e imavati umu.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”