2 Korin 6:16 - Aria New Testament

¹⁶ Koke Ida Tapolngon ila ninu e sapingen tikaranga tidong pulu? Kesua ite keniye langka Ida Tapolngon ila ninu. Ila pelengon wai langane. “Ma ngadong kap isak e ngalila kap isak. E ma ngadong Inarak Tapolngon e ma tidong lou osep.”

2 Korin 6:16 ပူးပေါင်းရင်းမြစ်များ

Matyu 16:16

E Saimon Pita wai langane. “Wom gute Krais ka Ida Tapolngon rere ma iye lua osep ke urok elio epmes ina. Wom Ida Tapolngon ka dong vala dong Otno Arang.”

Matyu 6:24

“Gute karanga boko ke osep orwo urok bokongon ke aling kene kovok. Aurou. Ma aitno itau ke gute kene e aitno soulu ke gute silang koke iye klingen gute kene ila pelengon e pli gute silang ila pelengon. Umakaranga umoboko ke Ida Tapolngon ila bokongon e umoboko ke mani ke aling kene kovok.”

Luk 5:36

Deka iye wai pelengon ano ke isak langane. “Gute gesa due molo arlak ke molo oku ina e sisire ke klos ka oglou ina kovok. Langka iye due langane molo oku ina ma nabak e dong eriar langka klos oglou ina kovok.

Jon 14:23

E Yesus koli wai ke iye langane. “Langka gute lana iye ke ngong ma iye ini lou pelengon e ma Livou lana iye ke gute tonari e ma imorwo imeme ke iye e ma imodong kap iye.

Jon 6:56

Gute sei ka ngen pampamu lungong e inim ngau marau ngadong kap iye e iye dong kap ngong.

Pas ka Pol sogoe uti la ke osep Rom ina 8:11

Oglou Yesus mete deka ari Ida Tapolngon due poga tito ke ina denga. E umu ka Ano Itau dong ke aitno lumu ma Ida Tapolngon due umu umopoga umetito ke upu denga. Ma iye due elio ke umu langka oglou iye due ke Yesus. E ma iye due pampamu lumu tipoga titito ke inarak denga.

Pas ka Pol sogoe uti la ke osep Rom ina 8:9

E langka umu io elio oglou ina pagei pampamu lumu kovok. Kesua Ida Tapolngon Ano Itau ka dong ke aitno lumu plau umu vala. E osep ka Krais Ano Itau dong ke aitno lisak kovok isak Krais ila osep kovok.

Pas ka Pol sogoe uti la ke osep Rom ina 9:26

E Hosea wai silang blang langane. “Ida Tapolngon wai ke osep ka tidong ke omur ka oglou ila osep tidong ine kovok ma mase ila osep tidong ine. E ma osep tisir isak Ida Tapolngon ka ila mosongon dong ke iye isak ila osep isak.”

1 Korin 10:21

Umu ka umeinim Ida Puda ina wan ma umakaranga umeinim angelo soulu inarak wan blang kovok. E umu ka umangen Ida Puda ina wan ma umakaranga umangen angelo soulu inarak wan blang kovok.

1 Korin 6:19

Lange? Umeile langane kovok? Pampamu lumu Ida Tapolngon Ano Itau ila ninu. Ida Tapolngon kar Ano Itau ke umu e iye dong ke aitno lumu. E pampamu lumu umu tona lumu wan kovok.

Efesus 2:20

Deka itodong langka Ida Tapolngon ila ninu e osep aposel e osep napaprangan ina tidong langka opmu ka Ida Tapolngon ila ninu dong dagar ine. E Yesus iye tona opmu ka due Ida Tapolngon ila ninu nepir pulu e dong dagar lokono.

Efesus 2:22

E umeneklep ke Krais kodong. Deka umogosok Yesus ila osep keniye umopolou Ida Tapolngon ila ninu ka itau. E Ida Tapolngon Ano Itau dong ine.

Efesus 3:17

Ngapmi Ida Tapolngon ma Krais dong vala dong ke aitno lumu. Ngapmi Ida Tapolngon ma aitno lumu ila dagar dong dagar ke iye. Ngapmi Ida Tapolngon ma iye lua umu ma umeile omur iye lana iye omba ke umu. Deka umu langka akai ka vri ke taklak e gigitno kis dagar ke taklak.

1 Timoti 3:15

E langka ngame paide kovok amvati pelengon ka ngasogoe ma emile elio itau ka ite ka Ida Tapolngon ila osep itedidie. Ite ka Ida Tapolngon ila osep itodong langka Ida Tapolngon ka dong vala dong ila sios. E sios langka kadanga komdungo ina ka dagar e kis dagar ke Ida Tapolngon ila pelengon.

2 Timoti 1:14

Ida Tapolngon rere wom ma amnapapra ila omon itau ke osep deka wom amplau omon tonari itau. Ano Itau ka dong ke aitno lite ma lua wom ine blang.

Hibru 3:6

E Krais iye Ida Tapolngon Otno Arang ka didi ila pelengon e plau ila osep itau. Isak langka Ida Tapolngon ila ninu. E Ida Tapolngon ila osep tonari ite. Deka ma itodong dagar e aitno lite ila dagar segesege kovok. Ma itodong itapara ke wan ka mase ma polou.

Hibru 8:10

Ngong Upu Puda e mase ma ngawai lou kontrak oku ina ke osep Israel ina ka langane. Ma ngadue lou pelengon sep ke bara lisak e ngasogoe ke aitno lisak. Ma ngadong Inarak Tapolngon e isak ma tidong lou osep.

Jems 4:5

Ida Tapolngon ila pelengon wai langane. “Ida Tapolngon kar Ano Itau ke ite deka Ano Itau aitno kro ke ila osep lama aitno lisak la ke wan ka taklak ina vala.” Aitno lumu lange? Ida Tapolngon ila pelengon tonari pelengon adai? Aurou.

1 Pita 2:5

Umu blang umodong langka opmu ka urok mosongon dong ke isak ka Ida Tapolngon Ano Itau uri ila ninu ine. E umopolou osep loulou ina ka itau lokono e ke Yesus Krais angaine langka umodue elio opmu ina ke umu kenmu kenmu. Deka ma Ida Tapolngon aitno itau ine.

1 Jon 4:12

Gute gesa vati Ida Tapolngon kovok. E langka ite lana ite pulu Ida Tapolngon dong kap ite e elio ka iye lana iye ke osep polou dagar ke aitno lite.

1 Jon 4:15

Gute ka wai Yesus iye Ida Tapolngon Otno Arang Ida Tapolngon dong kap iye e iye dong kap Ida Tapolngon.

Pelengon kukwopngon 2:1

Gute tonari wai langane. “Omsogo pelengon ke ensel ka dong ke sios ke Efesus. Pelengon tonari langane. Gute ka kis gigimo lumorwo ke limla odung e lila airavu ke wan lumorwo ka lam tidong ine ka tidue ke gol wai langane.

Pelengon kukwopngon 21:3

Deka ngaklingen gute kreine wai omba ke Ida Tapolngon ila kova langane. “Umoklingen. Eknikane Ida Tapolngon ila ninu dong kap osep e iye dong kap isak blang. Iye dong kap osep e tidong ila osep e iye dong kap isak blang.

Pelengon kukwopngon 21:7

Langka osep timole elio soulu ma ngakar wan bitna bitna tonari ke isak e ma ngadong Inarak Tapolngon deka ma tidong langka dirgu isak.”